انا مستغرب من رد التوكيل على صوت الدريكسيون
انا بقول رأى فقط انا كان معايا لانسر مكواة وكان فيها صوت الدريكسيون الرخم الشهير فى البومة واللى بيظهر فى المطبات الخفيفية وبعتها ولسة جايب بومة زيرو 2009 من شهر تقريبا وللاسف فيها نفس الصوت لما بعدى على مطبات بسيطة بسمع صوت فى الطارة كأنه حديد فى حديد وطبعا رد المهندس طارق والتوكيل أيضا انه صوت طبيعى واليابان بتقول انه مش عيب .. أنا مش فاهم يعنى أيه مش عيب ازاى ماشى بعربية زيور وبسمع فيها صوت تخبيط حديد فى حديد انا فعلا ندمان انى جبت العربية دى والمهندس طارق يقولى الصوت ده بيحصل فى حالات نادرة طبعا الكلام ده مش صح مع احترامى له لانه بيحصل علطول فى المطبات والدريكسيون مسكور فى أى اتجاه .. عربية زيرو وحاسس انها قديمة والله ما حاسس بفرق خالص بينها وبين المكواة 2001 اللى كانت معايا بل بالعكس صوتها عالى جدا جدا كانى راكب عربية قديمة وسامع كل اللى بيحصل فى الماتور والعفشة غير الصوت الرخم اللى بيحصل فى المطبات وكأن عدادات التابلوه بتكسر ... وعندى رأى أخر انا مش عارف كل اللى راكب لانسر بيشكر فيها وكأنة راكب بى ام من حيث الثبات والقوة انا مشفتش ده خالص عربية عادية جدا جدا جدا وانا مقتنع ان كل اللى اشتروها يمكن اشتروها علشان رخيصة بالنسبة لليابانى هو مش عايز يركب كورى طيب يركب ايه اللانسر سعرها رخيص شكلها كويس فبيشتريها من غير تردد وده من رأى أنه سبب انتشارها ..... اما التويوتا مثلا فتستحق ماتور شديد عفشة لا غبار عليها مطلقا للاسف سعرها غالى ... على فكرة عربيتى عاملة 4000 الاف كيلو وعارضها لبيع .. نسيت أضيف أسعار قطع الغيار المبالغ فيها جدا جدا جدا جدا ... المهندس طارق وأيضا مع أحترامى الشديد له بيشكر فى العربية وكأنها الفريدة من نوعها عربية شاذة والله ما فاههم هو بيحب العربية بالشكل ده لية هل لانه مهندس توكيل متسوبيشى مش عارف .... !!!!! فى حاجة تانية العفشة العادة بتبوظ بسرعة والعفشة الرياضية نشفة جدا جدا انا ايضا مش فاهم هى معضلة ما فى عربيات تانية مفهاش العيوب زى اللانوس مثلا مشفتش فيها كل هذه العيوب وهى كورى أيضا السيراتو الجديدة والقديمة كمان والالنترا .... يا جماعة انا مش بكره الناس فى البومة بس أنا معترض على أراء كل اللى راكبها اللى يقولك مفهاش صوت علبة الدركسيون ده واللى يقولك ثابتة ثبات رهيب واللى يقولك الدريكسيون خفيف وأخر يقولك لا ده تقيل وتحفة طيب ابن عمى بيشتكى من الاوتوماتيك بتاعها وبتبطل منه لما يجيب على ال_n ومش فاهم ده بيحصل ليه أضيف ان المهندس طارق بيقول ان العربية منتشرة انتشار رهيب فى مصر وده دليل على امتياز العربية وانا بقول له ان العربية منتشرة لانها يابانى وسعرها رخيص واللى جايبها لو معاه مثلا سعر التويتا أو الهوندا مش هايتردد ثانية انه يجيبها .......... يا جماعة يا ريت مش عايز ردود زى مثلا مش عجباك بيعها أو بتركب لانسر ليه انا قولت ده رأى ومقتنع بيه واللى مش عاجبه الكلام مايتعبش نفسه ويرد .
