مسلسل الذهاب الى عبد الله اوبل ( الحلقة الثانية )
الحلقة الثانية
بعد انضمامى لعائلة نيل موتورز بقسم اوبل
و عرفت ان فى واحد اسمة عبد الله اوبل الموجود فى المريوطية
قررت الذهاب له
و فعلا يوم 1 فبراير اتحركت من اسيوط " بلدى " الى المنيا و قعدت هناك يوم الاثنين و الثلاثاء و الاربعاء الصبح رحت بنى سويف
و كنت مكلم ميكانيكى علشان يجيب العربية من اسيوط و يقابلنى فى بنى سويف و اركب معاه و نروح لبعد الله اوبل يوم الخميس الموافق 4/2/2010
و بالفعل يوم الخميس الصبح الساعه 6.15 ص اتصل بيا الميكانيكى و قاللى انة وصل بنى سويف و منتظرنى على قهوة السكرية علشان اروحلة و نتوكل على الله و نروح القاهرة من طريق الكريمات الصحراوى
و فعلا نزلت من الفندق " سيتى سنتر " و رحت قابلت الميكانيكى و لقيت معاه وكيل نيابة معرفة علشان هيرجع بالعربية بتاعة " اوبترا 2008 " من القاهرة يعنى هيروح بالعربية الاوبل بتاعى و هيرجع بالعربية الاوبترا بتاعة وكيل النيابة الى هو يعرفه
و كانت اول مفاجاة
انى لقيت الطاسة اللى ورا يمين مش موجودة
و لما سالت الميكانيكى عليها قالي ان الفردة شيعت و باظت و هو مركب الاستبن
و كنت مفول العربية و هى فى اسيوط و اتفاجئت ان العربية فاضية بنزين
المهم روحت فولت تانى من بنزينة الوطنية الموجودة قبل بوابة طريق الكريمات الصحراوى
و دخلنا طريق الكريمات الصحراواى و بعد عشرين كم حدثت مفاجاة لم تكن على البال و لا على الخاطر
و إلى الحلقة القادمة
