انا طالب منكم ياجماعة مساعدة حول شراء تلفزيون اتش دي
ايه افضل الانواع وايه افضل الاماكن اللي اشتريه منها علما باني من مدينه نصر
وايه النصائح المهمة للحفاظ عليه انا معايا تقريبا 4200 جنيه
واي معلومات حول النوع ده من التلفزيونات
عرض للطباعة
انا طالب منكم ياجماعة مساعدة حول شراء تلفزيون اتش دي
ايه افضل الانواع وايه افضل الاماكن اللي اشتريه منها علما باني من مدينه نصر
وايه النصائح المهمة للحفاظ عليه انا معايا تقريبا 4200 جنيه
واي معلومات حول النوع ده من التلفزيونات
انا لما كنت في معرض الICT
كان فيه هناك شاشات سامسونج بلازما ال سي دى
حاجات وهم
الصورة ازااااز والوان جميلة روعة
معدل تحديث 100 هرتز يعنى الصورة ثابتة بدون ارتعاش تمااما ومريحة للعين
و ريزوليوشن 1920x1080
HD
وفيها جميع الوصلات اللى تقدر تتخيلها
اوديو فيديو و اس فيديو و فيجا و HDMI و حتى الاثرنت ( تقريبا بتدخل على النت و بتعرض منها فيديوهات اليوتيوب مباشرة !! )
وكان فيه واحدة مش فاكر ال جى و لا سامسونج بتوصل لها هارد او فلاشة و تسجل عليها
وحاجات كتير اكيد فيها اكتر من كدة لانى انا شفتها على الماشى
ال32 بوصة منها من بق الراجل ب 3500
وفيه احجام اكبر تقريبا لحد 60 بوصة
سيبنا من البلازما وخلينا في الأل سي دي عشان الميزانية وندخل على طول في التفاصيل ياسيدي في أنواع كتييييييييييييييييير في الصيني والتايواني والكوري والماليزي والمصري والياباني وطبعاً الياباني أغلاهم على الرغم من أن في ماركات صيني غالية جداً على أية مش عارف ؟ .. المهم أحسن حاجة عندنا هقولهالك و حقولك جنبها مميزات أفضل ماركتين وهما على الترتيب كدة السوني والباناسونيك ودي تفاصيل عنهم وطبعاً أحنا حسب السعر لو هتجيب حاجة نظيفة هيبقى 32 بوصة وخد عندك :
- سوني برافيا ودة مكونات ياباني تقفيل مصري ضمان (سنة واحدة) وتوكيلهم هو B- Tech على ما أعتقد طبعاً مفيش كلام على جودة السوني وروعة الصورة بتاعته ولكن لو هتجيب هات الأنجين تكنولوجي 3 ودة أحدث طبعاُ من الأنجين 2 اللي لسة موجود وبيتباع وأرخص من ال 3 .
- باناسونيك فييرا مكونات ياباني تقفيل مصري ضمان ( خمس سنوات ) وتوكيلهم BTC مؤسسة بغداد للتجارة الصورة روعة تصميم جذاب وسعره أغلى شوية بسيطة من السوني وفي حاجات في السوني أغلى ولكن لو هتقارن نفس الأمكانيات هتلاقي الباناسونيك أغلى حبتين .
- توشيبا مكونات ياباني تقفيل مصري ضمان خمس سنوات توكيل العربي وهو أكثر من ممتاز .
- سامسونج كوري تقفيل مصري ضمان سنتين صورة وصوت وتكنولوجي حلو التوكيل هو الحاج منصور أخو غبور .
- أل جي كوري تقفيل مصري وفي كوري بالكامل توكيلهم أل جي مصر .
طبعاً حتلاقي في السوق ماركات كتيير هيونداي وجولدي ونوكيا وكونيكا وبلوتو وزحل والمريخ كمان سيبك منهم وخليك مأمن تعيش مطمن عموماً أنا جبت الباناسونيك بعد تفكير همممم حوالي ساعة لأني كنت رايح أشتري تلفزيون CRT عادي وجبت فعلاً واحد سامسونج لأنه الوحيد اللي منزل CRT نظيف الباقي تعبان والشركات النظيفة بطلت تنزل التلفزيونات العادية وأشتريته وصدمت من الصورة الكحيانة :36_1_31: اللي يمكن تلفزيوني السانيو الياباني اللي من 59 سنة أنضف منها بمراحل وطبعاً رجعته وأنحصر أختياري بين السوني والباناسونيك عشان الأثنين ياباني تقفيل مصري ( طبعاً أحسن من الكوري تقفيل مصري ) وكان الأختيار هو الباناسونيك عشان الضمان خمس سنين والتوكيل أحسن من بي تك وأكيد أحسن من منصور :36_7_4[1]: .
حاول تشوف العروض والخصومات وأفضل مكان تشتري منه التوكيل نفسه بلاش كارفور والهايبر ماركتس التانية عشان تخزينهم سيء جداً والتلفزيونات بتتخبط عندهم وأفحص الجهاز قبل ما تستلمه حته حته وشوف كارتونته سليمة ولا لأ والتلفزيون متخربش ولا سليم وأتمنالك التوفيق في أختيارك .
طبعا انا شاكر جدا ليكو بس انا عايز اجيب تلفزيون سوني ويكون فل اتش دي ويكون 37 بوصة وانشا الله هروح بي تك بكرة اتفرج وبغداد توكيل باناسونيك
انا لسه شارى باناسونيك 37 بوصة LCD
وبعد تمحيص ولف
ال LCD احسن من البلازما
لان مع الوقت شريط الاخبار ومكان اللوجو للقنوات بيتحرق فى البلازما ، يعنى وجود صورة ثابته لوقت طويل بتطبع على الشاشه وبتتحرق
اللى خلانى اشترى الباناسونيك
انك مش هتحس بجودة ال HD الا لما تشغل DVD او ارسال القنوات يبقى HD
معظم قنوات الدش بل اغلبها ارسالها عادى مش HD وبالتالى الصورة النقيه اللى انت بتشوفها فى المعرض اللى جايه من DVD
مش هتشوفها فى البيت
لكن البانسونيك كان افضل حالا من باقى الماركات
اهم حاجة تبص عليها
هوا كام ميجا بيكسل ويفضل 2
الConstract يكون عالى
وان ال Panalتكون هارد وده مش موجود غير فى بانسونيك وتوشيبا
طيب يااستاذ محمد ممكن اعرف حضرتك جبته بكام ومنين
وشاكر جدا لرد حضرتك
موضوع مفيد وجاي في وقته لأني فعلا محتار أجيب إيه وتقريبا التلات أنواع اللى مستقر أجيب من بينها هي بالترتيب توشيبا وباناسونيك وسوني حسب الإمكانيات والميزانية المقررة ليه بقى
بس مرتاح أكتر للضمان بتاع توشيبا أو شارب عشان العربي
يعني إيه ياباشا البانل تكون هارد ... مش البانل دي الماذر بورد بتاعته ...
متابع الموضوع
طبعا علشان تتمتع بلتلفزيون hd لازم ييكون عندك ريسيفر hd
والقنوات قليله جدا علي النايل سات منهم دريم وابوضبي وقنتان للجزيره الرياضيه وقريبا الشوتيم
انا لسه شاري تلفزيون lcd 22 بوصه للمحل نوعه هاي سينز وهو تلفزيون فوق الممتاز بسعر 1400 بحامل الحائط وقريبا ها اشتري 42 بوصه بس ان شاء الله ناوي علي sony
بس عيوب شاشات lcd لو طفل صغير رمي عليها حبايه بونبون مع السلامه علي الشاشه وربنا يستر مستني لغايه المجنون اخر العنقود يكبر شويه ويعقل
بم ان الموضوع في اغلبية متابعة ليه
انا نزلت اتمشى شوية اتفرج عليهم
المهم لقيت واحد سامسونج جميل جدا 32 بوصل فل اتش دي اتنين كارد وتقريبا اتنين يو اس بي بيدعم الاتش دي ام اي
وب4900 ومعاه ضمان سنتين من عند محل اسمه جاب الله هوا قبل صيدلية افريقيا على طول ومعاه ضمان سنتين
بس هوا قالي انه مش بيركبله هارد
شاشات ال LCD نوعيناقتباس:
يعني إيه ياباشا البانل تكون هارد ... مش البانل دي الماذر بورد بتاعته ...
نوع هارد ونوع سوفت
الهارد اللى انت تدوس على الشاشه بصابعك ميحصلش اى تاثير
السوفت اللى انت لو دوست على الشاشه بصابعك تعلم وتلاقى الالوان التغيرت للحظة مكان الضغط
معظم البائعين اكدوا لى ان الهارد احسن من السوفت خصوصا لو فيه اطفال
انا جبته من أبوظبي وكان معاه DVD i]di وسعره كان 2850 درهم اى ما يعادل 4200 جنيه بس لسه مش عارف الجمارك هدفع كاماقتباس:
طيب يااستاذ محمد ممكن اعرف حضرتك جبته بكام ومنين
وشاكر جدا لرد حضرتك
ليه الكوري والياباني موجود ولية فل أتش دي ومفيش دي في دي بلاير ولا بلو راي بلاير ومفيش بث بالهاي ديفنيشن على الستالايت ؟
مش تحيز مني ولكن الباناسونيك شيك جداً ومكونات يابانية وتوكيل محترم جداً وفيه شاشة واقية اللي هيا الهارد اللي بتقولوا عليها وضمان خمس سنين كمان وب 4100 دلوقتي أعتقد صفقة رابحة .
* توضيح بسيط بس شاشات البلازما أحسن من شاشات الأل سي دي من حيث جودة الصورة ونقائها ومن حيث طول عمر الشاشة والتلفزيون البلازما عمره 100 ألف ساعة تشغيل بينما الأل سي دي عمرها 60 ألف ساعة تشغيل وكونتراست أعلى بكتير ولكن كل واحد فيه ميزة عن الآخر ولكن زي ما أتفقنا البلازما أحسن من الأل سي دي :
- Plasma يفضل تشغيلها في بيئة منخفضة الأضاءة والبلازما أفضل في السعر من حيث حجم الشاشة لو معاك 15 ألف مثلاً هتقدر تجيب بلازما 50 بينما بنفس السعر مش هتقدر تجيب أل سي دي خمسين .. يعني لو هتزود عن 42 بوصة يفضل البلازما من حيث السعر وطبعاً من مميزات البلازما أنها شاشة زجاجية ( ودي نقطة أتلغبت عليها باناسونيك زي ما قلنا وعملت شاشة واقية للأل سي دي ) .
- lcd يفضل تشغيلها في بيئة ذات أضائة مرتفعة يعني هتلاقيها شغالة في الهايبر ماركتس والشو رومز والتوكيلات ولو بصيت هتلاقي كله مشغل أل سي دي مش بلازما يعني لو معاك ميزانية كويسة والأضائة في بيتك عالية هات أل سي دي حاجة تانية بتميز الأل سي دي وهي تشغيل الألعاب ودة بيكون أفضل من شاشة البلازما .
حاجة تانية مهمة وهي مساحة الغرفة اللي هتركب فيه التلفزيون يعني لو الفرق بين مكان الجلوس والتلفزيون مثلاً 3 متر يبقى أفضل تلفزيون هو ال 32 لو 4 يبقى 37 وكل ما زاد الفرق يزيد حجم الشاشة طبعاً نقطة مثالية أوي مش بتهم البعض وممكن تهم البعض الآخر .