-
معاينة byd-f3 موديل g-i بالصور
-
شكراً يا باشا على التقرير
-
ياباشا انت بتصور العربية من المعرض و هي عندك اساسا
وبعدين دي ال gli ولا gi؟
-
شكؤا ياباشا على مجهودك. بس انا عندي تعليق على حاجه تانيه غير العربيه.
شايفين منظر التوكيل من جوه عامل ازاي؟؟؟ لا تعليق!!!
وحرام العربيه ديه تتظلم كده.
-
شكرا على التقرير الرائع وده موديل gl لأن الأكر بلاستيك مش نيكل
-
شكرا يا باشا على الصور
العربية كأنها فى جراج مش معرض
-
اقتباس:
المشاركة الأصلية كتبت بواسطة ahmed1981
شكراً يا باشا على التقرير
العفو يافندم والحمد لله أنها أعجبت حضرتك
-
اقتباس:
المشاركة الأصلية كتبت بواسطة abdullah_yousof
ياباشا انت بتصور العربية من المعرض و هي عندك اساسا
وبعدين دي ال gli ولا gi؟
الحقيقة الألوان دي جديدة علي السيارة وبصراحة اللون الزهري الغامق تحفة عليها فحبيت أنقل لكم الصور دي لأنها لم تكن موجودة في الصيني ومعلش التصوير علي قدي شوية
وأنا كمان صورتها فيديو بس للأسف حاولت أنزله مع الصور الموقع مش قابل خالص.. مش عارف ليه ؟
وعلي فكرة الموديلات دي [caps]g-i[/caps] فقط وفيما يبدوا الفترة القادمة مش حيكون فيه غيرها
-
اقتباس:
المشاركة الأصلية كتبت بواسطة tamagogo
شكؤا ياباشا على مجهودك. بس انا عندي تعليق على حاجه تانيه غير العربيه.
شايفين منظر التوكيل من جوه عامل ازاي؟؟؟ لا تعليق!!!
وحرام العربيه ديه تتظلم كده.
العفو حضرتك كان نفسي أجيب صور أفضل لكن ماكنش فيه غير العربيتين دول والغريب إنهم إتباعو بعد ماصورتهم علي طول ومشيوا بعد حوالي نص ساعة
والتوكيل الصراحة فعلا محتاج شوية توضيبات لصالة العرض الي فاضية معظم الوقت أساسا من السيارات وإن كان ده أصلا مركز الصيانة بالإسكندرية والشركة مستغلة الواجهة اللي علي الطريق كمعرض لكن محتاجة جهد اكبر من كده أنا نفسي بادوخ علي بال ما بأوصل للمركز كل مرة أروح أعمل صيانة كأني أول مرة أجي عندهم لأن اليفط الإرشادية صغيرة جدا جدا ومفيش أي أعلانات طريق كبيرة زي اللي بنشوفها للماركات التانية زي إسبرانزا مثلا مش حنقول هيونداي ولا شيفورليه... نعمل إيه بس .....ربنا يصلح الحال
الصراحة العربية دي محتاجة أكتر من كده بكتير جدا
-
اقتباس:
المشاركة الأصلية كتبت بواسطة mimo4019
شكرا على التقرير الرائع وده موديل gl لأن الأكر بلاستيك مش نيكل
مظبوط كلام حضرتك فعلا وأنا طلبت أفتح العربيتين مخصوص علشان أحاول أشوف جميع الفروق الشكلية بين الموديلين بالتحديد وكانت حجات بسيطة جدا جدا زي ما حضرتك قلت الأكر وعلامة الـ BYD في الدريكسيون وعصا الفتيس وبدل لمبة الإنذار في التابلوه عالشمال موجود مكان وضع العملة المعدنية إضافي جنب االمكان الأصلي يعني بقي فيها مكانين للكوينز ..طبعا دي ميزة علشان تلاقي فكة كل ما حد يمسح لك العربية في الإشارات :E_braces[1]:
غير كده مفيش أي فروق تانية غير طبعا الإير باج والفرامل والإنذار
وعلي فكرة الأستاذ أحمد مدير الفرع قاللي إن جت لهم شكاوي كتيرة من إن الفرش الجلد بتاع الموديل المصري ناشف وتم تصحيح هذه المشكلة بالمصنع وأصبح طري في الإنتاج الجديد