أيهما افضل لشهر العسل تركـــــيا ام اليــــونـان ؟

**Diaby** · 18-02-2010 02:27 AM

المشاركة الأصلية كتبت بواسطة fido2010

يا ريت زي ما حضرتك بتقول كده
3 ايام في تركيا و 3 في فرنسا و 3 في تايلاند
بس انا شايف ان تايلاند بعيده عن تركيا و فرنسا شويه
يا ريت لو حضرتك تعرف اسماء شركات سياحية بتعمل العروض دي يا ريت تقولي عليها
لاني مش عارف اي شركات بتقدم عروض زي دي
و شكراااااااااااااااا للرد و الاهتمام

حضرتك انا شفتها فى الاعلانات اللى بتيجى فى جرنان الوسيط

**fido2010** · 18-02-2010 06:48 AM

مازلت متابع بكل اهتمام

**mado83** · 18-02-2010 09:22 AM

انا متابع معاكو اوعو تنسونى بس انا عايز اوضح حاجه بعد اذن صاحب الموضوع عشان انا عارف هو نفسه فى ايه بالظبط لانى انا كمان نفسى فى كده
حد يكون راح تركيا عن طريق شركه سياحه ويقولنا عمل ايه بالظبط
من اول ماركب الطياره من مطار القاهره ووصل هناك بالسلامه حد استقبله تبع شركه السياحه ولا لا
وازاى عرف يتعامل هناك لو هو مايعرفش تركى ولما وصل الفندق كان بيخرج ازاى لوحده ولا شركه السياحه بتبقى مرتبه بروجرام وايه المصاريف اللى دفعها هناك بخلاف مصاريف الرحله اللى دفعها هنا
يعنى لو الاقامه فول بورد فى الفندق وهيحصل اى خروجه هناك هتبقى على حساب شركه السياحه من ضمن فلوس الرحله ولا النظام ايه لحد لما يرجع هنا مصر بسلام انشالله يعنى الموضوع هيقف لحد ال5000 او 6000 ج فقط وهل الاسعار دى لفرد واحد ولا لفردين
طبعا كل اللى عنده رد مشكور عليه بس ياريت نطاق الحديث يكون فى الحدود الماديه دى وكمان لو فى حد عنده فكره جديده يقولها بس يقولها من الالف للياء
عشان نقدر نقارن بين الاختيارات المتاحه
وفى كمان حاجه لو صاحب الموضوع اتصل باى شركه وعرف العروض ياريت مايبخلش علينا ويقولنا توصل لايه وبرضو بالتفصيل
الامضاء
عريس جديد

**waleedseng** · 03-03-2010 01:58 PM

المشاركة الأصلية كتبت بواسطة med

تركيا روووووووووووووووووووووووو وووووووووعة وعلى فكرة بيبقى فى بعض الشركات يقولك 3 ايام فى تركيا و3 فى باريس و3 فى تايلاند يعنى كذه بلد والفرد بيبقى فى حدود 5 الاف او 6 بس يتهايائلى حتبقى احسن من بلد وحده

ياريت لو عندك إسم شركة من دول علشان أنا نفسي في لفة زي دي

**Osama_I** · 03-03-2010 02:17 PM

المشاركة الأصلية كتبت بواسطة ghazy12

حضرتك متأكد من الموضوع ده؟؟؟؟

أصل انا اختي بردو سافرت في شهر العسل و كان انطباعها عكس كده تماما..!!!! ده غير الأصدقاء

ده الى جانب ان الأتراك نادرااااا جداااا ما تلاقي واحد بيتكلم انجليزي, و كله تركي فقط...

علشان كده بس انا مستغرب يا باشا..... لكن اللي اعرفه غير كده و الله أعلم

السلام عليكم و رحمة الله و بركاته
انا رحت شهر عسل فى 2003 فى شهر ابريل كانت جميلة جداً من ناحية المناظر و الناس و كان هناك ترحاب مشفتوش فى اي حته و المساجد جميلة جداً جداً و نفسى اكرر الرحلة دى تانى مع انى كنت من غير شركة سياحة يعنى كنت بتفسح مع نفسى من غير ما اعرف حاجة فى البلد .
احسن وقت للسفر من أول الموسم فى شهر 6 .