الموضوع: الحريــــــــــــــــة ....!!!!!؟؟؟؟؟؟

الحرية ... شئ نسبى جدا ومتشابك وأحيانا يتعارض مع حريات الآخرين ، لا توجد حرية مطلقة فى أى مكان فى العالم .. لكن الاختلاف دائما فى "الحد الأدنى" من الحرية و "الحد الأقصى " لها ... وفى بلدنا تزدهر مصانع الأقماع لتوفير "قمع لكل مواطن" ، أما الحد الأدنى فأيضا يختلف داخل القطر الواحد والمجتمع الواحد... فحريتك فى بيتك غير حرية زوجتك غير حرية أبنك أو ابنتك... وحريتى هنا فى المنتدى غير حريتى فى المستشفى غير حريتى فى الشارع وغيرها فى أماكن أخرى...

الحرية مش معناها اعمل ما يحلو لك.. هى أولا: فكر فيما يحلو لك .. وبعدها تطبق اللى بتفكر فيه أو لأ هو دا الفرق...

الحريه هي الي بنشوفه فى الشارع المصري اقصد المرور كل واحد ماشى على حريته وعسكري المرور بيتصرف ايضا بحريه يفتح ويقفل الاشاره بحريه وبيكتب رقم او رقمين والباقى بيكمله بمنتهى الحريه والضابط بيوقف ويسحب الرخص بمنتهي الحريه
وكل دا بيحصل في شوارع وميادين مصر مش بس شارع وميدان الحريه

الحرية كلمة فضفاضة
حاجة كده زي برنامج كمبيوتر السورس بتاعه مفتوح لأي حد يعمل فيه اللي هو عايزه
تصورى أنا الشخصي للحرية هو أن أعرف واجباتي تجاه الآخرين وحقوقي عليهم.
إذاً الحرية هي هذه المعادلة:
حقوق + واجبات = حرية