هى الفيران ممكن تعمل ايه فى العربيه ؟ :ma:
اصل انا حاطط العربيه فى جراج نضيف والله بس كل ما اجى افتحه الاقى فار طالع يجرى من تحت العربيه
فياهل الفار ممكن يكون كان بيعمل ايه تحت العربيه :majd(4): ربنا يستر من الردود
عرض للطباعة
هى الفيران ممكن تعمل ايه فى العربيه ؟ :ma:
اصل انا حاطط العربيه فى جراج نضيف والله بس كل ما اجى افتحه الاقى فار طالع يجرى من تحت العربيه
فياهل الفار ممكن يكون كان بيعمل ايه تحت العربيه :majd(4): ربنا يستر من الردود
هو ممكن يخش جوه تحت الكبوت بحكم جسمه المرن وممكن يققرض سلوك تتسبب في عطل للعربيه
يا بختك انا بلاقى عرسه :dzey:
لو عربيتك ليها صاج حمايه للماتور من تحت متقلقش مش حيقدر يوصل بس بيفضل الخوف ع الكوتش ممكن يقرقطه هههه
الفار جسمه مرن جدا
اعتقد ممكن يعدى من صاج الحماية
لا لو مقفول جامد مش ح يعدي
ممكن تدخل العربية وتخيل انك سايق وقاعد فىمكان فيه فار تخيلللللللل
هاتله قطة.
شوف ياباشا ...الفئران ممكن توصل لاي مكان في الموتور وهي بتحب تدخل جوه علشان الموتور بيبقي دافيء بعد ماتركن العربيه .خطورتها انها ممكن وهي قاعده كده تتسلي تقوم تاكل الضفيره او اي اسلاك .انتوا عارفين ان الفار لو ماقرقضش حاجه ناشفه علشان يبرد سنانه بيموت .وممكن كمان يسحب راس سمكه او مصارين فرخه للموتور علشان ياكلها او يخزنها وفي الحاله دي هتشم ريحه جيفه وهتحتار ايه السبب . حاول تامن الجراج كويس .
طيب لو حد عندة خبرة في موضوع كيفية اصطيادة يقولنا عشان عندى فأر ظهر في الشقة وجبت اللزقة بتاعت الفئران وحططها بقالى كام يوم ولكن بدون نتيجة
حط سم فى الجراج وخلاص
ولو الجراج متقفل كويس والفار بيخش من تحت الباب بتاع الجراج ممكن تعمل عتبة علشان تقفلة الحته اللى بيدخل منها بس خلى بالك متعملهاش كبيرة قوى علشان متكسرش العربية بتعتك
حط مصيدة
وهي فايدتها انها بتبعد الفئران عن المكان خصوصا لو فيها ريحة فار تم اصياده من قبل
خطلك مصيده وخلاص
ا / نبيل
حطه له فى المصيدة
طعمية
جبنة رومى
طماطم
دى الحاجات اللى الفران بتحبها
العرس كانت بتدخل من فتحة الهواء المؤدي للعمة وكانت بتجيب بقايا الطعام والعظام وتاكل فى الحتة دي ,, وطبعاً القوارض الصغيرة دي مؤذية جداً وتخيل يطلع لك واحد وانت سايق هيربكك ازاى !!
حط مع المصيده الجبنه ولانشون
الاسهل
هات اي كرتونة قديمة زي كرتونة الشيبسي و افردها و حط في النص الطعم (جبنة رومي و غيره من الحاجات المكتوبة فوق) و هات لزق صيد الفيران من الصيدلية هو انبوبة زي معجون الحلاقة (سميك) ...... اعمل بيه دايرة حوالين الاكل من بعيد داير ما يدور ...... الفار هييجي يخش يقوم ماسك في اللزق و يبقى يقابلني لو عرف يفك
ده أنا عملوا بوفية مافتوح طماطم + جبنة رومى + قطعة خبز + قطعة فراخ ومافيش فايدة مابيقربش نهائي منه ومجربتش موضوع الطعمية بس أنا بحط الطعام داخل دائرة من اللزق قد كاف اليد كدة في وسطها يعنى مش حوليه من بعيد ممكن يكون هو ده السبب ولا اية؟ يعني مثلاً رائحة اللزق بتخليه يبعد ويفهم ان دى حاجة خطر!! ولا موضوع اللزق ده فاشل وانزل اشترى له مصيدة أحسن من المصائد التقليدية و شكراً على المساعدة ياشباب
جرب المصيده .بلاش اللزق
اللزق ياباشا ميجبش نتيجه خاالص
على فكرة اللزق لازم تحطه فى حاجة ثابتة يعنى انا مرة حطيته على كرتونة وعليه عيش
كل العيش وعدى من اللزق
هات مصيدة احسن
ههههههههه هقولكم اخر خبر
بس الاول يا جماعه موضوع الموت ما كانش هيحل المشكله بالعكس الاجبال الى بعد كده كانت هتحب تنتقم اكيد
انتم قلتم اصناف كتير لو قدمتها ليه واملى معدته اكيد ما كانش هيعمل حاجه فى العربيه
المهم انا من شويه خرجت العربيه من الجراج ده بتاع واحد صاحبى اتصل بيا واحد قريبنا واقرب للبيت وقالى انه عنده عنده مكان فضى فى الجراج بتاعه قلتله على بركة الله وكنت ماشى بالعربيه رحت وديتها علطول
وفرت مواصله كل يوم اروح اجيب العربيه من اخر الدنيا وخلصنا من الفار ههههه
انا مش فاهم سر حب الفيران والعرس للعربيات ... حاجة تجنن
من كام يوم فتحت الكبوت لقيت (آثار) عرسة كانت قاعدة فوق الموتور
وبعدها وفي ليلة كنت داخل بالعربية للجراج لقيتها جاية تجري من بعيد ودخلت تحت العربية من قبل حتى ما اكمل ركن العربية واطفيها :rfds:
قعدت ازاي دي فوق الماتور ايه اللى دخلها جوا كدا
طب انا مرة باكل الكلب فالشارع رميتله فطيرة صغيرة كده تاني يوم بفتح الكبوت لقيت 3\4 الفطيرة فوق المانافول.....المهم لما نيجي نمسك الفار نموته مش نغرقه في ميه ونعذبه... نتذكر كلام الحبيب صلي الله عليه وسلم"إذا قتلتم فاحسنوا القتل "
تماام ياباشا