عرض للطباعة
الأخضر عدي و الأصفر انتظر و الأحمر إقف دي بتاعة زمان لسه فعلا شغالة؟ و لا عفى عليها الزمن و إيد عسكري المرور و مزاجه همه لسه اللي بيحددوا مين يعدي و مين يقف؟
في ميدان الخلفاوي بعد مع عملوا التعديلات الجديدة شغلوا إشارات المرور الإلكترونية، إنما اللي حاصل إن الناس بتبص على الإشارة تلاقيها خضرا، يييجوا يمشوا يلاقوا إيد عسكري المرور بتوقفهم و تمشي اللي إشارتهم حمرا و هكذا فالناس ياعيني بأت في حيص بيص :11:
حد يعرف في القاهرة إشارة مرور إلكترونية بجد؟ أنا أعرف اللي في ميدان مصطفى محمود و بس.
العسكرى بيمشي الزحمة واللى علية ضغط اكتر وبيوقف اللى علية ضغط اقل ومبيهتمش بالاشارة
اعتقد اشارة روكسى شغالة احمر اقف اخضر امشي
فى الاسماعيلية وبورسعيد كل الاشارات برضة شغالة انما القاهرة صعب علشان الزحمة
فعلاً اشارة روكسى اغلب الوقت ماشية مضبوط وفي الجيزة اشارة البطل أحمد عبد العزيز وجامعة الدول العربية انما الباقى العسكرى بيمشيها حسب سيولة المرور والاختناقات المرورية وهكذا ..
انا راي ان تشغيل اشارات المرور الالكترونيه افضل واكثر دقه وتحكما في سير جميع السيارات بدون توقف كتير وبدون التعصب ومضايقه عسكري المرور الي بينظم الاشارة لان ساعات كتير العسكري ده بيقف الناس كتيييير جدا وازيد من المتوقع وده طبيعي لانه مش هيظبطها زي الاشارة الالكتروني ده غير انه ممكن يسرح ويحكي مع العسكري الي معاه وساعتها هيلاقي وابل من السباب والشتائم ,, لكن الاشارة لما تمشي الكترونيا مفش حد حيعترض وهتحقق العدل في الوقت والمساواه بين جميع الاشارات ,,في حالة واحده فقط العسكري يمشي الاشارة " بايده " لما تكون في سيارة اسعاف او مطافي معديه فقططط وشكرا
احسن حاجة هي الأشارات اللى بتبقي بوقت الكل بيلتزم بيها.
الموضوع ده مطبق فى السعوديه من سنه 80 انا مش عارف احنا بقينا متاخرين 30 سنه من الدول اللى كانت لزمن قريب بتستخدم الجمال
حسبي الله ونعم الوكيل
وسط البلد كلها بقت كده
ربنا يصلح الحال
فى ميدان العباسية الاشارة علقت مرتين , كانت حمراء و بعد ما خلصت عد و المفروض تبقي خضراء راحت احمرت تانى و عدت من اول و جديد و الكلام ده مرتين ورا بعض و محدش واخد باله وكله كلاكسات .اقتباس:
المشاركة الأصلية كتبت بواسطة ابو الوليد المصرى
الإشارات الإلكترونية فعلاً كثيرة الأعطال ,, كل بلاد العالم ماشية على الإشارات إلا عندنا .. نركب الإشارة ونركب جنبها عسكري ,, طيب أحدهما فقط هو المطلوب !!
في اللي اخطر من كده الأشارات اللي متركب عليها كاميرا مره كنت جاي من التوكيل بعد ماعملت صيانه العشره الاف وعند مدخل المؤسسه الأشاره كانت حمراء راح العسكري مشاورلنا ان احنا نمشي والأشاره حمراء لسه فابقوله لسه الأشاره حمراء راح مزعقلي قلي امشي والا هاخدك مخالفة تعطيل حركة مرور فامشيت ولما روحت علشان اجدد لقيت مخالفة تعطيل حركة مرور ومخالفة كسر أشاره حسبي الله ونعم الوكيل بيدونا المخالفات بالطريقه القانونيه ويطلعونا احنا المخطئين فيه كده في الدنيا
كلمة واحدة اقدر اقولها الله أعلم
الاشارات الالكترونية التي تعمل بدون كاميرات مافيش فيها مشكلة انك تتبع اشارات عسكري المرور ... لكن المصيبة الكبري في حالة الاشارات المثبت عليها كاميرات وطبعا عسكري المرور مش فارق معاه وطبعا الكاميرا عماله تلقط في مخالفات والشعب يدفع... صباح الفل ... انا بقيت بلف رأس الرجاء الصالح علشان معديش على اشارة فيها كاميرات .
طيب بالمرة بأه، ايه هي الإشارات في القاهرة اللي فيها كاميرات؟
جامعة الدول...بيتهيئ لي
بالظبط سؤال هاااااااااااام جدا وياريت حد يكون لف البلد كلها علشان نعرف اماكنها وما نعدي عليها نهائيا ,,,,اقتباس:
المشاركة الأصلية كتبت بواسطة olaosman
يعوض عليك ربنا يا استاذ احمد والله , بس انا لو منك ارجع تاني للعسكري الي كان واقف في الاشارة وافرجه مخالفه كسر الاشارة المكتوبه في شهادة المخالفات علشان يفهم واطلعه غلطان ويمشي الناس بعد كده صحاقتباس:
المشاركة الأصلية كتبت بواسطة ahmed-moga
خلي بالكم من اشاره روكسي عشان الكاميرات بتصور يا رجاله
كل حاجة تمام وزى الفل والبلد فاضيه والمواصلات سهله والشقق رخيصة وكل شويه يقولولنا فكو الحزام ورحرحوا على الاخر
عندنا فائض فى الميزانية
ياكيمو باشا احنا بنفخ في قربه مقطوعه ومش بعيد لو رحتله تاني واكلمه مش بعيد الاقي مخالفات تاني بعشرة الاف جنيه تصدق انا بقيت بكره اليوم اللي ببقي مضطر اني أخرج الصبح ببقي حاطط وحامل هم اليوم وخايف اني اتاخد مخالفه من غير ماعمل حاجه ياكيمو دول بقوا عصابه ويويلك لو اعترضت او قلتهم بم ربنا يطلعنا من البلد ده علي خيراقتباس:
المشاركة الأصلية كتبت بواسطة kemoelord
ومين سمعك يا أحمد باشا , ده انا في مره كنت بدفع مخالفات على نمر (مفكوكه اصلا)ودي قصتها طويله شوي ولو سالتني مادام النمر مفكوكه ومش متركبه في اي عربيه بتدفع مخالفتها ليه اقولك علشان شوية المتخلفين الي شغالين في المرور المهم طبيعي جدااااااا اني ما الاقي عليها مخالفات فبسال الموظفه وانا مطمن بقولها المخالفات كام ؟ لاقيتها بتقولي ايه ده دي مش عليها مخالفات ولاقيت وجهها اتغير وتقولي ازااااااااااااااااااااي انا هتاكد تاني استنى معقوله عاوز اقولها ما انا عارف شغل السرقه لازم تلبسه الواحد مخالفه وخلص ,فحبيت اهديها شوي وقولتها على فكره النمره دي كانت عليها مخالفات 1000 ج علشان سير عكس اتجاه راحت قالتلي قول كده ههههههههههههههههه يا خبر اسود !!!!!!!!!!!!!
مش بقولك دي عصابه عايزين فلوس وخلاص علشان يملوا الخزنه طب شوف اللي حصلي في الموضوع ده بتاع المخالفات وقولي رآيك ايهاقتباس:
المشاركة الأصلية كتبت بواسطة kemoelord
http://www.nilemotors.net/Nile/118448-a-4.html
فى ميدان الرمايه ساعات بتبقى ولا ليها لازمه العسكرى بيقوم بالواجب
انا قرات قصتك المؤلمه يا احمد باشا بصراحه انا مش عارف اقولك ايه غير الي انت قولته حسبى الله ونعم الوكيل في كل ظالم ومفتري وبالفعل مخالفه سير عكس الاتجاه مش بتشال تقريبا وهم بيدفعونا الحد الادنى لان انا دفعت 1000 ج بس ربنا يسترها معانا والله