فعلا مرور السلام طلع جنة
عرض للطباعة
فعلا مرور السلام طلع جنة
هل اللى صمم المبنى ده مش عارف هو هينشغل بإيه؟
هل المسئولين واللواءات هناك مش بيشوفوا البهدلة اللى الناس بتشوفها وبتشربها يوميا ولا يعرفوا يحلّوها؟
هل إذلال المواطن بقى بنفس أهمية تنفيض جيوبه؟
أصعب مشاوير تقضيها في مصر هي مشاوير المرور , وأسهل مشاوير تعملها في الخليج هى مشاوير المرور !!
اليوم أكملت مشاويرى فى تجديد الرخصة بعمل الفحص وقد تم بيسر والحمد لله (يبدو أن يوم الخميس من أيام قلة الزحام) ثم جولة بؤس أخيرة فى وحدة المرور لتقديم الأوراق بين عشرات المكاتب خلف الأسوار - أقصد خلف الزجاج، مع التعامل مع موظفين يحبون التعسير ولا يعرفون التيسير وفى صالة ضيقة فيها بقايا أجهزة تليفزيون ومراوح تم سرقتها ويتزاحم فيها جموع من البشر وسط أدخنة السجائر وقطرات العرق والتشاحن المستمر..
ثم تأتى الانفراجة الأخيرة بضرورة الذهاب لتسلم النمر والرخصة الجديدة من شباك الأقزام حيث يلزمك أن تكون قصير القامة جدا لتستطيع التحدث مع "الباشا" العسكرى معدوم القيمة الذى يأنف الحديث مع الناس أو الرد عليهم وربما يذكرك هذا بضرورة وأهمية القرد الذى تحدثت عنه من قبل..
وبعد عدة ساعات يمكنك إستلام النمر ليقوم الموظف الفنان بثقب صاج أو فبر سيارتك حيث يحلو له لتثبيت النمر ، ولا يفوتك شراء شنطة السعافات والمثلث والطفاية وشنطة أخرى غريبة يأخذوها منك مرة أخرى وتصوير بعض أوراق لا يحبون تصويرها ...
وأترككم مع الصور:
شباك التواضع لإستلام النمر والرخص - مخصص للأقزام والأطفال والقرود
زحام لا يعرف النظام وموظف يخاطب المواطنين من خرم إبرة:
والغريبة انت رايح تدفع ليهم فلوس
طيب لو رايح تاخد دعم (الخبز او التموين او البنزين)
تفتكر الوضع حيكون اذاي!!!!!!!!!!!!!
دا انا هروح ايوس كل اللى فى مرور السلام واقولهم حقكم على مكنتش عارف ان فيه اسوء منكم
اولا متخدش كلامي دا على اني زعلان لاني مش زعلان
بس هل دا معناه ان اهالي بنها دون المستوى ف مايستهلوش يتعملهم مرور كويس كفاية عليهم كدا ؟؟؟
وبعدين لو الحكومة شايفنا فلاحين ف تعاملنا في كل حاجة على اننا فلاحين منبقاش فلاحين في ال لينا وناس حلوة ف ال علينا
والسبب في عدم النظام دا مش زي ما حضرتك بتقول الحكومة لا دا سببه محافظ كل همه يلم فلوس من اي حاجة
بيسمح باي حاجة مقابل الفلوس
ومدير امن اخره يخلي ال عربيات ال حطه فاميه تشيلها انما اي حاجة ولا في دماغه
هو مبيدايقوش في المرور غير الفاميه
والله حاجة تزعل
هم يبكى وهم يضحك
يعنى حتى لو قلنا انهم بيتعاملو مع الناس درجات
طيب الشباك اللى حطينه فى السما ده ليه
والا ده كمان تبع قوم عاد بتوع الاهرامات!!!!!!!
اجمد صورتين الشياك اللى فووووووووووووووووووووق
والشباك اللى تحححححححححححححححححححححححح ححححححت
أخر مرة رحت أجدد الرخصة مرور مدينة نصر(و على فكرة مرور مدينة نصر مش نضيف و كويس ولا حاجة هتلاقى فيه نفس القرف اللى فى أى مرور فى مصر) رحت قبل انتهائها ب أسبوعين....عارفين كان اية عقابى أنى راجل ملتزم و جاى بدرى أسبوعين؟؟؟؟ الموظف مارضيش يجددلى 3سنيين بيقولى سنتين بس!!! قال أية كان لازم أجى على ألأكتر أسبوع قبل أنتهاء الرخصة ...طبعا لما جبتلة واسطة أصبح ممكن أنى أجدد 3 سنيين. و الله مشوار المرور دة من أكتر الحاجات اللى باكرهها .:036: