ههههههههههه كمان واحد واضح ان البلد وصلت لحاله بنت تيت :majd(4)::majd(4):
عرض للطباعة
خطر طبعآ لاى بنت تركب ملاكى ولا حتى راجل . انتى لاتآمن على نفسك من السواق فممكن قوى عصابات اخترقت هذة الافكار وتركب معاه يسرقك على الاقل خد الموبايل وشويه الفلوس ال معاك ويكررها فى كذا منطقه ومحافظه والايام تعدى وتمشى معاه
النقطة الايجابية للوحيدة انها بتقضى او بتخفف من جشع سواقى التاكسى ... يعنى التاكسى الملاكى بنديرته ارخص بكتير وبيرضى بقليله .. لكن ممنوع للبنات طبعا ... لكن حكاية انه يسترزق بدل ما يسرق فده مش مبرر خالص الحقيقة ... يروح يشوف شغله تانية ... بس عموما يعنى هو موضوع فاشل ومفروض المرور يشوفله حل
بقت منتشرة جدا جدا
عربيات تاكسي قديمة المفروض انها كانت تتكهن و اصحابها قلبوها ملاكي و باعوا النمر الأجرة بمبلغ كبير او اشتري عربية جديدة و رخصها تاكسي بنفس النمر و قلب العربية القديمة ملاكي و بيشتغل بيها تاكسي
طبعا هو تحايل علي القانون
بس هو المشكلة انه ممكن يرتكب اي مصيبة و محدش يقدر يحاسبة يعني ممكن يركب واحدة و يعمل اللي هو عايزة و محدش يقدر يكلمة لأنه هيقول هي ركبت معايا بمزاجها بدون اكراه
و غيره كتير من البدع و البلاوي اللي بنسمع عنها كل يوم
انا عن نفسي لا افضل اني اركبه و بصراحة التاكسي مالي الدنيا و مرطرط يعني ملهاش لازمة من اساسه
كان في موقف حصل معايا انا وواحد صاحبي من سنتين
كنا ماشيين في شارع التحرير بنوقف تاكسي ولاقينا واحد ب128 ملاكي وقفلنا
فقلنا نركب
المهم الراجل كان شكله مريب وقافل الازاز بتاع العربيه كله وشايل اكر الازاز وفاتح شباكه بس
وبعدين قام ماسك علبة معطر جو وقام راشش في العربيه وانا بكره معطرات الجو فحطيت منديل على وشي وكنا قربنا من البيت فقلتله على جنب ونزلنا وصاحبي كان بيقولي البتاع اللي رشه ده ريحته زي الدوا ووجعلي دماغي
المهم نفضنا وطلعت البيت لقيت جرنان وانا بحب صفحة الحوادث فلقيت خبر عن سواق تاكسي رش مخدر على الركاب وصحيو لقو نفسهم مرميين في حته مقطوعه بدون فلوس ولا موبايلات
والمفاجئه ان ده حصل في منطقه قريبه مننا !
فاحذرو من اي حد سواء تاكسي او ملاكي من انه يرش اي معطر جو ولو حصل حاولو تكتمو نفسكم وتفتحو الشباك
انا من العاشر من رمضان والسيارات الملاكي اللي بتشتغل تاكسي اكتر من التاكسي
وحظي الاسود اني معايا سياره بيضاء وبخاف من بتوع المرور
اصلهم بيوقفو العربيات وممكن يسحب منك السياره لو مشغلها تاكسي وقضيه وبيخدو عاطل في باطل
وممكن يسئلك مين اللي راكب معاك ويخليك تقول اسمه ويقول اسمك
وشغلانه
يا سيدي مرور ايه اللي في العاشر ؟؟!!! :brn:
هو ظابط و لا اتنين و 3 امناء شرطة .. ديتهم بس تبصلهم بقرف هيعرفوا انك واحد مهم :colsmil:
و بالمناسبة عربيتي لادا و لونها فاتح و الناس برضو بتشاورلي :E_braces[1]:
و مرة و انا عند الموقف لقيت طفل من ابناء الشوارع فتح الباب اللي جنبي و قعد و قاللي (الدوحة :rfds: )