مستقبل بلا بنزين

**grandh135** · 25-12-2007 09:45 AM

اخوانى الكرام بمتايعة كلام السيد رئس الوزراء بان استهلاك مصر من البنزين يزداد سنويا حوالى عشرة فى المائة . وتعليقا على كلام سيادتة أعلن احد العلماء المتخصصين بالطاقة _فى جريدة الوفد_ان مخزون مصر من البترول ينتهى على هذا النحو بعد ثلاث سنوات ونصف....وذكر بالارقام الاحتياطى النفطى بمصر و أوضح ان 40% منه تذهب الى شركات التنقيب والباقى للاستهلاك المحلى وللتصدير ....المهم بالموضوع اننا سنضطر قريبا الى استيراد البنزين المخصص للسيارات مما يعنى زيادة اكيدة فى اسعار الوقود...فهل من الممكن الاستعداد لهذا اليوم باستخدام سيارات تعمل بالغاز أو بالديزل على اساس انه أرخص من البنزين الحالى ..ارجو من الاخوة الخبراء افادتنا بوجهة نظرهم فى كيفية التعامل مع مثل هذه الظروف..والباب مفتوح لاراء كل الاخوة الغاليين والمحترمين فى منتدنا الرائع ...وشكرا لكم

**tutankhamoun** · 25-12-2007 10:00 AM

المشاركة الأصلية كتبت بواسطة grandh135

اخوانى الكرام بمتايعة كلام السيد رئس الوزراء بان استهلاك مصر من البنزين يزداد سنويا حوالى عشرة فى المائة . وتعليقا على كلام سيادتة أعلن احد العلماء المتخصصين بالطاقة _فى جريدة الوفد_ان مخزون مصر من البترول ينتهى على هذا النحو بعد ثلاث سنوات ونصف....وذكر بالارقام الاحتياطى النفطى بمصر و أوضح ان 40% منه تذهب الى شركات التنقيب والباقى للاستهلاك المحلى وللتصدير ....المهم بالموضوع اننا سنضطر قريبا الى استيراد البنزين المخصص للسيارات مما يعنى زيادة اكيدة فى اسعار الوقود...فهل من الممكن الاستعداد لهذا اليوم باستخدام سيارات تعمل بالغاز أو بالديزل على اساس انه أرخص من البنزين الحالى ..ارجو من الاخوة الخبراء افادتنا بوجهة نظرهم فى كيفية التعامل مع مثل هذه الظروف..والباب مفتوح لاراء كل الاخوة الغاليين والمحترمين فى منتدنا الرائع ...وشكرا لكم

كلام جميل
و لكن الديزل هو مشتق من مشتقات البترول و إذا نفذ البترول سينفذ البنزين و الديزل معا
يبقى الحل في الآتي
1 - تحويل السيارات للعمل بالغاز الطبيعي ووقف تصديره
2 - تقليل عدد السيارات بزيادة عدد سيارات الخدمة العامة و المواصلات العامة و تحسينها بأسعار مناسبة للخدمة المقدمة و جعلها آدمية الاستخدام لتصلح للإستخدام من كافة أفراد الشعب
3 - تطبيق القانون بصرامة على المخالفين لأن القيادة العشوائية في القاهرة الكبرى لها خسائر في استهلاك الوقود يقدر بنحو مليار جنيه مصري سنويا ( تقدير هيئة من هيئات الأمم المتحدة )
4 - تغيير النظام الحكومي المصري و الإعتماد على البريد قدر الإمكان كالدول المتقدمة لتوفير مشاوير الذهاب إلى المصالح الحكومية و استهلاك الوقود و تضييع الوقت و تفعيل دور البريد و زيادة خزينة الدولة بطريقة إيجابية
و هذه بعض الأفكار التي في رأسي

**Abu Aly** · 25-12-2007 10:55 AM

بالمناسبة حد يعرف ليه الحكومة من زمان لا تشجع و لا توفر الديزل لمحطات البنزين رغم انه اكثر
و فر فى استهلاك الوقود و اكثر نظافة للبيئة والعربيات التى تسير بالديزل منتشرة فى اوربا ؟؟

**tutankhamoun** · 25-12-2007 12:14 PM

المشاركة الأصلية كتبت بواسطة Abu Aly

بالمناسبة حد يعرف ليه الحكومة من زمان لا تشجع و لا توفر الديزل لمحطات البنزين رغم انه اكثر
و فر فى استهلاك الوقود و اكثر نظافة للبيئة والعربيات التى تسير بالديزل منتشرة فى اوربا ؟؟

مين اللي قال إن الديزل أكثر وفرا من البنزين في الاستهلاك ؟؟؟؟ .... أنا مش عارف المعلومة دي
أما موضوع أكثر نظافة للبيئة فهذا ليس صحيح تماما
البنزين أكثر حفاظا على البيئة من الديزل
البنزين يعطي طاقة أعلى من الديزل ......... جرب تشد مع واحد معاه عربية ديزل في نفس قوة موتورك و هاتعرف الفرق في الطاقة المنتجة ما بين الوقودين

و ثمن الديزل في اوروبا تقريبا يعادل ثمن البنزين أو أقل قروش بسيطة ( حسب العملة )
أما في مصر
الديزل مدعم لأقصى حد علشان سيارات النقل و أتوبيسات النقل العام و السيارات النصف نقل و الميكروباصات تعتمد عليه
لذلك يتم تدعيمه من قبل الحكومة أكثر من البنزين ......... و أصلا هما اللي أثنين مدعمين من الحكومة و هذا ليس الثمن الحقيقي للسلعة الذي ندفعه فيها

**Abu Aly** · 25-12-2007 02:52 PM

اذا فعلا معلوماتى غير مؤكده وبعضها كانت من خلال حديث مع واحد من بتوع المبيعات فى توكيل بيجو وجيه اباظه كان بيحاول يبيع لى عربية 407 ديزل بسعر مغرى .. طبعا السعر كان مغرى جدا اقل بكتير من سعر 407 بنزين .. و قال معلومة ان الديزل فى مصر ارخص بكتير من البنزين لكن فعلا ملاحظ ان عربيات الديزل الملاكى مالهاش سوق فى مصر بينما عربيات الديزل ماليه اوربا و خصوصا فرنسا .. طيب ليه و هما اهتمامهم بالبيئة اكيد اعلى مننا ؟ و ليه الناس بتشترى عربية
ديزل اذا ماكانتش بتوفر بنزين و سحبها ضعيف ؟؟ .. هل انت متأكد من معلومة ان سعر البنزين يعادل سعر البنزين فى اوربا ؟؟.. يعنى اذا كان نفس السعر و بيضعف سحب الموتور طيب ليه واحد اورباوى يشترى ديزل ايها الملك الهمام توت ؟؟ .. على العموم مش لازم برضه نعمم فى الكلام عن اوربا .. لانها دول كتير و مؤكد اسعار البزين و الديزل و غيرها من المنتجات بيختلف ..
اما ان العربية البنزين بتشد عن عربية البنزين فمش مهم اذا كانت بتوفر بنزين جامد او على الاقل مش بالنسبة لى لانى مش غاوى اشد و احاول اسابق اللى جنبى على الطريق زى الشباب الروش .. يا جماعة لازم من دلوقتى نهتم بموضوع معدل استهلاك البنزين لما نيجى نشترى عربية جديدة لاننا داخلين على زمن صعب و الحكومة مش حتصبر كتير بسبب ارتفاع سعر البترول للسماء هما خايفين يعملوها من رد فعل الناس اللى روحها بقت فى مناخيرها لكنها مسألة وقت .. و نفاذ الاحتياطى مصر بسرعة حيخللى كله استيراد .
لكن السئوال ازاي عربيات النقل الضخمة ثقيلة الوزن و القطارات بتستخدم الديزل اذا كان ما كانش بيخللى السحب كويس ..؟؟ سئوال للخبراء و كمان هل الديزل افضل للمواتير ام البنزين ..؟

**tutankhamoun** · 25-12-2007 03:13 PM

يأ أستاذ أبو علي
المسألة مش مسألة الديزل أحسن للمواتير أو لاءة
لأن موتور البنزين حاجة و موتور الديزل حاجة تانية
مواتير الديزل تديك عزم أعلى من مواتير البنزين
عدد لفات موتور أقل بعزم أعلى علشان كدا بتلاقيها موجودة في الحاجات اللي عايزة قوة زي عربيات النقل و القطارات
بالنسبة لموضوع سعر البنزين
أنا متأكد مليون في المائة ( تجربة شخصية يا سيدي الفاضل )
العربيات الديزل بتصنع في أوروبا و لها مواصفات و حدود انبعاثات مسموح بها و لو تعدتها السيارة لا تدخل إلى السوق الأوروبي أصلا
و العربية الديزل مش بتوفر زي ما انت فاهم
هو الديزل في مصر أرخص ........ إنما الاستهلاك هو هو
يعني لو عربية 2000 سم مكعب ذهب إلى الأسكندرية و كانت بنزين ستسحب نفس كمية الديزل لو كانت ديزل و لكن بما أن الديزل في مصر أرخص لذلك تكلفته على السيارة أقل من البنزين
مش مسألة إن العربية مش استهلاكها يقل علشان ديزل

**PRO-DRIVE** · 25-12-2007 03:19 PM

مواتير الديزل تديك عزم أعلى من مواتير البنزين
عدد لفات موتور أقل بعزم أعلى علشان كدا بتلاقيها موجودة في الحاجات اللي عايزة قوة زي عربيات النقل و القطارات
بالنسبة لموضوع سعر البنزين

بالظبط هو دا السبب ان كل سيارات فولكس فاجن و اودي الsuv
بتنزل منها نسخه ديزل Tdi و العزم بتاعها جبااااار و مش قوي بس
و من سنتين لما فولكس بسياراتها توارج 10 سلندرات Tdi

شدت طائره بوينج 747 :)

و السياره كانت بالكامل ستوك :)
مع اضافه 8 طن علي وزنها علي ما اتذكر عشان تقدر تشد الطياره :)

**Abu Aly** · 25-12-2007 06:05 PM

المشاركة الأصلية كتبت بواسطة tutankhamoun

يأ أستاذ أبو علي

1

مواتير الديزل تديك عزم أعلى من مواتير البنزين

** حلو ... اذن كل ما العزم يزيد تبقىالعربية حديد !!

2

العربيات الديزل بتصنع في أوروبا و لها مواصفات و حدود انبعاثات مسموح بها و لو تعدتها السيارة لا تدخل إلى السوق الأوروبي أصلا

** جميل .. اذن ممكن تبقى كويسه للبيئه كمان !

3

و العربية الديزل مش بتوفر زي ما انت فاهم
هو الديزل في مصر أرخص ........ إنما الاستهلاك هو هو
يعني لو عربية 2000 سم مكعب ذهب إلى الأسكندرية و كانت بنزين ستسحب نفس كمية الديزل لو كانت ديزل و لكن بما أن الديزل في مصر أرخص لذلك تكلفته على السيارة أقل من البنزين
مش مسألة إن العربية مش استهلاكها يقل علشان ديزل

** يعنى حتى لو بتستهلك فى المشوار نفس كمية النزين لكن بسعر اقل = عربية اقتصادية اكتر !

و بناء عليه نكون اتفقنا مش كده و الا ايه ؟؟ !!! على كل الاحوال لماذا لا تستورد التوكيلات موديلات
الديزل و يبقى خيار للمشترىديزل او بنزين ؟؟