عرض للطباعة
السلام عليكم ..
هل في حد هنا في المنتدى يعرف في الاورجات ؟
عايز اعرف الاورجات البتدي صوت زاى البيانو بظبط .. سعرها بيبدأ من كام ؟
ronald و yamaha .. اظن هيبقوا غاليين شوية .. فهل في ماركات تانية كويسة ؟
و ايه افضل محلات ممكن اسأل فيها ؟ و هل الاسعار بتفرق جامد من محل لمحل ؟
كريم باشا :)
انت عايز كيبورد يطلع صوت بيانو ؟ ولا الصوابع بتاعته تبقى نفس ال Touch بتاع البيانو ؟ عشان تفرق
لو يطلع صوت بيانو دى سهله ومش هايبقى غالى اوى
انما لو Touch بيانو مش اقل من 5 الاف جنيه
قول لى عايزه لايه وفى حدود كام وان شاء الله اسألك
فى الموضوع دا يتعدد الاختيار
فيه ادامك كذا نظام
فيه انك تجيب كاى ياماها 5 او 7 كورد ودا على حسب استخداماتك ان كانت احترافيه او هاوى او متمرس جديد
فيه انك تجيب اورج مستعمل ودا فيه اصوات البيانو
وكل ما يكون الاصدار اجدد بتلاقى اساسى الميد بتاع البيانو موجود بس بيظهر فيه الات جديده او ان بيحصل فيها افيكت بيخلى الصوت واقعى اكتر
يعنى مثلا فيه كاى ياماها اسمه اورينتال 1000 ودا الى بيتميز بيه الاصوات فى الالات الشرقيه اكتر وضوحا وواقعيه وفيه كذا افيكت للمقسوم والمقسوم الصعيدي وهكذا
وفيه ياماها 1000 مش فاكر مو كام بس دا للبيت التيكنو والالات الغربيه
اهم حاجه انك تحدد انت عايز فيه الات ايه
وفيه نظام انا عن نفسى لانى كنت انيمشين دي جي وكان ليا فى شغل التوزيعات وعنها بعمل لوبات معينه كنت بستخدم كاى كورج ترايتون وكان 7 كورد وكنت موصله فى الكمبيوتر عندى عن طريق كارت كرييتف خارجى وكانت الوصله دي بنانه والكمبيوتر عندى كنت باكتيف اى صوت اله براحتى من برنامج اسمه فروتى لوبيز ومن الكاى كنت بلعب اللوبه ال انا عايزها والكمبيوتر يسجلها
اما المحلات الى انت هتستفاد منها
فيه عندك شارع محمد على دا فيه تجار كتير وعندهم كل حاجه
وفيه واحد اعرفه كنت بتعامل معاه ودا عند باب اللوق اول ما تطلع سلم مترو محمد نجيب هتلاقيه عل ايدك الشمال
وفيه دلوقت اورجات صيني والاورجات الاصليه
شوف الى يناسبك ايه
واسعار الاورجات بتبداء من 3500 ل50 الف جنيه على حسب
حسام بيه :)اقتباس:
المشاركة الأصلية كتبت بواسطة hosam_optrawy
لأ انا قصدي بيطلع صوت زاى البيانو ..
موضوع الملمس دة لسه عليه شوية :)
انا لسه محطتش سعر .. فعايز اعرف بكام اجيب واحد بيطلع صوت زاى البيانو .. و يكوت حاجة كويسة ..
مشاء الله عليك .. خبرة كبيرةاقتباس:
المشاركة الأصلية كتبت بواسطة a.elsheikh.01
فلنعتبر ان انا متمرس جديد .. فهل ال5 هيبقى كويس و لا ال7 مفيش مشاكل ؟ و هل هناك فرق في السعر ؟
طب ياريت حضرتك تقولي على موديل يكون جديد .. عشان مش هبقى عارف قوي
و هل الاورجات الصيني كويسة ؟ و ياترى اسعار الاصلي بتبتدي من كام ؟
و شكرا جزيلا لاهتمام حضرتك
أنصحك جيب السبعة أوكتاف ... 88 Keys
أنا عندى أورج كاسيو 5 أوكتاف بس و إمكانياته ضعيفة شوية كنت جايبة من زمان ... و دلوقتى سعره جديد 2500 جنيه ..
أنصحك لو هتجيب أورج هات 7 أوكتاف ...
عشان ال5 ده شوية و هتتجن منه لأنك هتحتاج بعد كده التونز كلها لو بتلعبوا على أساس إنه بيانو مش Keyboard ...
أنا بقالى فترة عايز أعمل فرقة بس كل إللى أعرفهم و عايزين يعملوا فرق يا إما ميتال يا إما شغل DJ!!! ...
و دى مش دماغى خالص :brn: ...
أنا دماغى كلها Epic Music ... و نفسى أشتغل موسيقى Trailers أفلام و Soundtrack!
هل من مستمع!! .. انا بدأت أشك إن أنا لوحدى إللى فى مصر إللى بيحب النوع ده :E_braces[1]:
انا مش عارف الepic music الهي انهي يظيط ؟ .. بس الsoundtracks بتاعت الافلام هي البتشدني .. و لو تعرف yann tiersen ..اقتباس:
المشاركة الأصلية كتبت بواسطة SeiffoZ
عامة انا اظن برده ان ال7 اوكتاف هيكون افضل ..
الواحد بس عايز يعرف الاسعار :ma:
yann tierse جامد قوى أول مرة سمعته كان فى فيلم Amilie ...اقتباس:
المشاركة الأصلية كتبت بواسطة kareemhisham
Epic music إللى هو أعمال Audiomachine و Brand X و كتير زى دول ..
و أعمال Hans Zimmer و Steve jablonsly و James Horner و ناس تانية
أنا شفت أورج 7 أزكتاف يكون فى حدود 5000 جنيه ... هتجيب حاجة حلوة قوى و إمكانيات و ماركة عالية و جودة ممتازة ياماها مثلا
ما هو انا مش عايز اجيب حاجة كويسة اوي ..اقتباس:
المشاركة الأصلية كتبت بواسطة seiffoz
انا عايز حاجة تكون للمبتدئين ..
كريم باشا انا سألتلك
ممكن تجيب من راديو شاك هاتلاقى هناك حاجات فى حدود 1500 جنيه
هايكون ماركة Casio مثلا وهايكون 5 اوكتاف
اعتقد دا انسب حاجه بالنسبه لك
لو عايز حاجه احسن شويه ممكن تروح Yamaha فى ميدان الاسماعيليه
بس دا سعره هايكون فى حدود 3 الاف وهايكون 5 اوكتاف برضه
عشان كدا انا بارشحلك اللى فى راديو شاك
واى خدمه :)
الف شكر يا حسام باشا :) ..اقتباس:
المشاركة الأصلية كتبت بواسطة hosam_optrawy
حلو اوي سعر الفي راديوشاك .. بس هل بيبقى فيه منه 7 اوكتاف ؟
انا عندي راديوشاك MD-1700 لو عايزه...
دي مواصفاته... الأورج ده عندي من 4 سنبن وماخرجش من البيت...
Radioshack MD 1700 Specifications
Radioshack MD 1700 Specifications
Type: Synth/ keyboard/
Synthesis Type: Digital
Polyphony:
Max: 32
Typical in use: 16
Multi-timbral (number of parts): 16
Oscillators per Voice :
Min : 1
Max :
Controllers : 1
Effects :
Number of FX units : 1
Number of different effects : 10
Drum Section :
Number of Drum Kits : 8
Number of Drum sounds : 61
Keyboard :
Number of Keys : 76
Can send on 16 simultaneous MIDI channels
Responds to : velocity, after-touch
Sounds can be split by : velocity, keyboard
Memory :
Patches : 232
Performances :
Inputs and Outputs :
Number of Audio Outs (excluding Phones) :
Number of Audio Ins : 1
Number of MIDI Outs (excluding Thru) : 1
Number of MIDI Ins : 1
انا مقدرش افيدك في الاسعار
بس في محل في مصر الجديدة ميدان الاسماعيلية قدام كافيه plato متخصص في تقريبا في جميع الالات الموسيقية وتقريبا هو توكيل yamaha
مش عارف بصراحه بس اكيد هايكون اغلىاقتباس:
المشاركة الأصلية كتبت بواسطة kareemhisham
وبيتهيألى مش هاتحتاج ال 7 اوكتاف بما انك عايزه لمبتدأ مش هايعزف كونشرتو Liszt يعنى :)
ال 5 اوكتاف مناسب جدا ليك
انزل واتفرج يمكن تلاقى 7 اوكتاف ورخيص شويه
وطمننى عملت ايه
الرولاند لو مستعمل هيبقا فى حدود 1500
لكن فى نوع افضل اسمه korg وده من اول 3 ل 30 الف
لكن للهواة هيكون فى حدود من 3 ل 5 التوكيل بتاعه اسمه لوكاس ورا كلية البنات فى مصر الجديدة
ده لينك موقع korg
http://www.korg.com
السعر كام يا باشااقتباس:
المشاركة الأصلية كتبت بواسطة josephedward
متشكر جدا ..اقتباس:
المشاركة الأصلية كتبت بواسطة badblood
هههههههههههههه ..اقتباس:
المشاركة الأصلية كتبت بواسطة hosam_optrawy
لأ هي الفكرة ان لو الواحد جرب يعزف حاجة من على اليوتيوب مثلا .. يبقى دايما ممكن .. مش في مرة الاقيه شغال على ال6 او ال7 و انا مفيش غير 5 :)
نصيحه اخويه
ابتدى من 5 اوكتاف دلوقت وياريت مش ماركه كبيره اوى زي الكورج ترايتون او الياماها
فيه انواع تانيه بناسونيك وكاسيو دى اقل الحلوين
ودي تنفع مع المبتدئين
و
شويه شويه ياعم كبر الموضوع وهات واحد ياماها وبعد كده اطلع للاكبر منه الكورج
ابتدى صغير واتعب - توصل
طب ماتشوف نوع صينى نضيف طالما مبتدئ ؟؟
عشان ماتصرفش كتير و يكون 5 أكتاف بس و لما تبقى جامد هات واحد نضيف 7 أوكتاف
انا عندى الى اسمه ياماها ده ..
بس مش بفهم فيه اى حاجه فى البتنجان ..
اصلا مش عارف ده اورج ولا بيانو ولا ايه
بس الى اعرفه ان صوته بيختلف حسب ضغطه الايد على الزراير ...
و اخويه الصغير مسيطر عليه حاليا....
شاكك ليكون موتوسيكل:E_braces[1]:اقتباس:
المشاركة الأصلية كتبت بواسطة KHALED AYMAN
ال RadioShack MD-1700 بمنتهى الصراحة أنا جايبه في sale أخر السنة... كان أصلا 2500 وانا جبته 1990 وعايز أبيعه علشان عايز أجيب MIDI-Controller... وده غالي جدا... لكن أحسن لي في شغل التوزيع... السعر اللي يرضيك ويرضيني أنا موافق عليه
this is its photo
http://i113.photobucket.com/albums/n...g?t=1266300860
ههههههههههههههههههههههههه هههههههاقتباس:
المشاركة الأصلية كتبت بواسطة A.Elsheikh.01
جامده دى ...
حبيبى والله:E_braces[1]:
أنا أحيي كل واحد منكم بصراحة أنتم أفدتوني..
وأنا سجلت على الموقع مخصوص عشان أشارك في الموضوع ده...
أنا حابب موضوع التوزيع الموسيقي ... وعايز أتعلم أبدأ من فين...
وأنا قلت أبدا بفيديوهات على اليوتيوب ...بس للأسف أهم حاجة التطبيق العملي.. يعني لازم يكون عندي الألة الموسيقية إللي هشتغل عليها...
ياريت تفيدوني ...
وشكراً
أطمئن, أنت مش لوحدك :)اقتباس:
المشاركة الأصلية كتبت بواسطة SeiffoZ
أنا همووت و يتعمل حفلة موسيقى كده عشان أروحها, يعني نفسي يجي Two steps from hell مثلاً و يعملوا حفلة هنا..
بس أنا بحب أي موسيقى اوركيسترالية عموماً, يعني زي بيتهوفن, تشايكوفسكي و ستراوس و غيرهم, فالبتالي بحب الـEpic, Trailer Music و ساوندتراك الأفلام و الألعاب طبعاً..
أنا عامل عندي CD's للمزيكا دي مخليهم عندي في العربية عشان مبيبقاش عندي فرصة أشغلهم في البيت بصوت عالي على السماعات الكبيرة xD
ياهلا ياهلا :)اقتباس:
المشاركة الأصلية كتبت بواسطة dede_dodo88
يا هلا فيك :)اقتباس:
المشاركة الأصلية كتبت بواسطة Hosam_Optrawy
تاريخ الموضوع من حوالي 4 سنين!!.. أنا ايه اللي جابني هنا!! xD
ايه الحلاوة دي
دا انا كنت فاكر ان مفيش حد مهتم بالموضوع بتاع المزيكا ده خالص في المنتدى :)
انا عندي مشكلة مع اصحابي اللي بيعزفوا، كنا زمان واحنا صغيرين في اعدادي وثانوي نعزف حاجات قديمة حلوة لفيروز وام كلثوم وفريد وحتى الحاجات الجديدة اللي كانت بتنزل لعمار الشريعي وعمر خيرت، بس حاليا البشوات بيعتبروا الربع تون بيئة ومايطيقوش يسمعوا سيكا خالص :))) وعايشين يا خويا على الكورد والنهاوند والعجم
انا دماغي في المزيكا حاجة من اتنين شرقي قديم وعيشني بقا في الصبا وراحة الارواح والراست والحاجات الحلوة دي، او الحاجات الكلاسيك خصوصا للروس الكبار امثال سترافنسكي، ماسورجسكي والعباقرة دول
مش عارف صاحب الموضوع اشترى ولا لاء، بس انا بنصحة يجيب 5 اوكتاف الاول ويشوف هايكمل ولا هايزهق، لأن في ناس بتبدأ وبعدين يزهقوا فايبقى حرام.
إيه الكلام الكبير دا :)اقتباس:
المشاركة الأصلية كتبت بواسطة amrico
انت قولت اسامى مقامات مايعرفهاش غير حد دارس
شكلك غاوى الموضوع اوى مش مجرد واحد بيحب يسمع وخلاص