المشاركة الأصلية كتبت بواسطة mmmm1977eg
انا اسف جدا لانى مكنتش بدخل على الموقع الاسبوع الماضى كله
شكرا على اهتمامك و ردك على اسئلتى
العفو يا أخى احنا هنا فى الموقع ده كلنا اخوه والحمد لله
و الف شكر على عرض خدماتك و ارسال رقم تليفونك
بس انا كنت عايز اعرف حاجة العربية ديت طبعا مفهاش باور . هل هى تقيلة و لا عادى ؟ و
بص طول ما العجل مضبوط ضغطه على 30 الدريكسيون عادى انما لو مش مضبوط بيبقى تقيل
هل ممكن يركب ليها باور ؟
ممكن بس مكلف
و بعدين ناس كتير بيقولوا العربية واطية يعنى كل شوية هتحتاج تغير العفشة فهل هذا الكلام صحيح؟
هى فعلا واطيه نسبيا بس ده مش بيأثر على العفشه فى شئ بالعكس ده بيدى ثبات للعربيه وكمان عفشتها معمره جدا
طب اية اسعار العفشة من مساعدين و كبالن ؟
أنا مغير المساعدين اللا ماميين ب300ج والكوبلن كامل ب200ج استيراد
و هل قطع الغيار متوفره و ادو لما الاقيها ؟ و فين ؟
متوفره استيراد وجديده
و هل اى ميكانيكى ممكن يشتغل فيها و لا محتاجة متخصص يابانى ؟
أى ميكانيكى يشتغل فيها
و فى اخر الامر لو معايا فى حدود 28000 تنصحنى بيها ؟ و لا اغير احسن ؟ الصراحة انا محتاج عربية تكون ركوبة محترمه و بيها شنطه
بلاش أحسن مش علشان نوع العربيه ولكن علشان حالتها حاول تشوف حاجه تكون حالتها كويسه
و اسف على كثرة الاسئله