بسم الله الرحمن الرحيم
إخوانى وأخواتى كبار وعمالقه هذا الصرح الكبير لسانى يعجز عن الأسف لإنى لم أتواجد بالمنتدى منذ بدايه إشتراكى فيه
ولكن كنت أدخل لكى أستفيد منكم ولكن اليوم قررت أعرض عليكم أمر الله وقضائه وقدره .
أنا كنت راجع من السفر والأسره وكان الوالد هو اللى سايق الساعه 8 ونص بالليل على طريق الزراعى من الشرقيه إلى القاهرة ولكن حدث أمر الله وكان كالتالى :-
سرعه العربيه كانت 100 وكان فى عربيه تويتا يارس الجديد ماشيه قدامنا وكنا ماشيين فى أمان الله وفجأه الراجل وقف مره واحده وكان فى مسافه كبيره تقريبا 20 متر أو أكثر والدى داس فرامل بس العربيه زحفت وخبطنا فيه الإكصدام الخلفى بتاع اليارس إتفك كله ونزل تحت العربيه بتاعتنا وإتدمر وقفنا علشان ننزل نشوف إيه اللى حصل لاقيته جرى وشد جامد ولكن السبارك وقفت وحصل إنفجار المياه الخضراء وخروج الفريون من التكييف وقفلت الموتور بسرعه والعربيه مبقتش تدور تانى . كنا لسه فى نطاق الشرقيه ولكن أهل البلد جريوا علينا وزقوا العربيه على جنب وشغلنا الإنتظار ولاقينا المنظر كالتالى :-
معظم الناس والأصحاب والمعارف جماعه تقولى وديها للتوكيل على طول
وجماعه تقولى وديها بره أحسن من التوكيل
حاليا بقينا فى حيره مش عارفين نعمل إيه بس إقترحت على والدى إنه يشترى سربنتينة الردياتير وسربنتينة التكييف من التوكيل وكانت التكلفه 2916.83
ردياتير 806.36 جنيه
سربنتينة تكييف 1984.86 جنيه
ضريبة مبيعات 10% 265.17 جنيه
الإجمالى 2.916 جنيه
لغايه دلوقتى الحاجات جاهزة عندى فى البيت وفى واحد معرفه وخبره قالى هاجيلك السمكرى وإنت إشترى الحاجه من
الحرفيين وبصراحه بقيت متردد وإختارت إنى أجيبهم من التوكيل وخلاص . دلوقتى مش عارف أعمل إيه العربيه عايزه
سمكرة وتركيب الحاجات والتوكيل بيقولى لازم تيجى تعمل السمكره ونركبلك الى ناقص ولو ركبت الحاجات دى بره
ملناش صله بالعربيه ومش مسئولين عنها فى أى حاجه . دلوقتى محتار بقى أركب بره ولا أروح التوكيل ؟؟
ياريت يا جماعه اللى فاهم فى الموضوع ده يتكلم واللى مش فاهم كويس يقول اللى عارفه وتنصحونى بالصح والمفيد
وشكرا