معلومات عن ماده ايثيلين جيلكول للسيارات المستخدمه في تبريد السيارات

السلام عليكم ورحمه الله وبركاته

احنا دايما بنقول عايزين نجيب مياه خضرا للعربيه عشان الصدا والتبريد و و , وبصراحه انا لما فتحت المانيوال بتاع العربيه ودورت على موضوع سوائل التبريد المفضله للسياره فـ لقيت مكتوب ماده الــ ( ايثيلين جيلكول ) وبصراحه فكرت انها حاجه مش موجوده في مصر او مثلا حاجه استاندارد بالنسبه للصانع الكوري

فقولت ابحث على الانترنت عن الماده دي ويمكن اعرف عنها شويه , فوجدت الاتى :-

تعريف بالماده :-
مادة ايثيلين جليكول هي مادة كيميائية وتعرف أيضا باسم دايجليكول وهي مادة سمية تستخدم كمذيب قوي في بعض الصناعات كما أنها تستخدم كمانع لتجمد سوائل السيارات ويتم تحضيره عن طريق تفاعل أكسيد الإيثيلين مع الماء كما في المعادلة التالية :-
C2H4O + H2O → HOCH2CH2OH

خواص الماده :-

الإسم النظامي :
ثنائي ايثانول Ethane-1,2-diol
الصيغه الجزئيه :
C2H4(OH)2
الكتله الجزئيه :
62,068 جم / مول
الكثافه :
1.1132 جم / سم3
درجه تفكك الجزيئات (الانصهار):
-12,9 مْ
درجه الغليان:
مْ197.3
شكل جزئيات الماده ومركباتها :-
http://www.nrao.edu/pr/2002/antifreeze/ethglycol.jpg

اهم الاستخدمات للماده :-

-- اذابه الجليد في البلاد البارده --
-- تبريد السيارات في البلاد الحاره , وخفض درجه التجمد للسيارات بالنسبه للبلاد البارده --
-- الاستخدام الاغرب للماده هو :- الدخول في صناعه معاجين الاسنان الصينيه مؤخرا حسب ما حذرت منه منظمه الغذاء والدواء الامريكيه , لمعلومات اكتر اضغط هنا --

وطبعا دي كانت نتيجه بحث الانترنت

لكن لما سألت عن الماده دي عند المحلات العاديه بتاعتنا طبعا محدش عرف انا اقصد ايه وبصراحه بدات ابص على كل الانواع الموجوده في السوق , ملقتش غير نوع اسباني واسمه غريب بصراحه والنوع الأمريكي اللي في العلبه المعدن , بس المشكله كلها مطلعتش في الماده نفسها واننا نجيبها منين , المشكله في تركيز الماده
يعني احنا عايزين للعربيات الحديثه اخف تركيز وغالبا بيكون 5% تقريبا , لان اكتر من كده بتاكل مواسير الريدياتير (عن تجربه) , والنوع الاسباني هو المناسب بصراحه لانه اخف تركيز والسعودي كمان اللي اسمه (سبيدوو) , وفي الحاله دي تقدر تحط العبوه كلها من غير ما تخففها ميا عاديه , وانا فعلا جبت عبوه 5 لتر اسباني بـ 25 جنيه من التوفيقيه وشغاله كويس معايا والحمد لله

شكرا ياباشا ع المعلومات ديه

شكرا على المعلومات القيمة
بخصوص المياة الخضراء انا بجيب من فرع شركة التعاون لان السوق محدش يضمن الغش التجارى اللى فيه والشركة قطاع عام يعنى اكيد اضمن من السوق

الف شكر على المعلومات القيمه
و انا مازلت افضل المية بدون اضافات مية مقطرة صافية

فعلاً إذا لم يكن عندنا جيلد أو صقبع فلا داعي منها !!

غير انك لو سألت الصنايعية هيقولك المية الملونه وحشة

اقتباس:

---

المشاركة الأصلية كتبت بواسطة د.محمود صلاح

فعلاً إذا لم يكن عندنا جيلد أو صقبع فلا داعي منها !!

---

لكن عندنا صدأ وحراره عاليه في الصيف :E_braces[1]:, انا شخصيا بتعامل من سنين مع السيارات بدون استخدام ايثيلين جيلكول , بس بدات اهتم بيها حفاظا على اداء دوره التبريد للحفاظ على الماكينه بشكل عام

يوجد جركن ماء رادياتير اسبانى لونه اخضر ومالك سيارة اخر قال انا املا الراديادير ماء احمر اريد ان اعرف الفرق

اقتباس:

---

المشاركة الأصلية كتبت بواسطة elmanahry

يوجد جركن ماء رادياتير اسبانى لونه اخضر ومالك سيارة اخر قال انا املا الراديادير ماء احمر اريد ان اعرف الفرق

---

بالنسبه للماء الاحمر (اظن انه صناعه الامارات) بس للاسف انا متعاملتش معاه لكن عندي صديق بيستعمله وبصراحه بصيت على العبوه ومكنش مكتوب عليها ان من ضمن مركبات السائل احتواءه على ماده ايثلين جيلكول دي !!! بس طبعا ياريت لو حد بيستعمل الماء الاحمر ده يقولنا على نتيجه التجربه

اما بالنسبه للجيركن الاسباني , فأهم شئ انه يكون يحتوي على الماده دي والتركيز بتاع السائل بيكون خفيف , ومن رأيي ان الفرق بين التركيز العالى والمنخفض يبان بالنظر
التركيز العالي بيكون لون المياه قريب جدا من اللون الفوسفوري (زي العلبه الامريكي المعدن) لكن التركيز المنخفض بيكون لونه اخضر فاتح , والفكره من التركيز المنخفض زي ما قولنا قبل كده انه بيحافظ على مواسير الريدياتير من التأاكل وبالتالي ميحصلش نشع داخلي ونقص غير مبرر في معدل الماء

وانا جبت الجركن اسمة iada تقريبا كويس جدا 4 لتر وتركيزز الايثيل جليكول فية قليل فعلا
شكرا يا باشا علي المعلومات دي

شكرا على الموضوع الشيق
ولكن عندى دايو لانوس ومزكور فيه ان نسبة تركيز الاثيلين جليكول لابد وان تكون 50% وعلى فكرة انا دورت فى الموضوع ده كتير اوى ولقيت المواقع الاجنبية كلها ببتكلم على 50% تركيز بالاضافة الى الجدول الهام الذى يحدد درجة الغليان للسائل وللاسف اذا كانت النسبة 5% كما هو الحال فى المياه الاسبانية Iada تكون درجة الغليان 101 درجة اى تغيير لايذكر اما اذا كانت 50% فتصل درجة الغليان الى 108 درجة اى ما يعنى ان المياه لن تغلى ابدا ومن ثم لايوجد ضغط كبير داخل نظام التبريد وبالتالى لايوجد تسريب فى الدورة (والله أعلم )

اقتباس:

---

المشاركة الأصلية كتبت بواسطة morsi33

شكرا على الموضوع الشيق
ولكن عندى دايو لانوس ومزكور فيه ان نسبة تركيز الاثيلين جليكول لابد وان تكون 50% وعلى فكرة انا دورت فى الموضوع ده كتير اوى ولقيت المواقع الاجنبية كلها ببتكلم على 50% تركيز بالاضافة الى الجدول الهام الذى يحدد درجة الغليان للسائل وللاسف اذا كانت النسبة 5% كما هو الحال فى المياه الاسبانية Iada تكون درجة الغليان 101 درجة اى تغيير لايذكر اما اذا كانت 50% فتصل درجة الغليان الى 108 درجة اى ما يعنى ان المياه لن تغلى ابدا ومن ثم لايوجد ضغط كبير داخل نظام التبريد وبالتالى لايوجد تسريب فى الدورة (والله أعلم )

---

النسبة الصحيحة فى الكتالوجات فعلا 50%

لأن لو زادت النسبة بيكون فقد مياة التبريد للحرارة أقل من المياة العادية

و لو قلت بيكون درجة حرارة الغليان أقل من الإيثيلين جليكول
,ادى دليل


http://7ammil.me/get-4-2010-sw87wkq8.JPG

افضلهم موبيل

اقتباس:

---

المشاركة الأصلية كتبت بواسطة محمد الشامي

السلام عليكم ورحمه الله وبركاته

احنا دايما بنقول عايزين نجيب مياه خضرا للعربيه عشان الصدا والتبريد و و , وبصراحه انا لما فتحت المانيوال بتاع العربيه ودورت على موضوع سوائل التبريد المفضله للسياره فـ لقيت مكتوب ماده الــ ( ايثيلين جيلكول ) وبصراحه فكرت انها حاجه مش موجوده في مصر او مثلا حاجه استاندارد بالنسبه للصانع الكوري

فقولت ابحث على الانترنت عن الماده دي ويمكن اعرف عنها شويه , فوجدت الاتى :-

تعريف بالماده :-
مادة ايثيلين جليكول هي مادة كيميائية وتعرف أيضا باسم دايجليكول وهي مادة سمية تستخدم كمذيب قوي في بعض الصناعات كما أنها تستخدم كمانع لتجمد سوائل السيارات ويتم تحضيره عن طريق تفاعل أكسيد الإيثيلين مع الماء كما في المعادلة التالية :-
C2H4O + H2O → HOCH2CH2OH

خواص الماده :-

الإسم النظامي :
ثنائي ايثانول Ethane-1,2-diol
الصيغه الجزئيه :
C2H4(OH)2
الكتله الجزئيه :
62,068 جم / مول
الكثافه :
1.1132 جم / سم3
درجه تفكك الجزيئات (الانصهار):
-12,9 مْ
درجه الغليان:
مْ197.3
شكل جزئيات الماده ومركباتها :-
http://www.nrao.edu/pr/2002/antifreeze/ethglycol.jpg

اهم الاستخدمات للماده :-

-- اذابه الجليد في البلاد البارده --
-- تبريد السيارات في البلاد الحاره , وخفض درجه التجمد للسيارات بالنسبه للبلاد البارده --
-- الاستخدام الاغرب للماده هو :- الدخول في صناعه معاجين الاسنان الصينيه مؤخرا حسب ما حذرت منه منظمه الغذاء والدواء الامريكيه , لمعلومات اكتر اضغط هنا --

وطبعا دي كانت نتيجه بحث الانترنت

لكن لما سألت عن الماده دي عند المحلات العاديه بتاعتنا طبعا محدش عرف انا اقصد ايه وبصراحه بدات ابص على كل الانواع الموجوده في السوق , ملقتش غير نوع اسباني واسمه غريب بصراحه والنوع الأمريكي اللي في العلبه المعدن , بس المشكله كلها مطلعتش في الماده نفسها واننا نجيبها منين , المشكله في تركيز الماده
يعني احنا عايزين للعربيات الحديثه اخف تركيز وغالبا بيكون 5% تقريبا , لان اكتر من كده بتاكل مواسير الريدياتير (عن تجربه) , والنوع الاسباني هو المناسب بصراحه لانه اخف تركيز والسعودي كمان اللي اسمه (سبيدوو) , وفي الحاله دي تقدر تحط العبوه كلها من غير ما تخففها ميا عاديه , وانا فعلا جبت عبوه 5 لتر اسباني بـ 25 جنيه من التوفيقيه وشغاله كويس معايا والحمد لله

---

مشكور عل مجهود

ايثيلين جليكول مركب عضوىبينتج من اكسدة الايثيلين وهى مادة مانعة لتجمد الماء فى مبردات السيارات حيث انها تكون روابط هيدروجينية مع الماء فتمنع تجمع جزيئات الماء على هيئة بللورات ثلج بس انا مش فاهم ايه فايدتها عندنا فى مصر طالما ان الماء على اى حال مش هيوصل لدرجة التجمد
الصيغة الجزيئية :c2h6o2
الصيغة البنائية :ch2oh-ch2oh

اقتباس:

---

المشاركة الأصلية كتبت بواسطة acceleration

ايثيلين جليكول مركب عضوىبينتج من اكسدة الايثيلين وهى مادة مانعة لتجمد الماء فى مبردات السيارات حيث انها تكون روابط هيدروجينية مع الماء فتمنع تجمع جزيئات الماء على هيئة بللورات ثلج بس انا مش فاهم ايه فايدتها عندنا فى مصر طالما ان الماء على اى حال مش هيوصل لدرجة التجمد
الصيغة الجزيئية :c2h6o2
الصيغة البنائية :ch2oh-ch2oh

---

يثيلين جليكول فعلا مادة مانعة لتجمد الماء وايضا ترفع درجة غليان الماء
فمع وجود دورة التبريد المغلقة وسخونة الماء من جراء تبريد المتور، يزيد الضغط داخل دورة التبريد الي حوالي 1 بار
كل هذا يرفع من درجة غليان الماء الي حوالي 110 الي 125(الماء تحت ضغط تزداد درجة غليانة) حسب الضغط وتركيز يثيلين جليكول
زيادة درجة الغليان يحسن كفاءة التبريد (الماء يعمل كمبادل حراري حتي درجة الغليان فقط ثم بعد ذلك يتبخر)
بالاضافة الي ذلك يضاف مواد مانعة للصدأ مع يثيلين جليكول تحافظ علي دورة التبريد من الصدا والطرمبة .

الماء المقطر فقط لا يحمي دورة التبريد من الصدا ، بل يزيد الطين بلة ،
ماء + حرارة + ضغط = صدا ، فقط يمكن استخدامة للتزود فوق يثيلين جليكول .

الماء العادي = ماء مقطر + املاح ، يؤدي الي صدا اسرع وترسبات تسد الريداتير.

يثيلين جليكول مادة سامة مضرة بالبيئة ، سامة الحيوانات او الاطفال (حلو المذاق ) ، لذلك يجب التخلص منها بطريقة امنة ،تستخدم بنسبة 5% في اوروبا حيث الاستفادةمنها كمادة مانعة لتجمد الماء .
في المناخ الحار يفضل تركيز من 30 الي 50 %