نازل التوفيقيه اشترى الحاجات ديه وقولولى رايكم ؟

السلام عليكم ورحمه الله
-----------------

انا عملت الموضوع ده يمكن حد يفيدينى باى معلومه عن الحاجات اللى هشتريها وفى نفس الوقت نفيد الناس التانيه

انا اول حاجه نازل اشتريها ان شاء الله
1- زينون فوجات وهستنضف نوع وهروح اركبه عند واحد اعرفه مهند س كهربا
2- ستاير سودا بتركب ورا الازاز لما بتتعمل بيبان كان الازاز متفيم وطبعا فيه منها انواع نضيفه جدا شكلها شيك اوى ومشدوده
3-تلبيسة مخادع للكراسى شكلها شيك
4- فوطه ميكرو فايبر
5-شريط ليدات للعتب وعايز رايكم فيه اوى لان ناس تقولى حلو وناس تقولى وحش طبعا اللى اقصده لما افتح الباب تنور
6- لمبه بيضا لعواكس الباب علشان تكون شكلها حلو او لمبه فسفورى
7- ليدات بيضا مكان لمبه الصالون الصفرا فى الوسط

لو فى اى حد عنده تعليق قبل ماشترى اى حاجه ياريت نتناقش فيها وتدونى رايكم لانى الصراحه عايز ازبط العربيه وبالعقل برضه

مبروك مقدما يا باشا ومتنساش تاكل من عند ابو طارق

تمام بس موضع الليدات اللى فى الباب دى لازم تتعمل حلو علشان ماتبقاش تاكسى :)
ياريت الاسعار متنساش والاماكن وشكرا مقدما

كلها حاجات جميله جدا
خصوصا شغل اللدات دا أنا نفسى فيه من زمان
على العموم توكل على الله و أبقه صورلنا الحاجه بقى :)

طب محدش ليه تعليق على اى حاجه ؟

حاجات جامدة اتوكل على الله وربنا يباركلك فيها

انا بس عاوز اسأل على الستاير دي قصدك على ستارة ورا يعني في ظهر العربية ولا قصدك على الستاير الي بتبقى في الزجاج بتاع الشبابيك الي ورا وبتطلع وتنزل برده بحاجة زي سوستة كدة؟

اقتباس:

---

انا بس عاوز اسأل على الستاير دي قصدك على ستارة ورا يعني في ظهر العربية ولا قصدك على الستاير الي بتبقى في الزجاج بتاع الشبابيك الي ورا وبتطلع وتنزل برده بحاجة زي سوستة كدة؟

---

أعتقد قصدة ستائر كبس...انا مركبها فى الزجاج الخلفى مع كمان الأبواب الخلفية.

اقتباس:

---

المشاركة الأصلية كتبت بواسطة mshawky

السلام عليكم ورحمه الله
-----------------


5-شريط ليدات للعتب وعايز رايكم فيه اوى لان ناس تقولى حلو وناس تقولى وحش طبعا اللى اقصده لما افتح الباب تنور
6- لمبه بيضا لعواكس الباب علشان تكون شكلها حلو او لمبه فسفورى
7- ليدات بيضا مكان لمبه الصالون الصفرا فى الوسط

لو فى اى حد عنده تعليق قبل ماشترى اى حاجه ياريت نتناقش فيها وتدونى رايكم لانى الصراحه عايز ازبط العربيه وبالعقل برضه

---

أنا عارف إنها أذواق بس الشغل ده بيئة !!

اقتباس:

---

المشاركة الأصلية كتبت بواسطة sherif2net

أعتقد قصدة ستائر كبس...انا مركبها فى الزجاج الخلفى مع كمان الأبواب الخلفية.

---

اه ياباشا ستاير للابواب بدل ماعم فاميه يعنى

اقتباس:

---

المشاركة الأصلية كتبت بواسطة mnbahr

أنا عارف إنها أذواق بس الشغل ده بيئة !!

---

احترم رايك جدا طبعا وانا علشان كده طرحت الموضوع علشان اخد براى الاغلبيه فى الموضوع ده
وشكرا لصراحتك ياجميل

مبروك مقدمااا
محتاج الاسعار و الاماكن فعلا
و ياريت كمان بالنسبه ل الفوج الزينون اسعاره و قوة اللمبه

نفسي اركبه

اقتباس:

---

المشاركة الأصلية كتبت بواسطة mshawky

السلام عليكم ورحمه الله
-----------------

انا عملت الموضوع ده يمكن حد يفيدينى باى معلومه عن الحاجات اللى هشتريها وفى نفس الوقت نفيد الناس التانيه

انا اول حاجه نازل اشتريها ان شاء الله
1- زينون فوجات وهستنضف نوع وهروح اركبه عند واحد اعرفه مهند س كهربا
2- ستاير سودا بتركب ورا الازاز لما بتتعمل بيبان كان الازاز متفيم وطبعا فيه منها انواع نضيفه جدا شكلها شيك اوى ومشدوده
3-تلبيسة مخادع للكراسى شكلها شيك
4- فوطه ميكرو فايبر
5-شريط ليدات للعتب وعايز رايكم فيه اوى لان ناس تقولى حلو وناس تقولى وحش طبعا اللى اقصده لما افتح الباب تنور
6- لمبه بيضا لعواكس الباب علشان تكون شكلها حلو او لمبه فسفورى
7- ليدات بيضا مكان لمبه الصالون الصفرا فى الوسط

لو فى اى حد عنده تعليق قبل ماشترى اى حاجه ياريت نتناقش فيها وتدونى رايكم لانى الصراحه عايز ازبط العربيه وبالعقل برضه

---

بص يا محمد انا معاك بس في حاجه انا مش موافقق فيها
1-شريط الليدات بتاع العتب مش هيبقي شكله حلو انصحك بلاش
2-لمض العواكس برده بلاش هتبقي شكلها يا محمد شبه التاكسي بلاش
انا موافقق في الباقي و علي فكره الزينون و لمبه الصالون البيضه هيبقو جامدين

اقتباس:

---

المشاركة الأصلية كتبت بواسطة alzwawy

بص يا محمد انا معاك بس في حاجه انا مش موافقق فيها
1-شريط الليدات بتاع العتب مش هيبقي شكله حلو انصحك بلاش
2-لمض العواكس برده بلاش هتبقي شكلها يا محمد شبه التاكسي بلاش
انا موافقق في الباقي و علي فكره الزينون و لمبه الصالون البيضه هيبقو جامدين

---

شكرا ياحوده ربنا يخليك

وانا هاخد برايك لانى ديمقراطى :satelite:

ألف مبرووووك مقدما و إن شاء الله كله يطلع حلو بس بصراحة أنا مع رأي إنه بلاش موضوع اللددت في عتب ولعواكس

ابقى احكلنا بقى اخبر el-xenon إيه عشان حاموت عليه بس ياريت بس اتاكد إنه مش حيعمل مشاكل في ال USB ولا حاجة قبل متركبه ومستني تقريرك بالصور طبعا وربنا يبركلك فيها

اقتباس:

---

المشاركة الأصلية كتبت بواسطة beeso

ألف مبرووووك مقدما و إن شاء الله كله يطلع حلو بس بصراحة أنا مع رأي إنه بلاش موضوع اللددت في عتب ولعواكس

ابقى احكلنا بقى اخبر el-xenon إيه عشان حاموت عليه بس ياريت بس اتاكد إنه مش حيعمل مشاكل في ال usb ولا حاجة قبل متركبه ومستني تقريرك بالصور طبعا وربنا يبركلك فيها

---

حاضر واكيد هعمل صور كمان وتقرير عن الموضوع

وانا ان شاء الله رايح لارابكوم او لمهندس الكهربا اللى عمل لزميلى الزينون والعربيه اشطا اوى وزى القرده وهو واد بيفهم الصراحه ونضيف اوى

نصيحة يا جميل متلعبش فى الكهرباء علشان متتكهربش :) بص ياسيدى
الناس الى ركبت زنون قالت بياثر على الفلاشة متكون مركبها لو معندكش مشكلة وهتشتغل على السي دى او الراديو اوك
الزنون دلوقتى بيتاخد مخالفة وكل حاجة فى الكهرباء بتاع العربية لية قوة معينة ومعمول حسبها والبطارية معمولة تتحمل حجات معينة
ومتسمعكش كلام اى حد من الكهربائية يقولك لا عادى ونركبلك كاتاوت والكلام دة
لانك لو ركبت كاتوت فى مكان هيقوى النور مثلا هياثر على حاجة تانية هتلاقيك عايز كاتوت لكل حاجة وكل شوية الكاتوت يبوظ وتغير خدها منى تجربة انا شلفط عربيتى القديمة وجربت كل حاجة احسن حاجة متلعبش فى الكهرباء بتاع العربية خالص اخرك لو هتركب انذار لو مش عندك وفى التوكيل او حاجة ضرورية بالنسبالك لكن كشكل منصحكش تماما حتى لمبات الصالون الى عايز تغيرها سيب الاصلية احسن هتعمر معاك اكتر لان معظم الحجات الى بتجلن فى السوق المصرى درجة تانية ومش معمرة علشان التكلفة وصينى وانت عارف خليك فى الاكسسورات الى ملهاش دعوة بالكهرباء فرش شغال عتب اسبولير مساند اى حاجة بس نصيحة ابعد عن الكهرباء وربنا معاك

اقتباس:

---

المشاركة الأصلية كتبت بواسطة bassemforever

نصيحة يا جميل متلعبش فى الكهرباء علشان متتكهربش :) بص ياسيدى
الناس الى ركبت زنون قالت بياثر على الفلاشة متكون مركبها لو معندكش مشكلة وهتشتغل على السي دى او الراديو اوك
الزنون دلوقتى بيتاخد مخالفة وكل حاجة فى الكهرباء بتاع العربية لية قوة معينة ومعمول حسبها والبطارية معمولة تتحمل حجات معينة
ومتسمعكش كلام اى حد من الكهربائية يقولك لا عادى ونركبلك كاتاوت والكلام دة
لانك لو ركبت كاتوت فى مكان هيقوى النور مثلا هياثر على حاجة تانية هتلاقيك عايز كاتوت لكل حاجة وكل شوية الكاتوت يبوظ وتغير خدها منى تجربة انا شلفط عربيتى القديمة وجربت كل حاجة احسن حاجة متلعبش فى الكهرباء بتاع العربية خالص اخرك لو هتركب انذار لو مش عندك وفى التوكيل او حاجة ضرورية بالنسبالك لكن كشكل منصحكش تماما حتى لمبات الصالون الى عايز تغيرها سيب الاصلية احسن هتعمر معاك اكتر لان معظم الحجات الى بتجلن فى السوق المصرى درجة تانية ومش معمرة علشان التكلفة وصينى وانت عارف خليك فى الاكسسورات الى ملهاش دعوة بالكهرباء فرش شغال عتب اسبولير مساند اى حاجة بس نصيحة ابعد عن الكهرباء وربنا معاك

---

شكرا ياباسم ربنا يخليك على النصيحه انا فعلا واحد بيفهم فى العربيات اوى نصحنى بنفس الكلام بس لقيت ناس مركباه عادى جدا ومبيشتكوش قولت اركبه بالاخص عربيتى سودا كانت هتبقا الفوجات خطيره عليها

مبروك مقدما يا مان
انا بس عندى رأى فى حاجة وماحدش واخد باله منها، اشترى الزينون من ارابكوم علشان بيدى ضمان سنه على الsystem كاملا مش على الاجهزه بس غير ان الزينون كله صينى واى كلام يعنى لازم الضمان بصراحه

بردو انا مش عارف ليدات ايه اللى فى العتب دى، هتبقى اجره وتضيع جمال الجميله سيراتو

الستاير الكبس حلوه جدا بس فى الازاز اللى ورا مش هتشوف فى المرايه، دور على ستاره خلفيه كهرباء زى بتاعة المرسيدس ب 200 - 250 جنيه او الاكورديون بس 4 ابواب فقط و فى نفس سعر الكهربا

خليك فى الزينون والستاير ونور الصالون وممكن العبلك فى دماغك فى حاجات تانيه لو عاوز

هو انا فاهم الليدات غلط و لا أيه
مش هى الى عليها أسم سيراتو أو فورتى
الى هى الى بتنور فى العتب لما تفتح الباب؟؟

اقتباس:

---

المشاركة الأصلية كتبت بواسطة AFTAM

مبروك مقدما يا مان
انا بس عندى رأى فى حاجة وماحدش واخد باله منها، اشترى الزينون من ارابكوم علشان بيدى ضمان سنه على الsystem كاملا مش على الاجهزه بس غير ان الزينون كله صينى واى كلام يعنى لازم الضمان بصراحه

بردو انا مش عارف ليدات ايه اللى فى العتب دى، هتبقى اجره وتضيع جمال الجميله سيراتو

الستاير الكبس حلوه جدا بس فى الازاز اللى ورا مش هتشوف فى المرايه، دور على ستاره خلفيه كهرباء زى بتاعة المرسيدس ب 200 - 250 جنيه او الاكورديون بس 4 ابواب فقط و فى نفس سعر الكهربا

خليك فى الزينون والستاير ونور الصالون وممكن العبلك فى دماغك فى حاجات تانيه لو عاوز

---

اللعب يامان