-
مشكلة قرفانى فى 127
صباح الفل
انا عندى عربية 127 مو 82 ومن حوالى اسبوعين وانا ماشى فى شارع مدغدغ لقيت العربية بعد ما خلصت الشارع بتعوم من تحتى يعنى حاسس انها غير متزنة وبتبان الحكاية دى اكتر لو فية تكسير فى الشارع المهم رحت عند الميكانيكى قالى العربية مفهاش حاجة دة كلة ظبط زوايا المهم رحت عند بتاع الزوايا اللى فى الكيت كات اللى اسمة مصباح وظبط الزوايا وبعد كدة بردة ظهر العيب دة تانى وحاسس ان الدريكسيون خفيف كانة فية باور مع العلم انا كشفت على ضغط الكاوتش مرتين فى منطقتين مختلفتين والضغط سليم والكاوتش لسة انا شارية من حوالى شهر (4 فرد )هانكوك ومش عارف السبب ياريت حد يقولى اية السبب لانى قربت اتجنن .
وشكرا
-
اتاكد ان البليه سليمه
لما تدوس فرامل مفاجاءه بتحس انه في زي صوت تكه كده في العجل والدريكسيون يتحرك سنه
لو كده يبقي جلب المقصات
-
روح لبتاع زوايا محترم يكشفلك على العفشة كويس وعلى الركب بتاعه الشاسيه وهو هيقولك على العيب و بعد ما تصلحه هيظبطلك زوايا . اهم شىء يكون بتاع زوايا كويس ومحترم .
-
خلى عفشجى نضيف يبص عليها و يربط العفشة كويس و ظبط الزوايا وشوف
-
انا رحت امبارح للميكانيكى وقالى لى دة فى بوش فى علبة الدريكسيون والسؤال هنا هل هو دة السبب ؟
-
تقريبا لا لان العربيات القديمة بيكون فيها نسبة بوش فى الدريكسيون بس مش بتعوم العربية غير لما تكون بتجرى جامد
-
طيب اية الخطوات اللى ممكن اعملها قبل عملية فك علبة الدريكسيون وشكرا
-
هات اسكترا جديده احسن لان حشو علبه الدكسيون هيتقل معاك الدركسيون اوى وخصوصاً فى الاول . ممكن تجيب التركى تقريباً ب 200 جنيه وابعد عن الصينى .
-
خلى العفشجة يتقل علبة الدريكسيون شوية ويبص على العفشة كويس ويربطها وتروح بعد كدة تظبط زوايا دة فى الآخر لكن فى نصيحة كويسة ليك للآفادة
أنت تروح الآول لبتاع الزوايا يكون 100 100 يعرف أية اللى فيها الآول ويقولك علية ثم تروح للعفشجى يعملو وبعدان ترجع تانى تراجع عند بتاع الزوايا . وأن شاء الله كلة يبقى تمام
-
روحح لعفشجي محترم قلة عايز اربط عفشة واشحمها خلية يمسك حتة حتة لحد ما يعرف السبب عشان متكنش ماشي بسرعة وتلاقي حاجة لاقدر الله حصلت
Content Relevant URLs by
vBSEO 3.6.0 PL2