فين الرجالة بتاعت السيراتو الشكل القديم .. خلاص مبقاش فيه مواضيع والا أي أحداث والا أي أخبار . الناس راحت فين انا حاسيس ان العربية انقرضت ..
عرض للطباعة
فين الرجالة بتاعت السيراتو الشكل القديم .. خلاص مبقاش فيه مواضيع والا أي أحداث والا أي أخبار . الناس راحت فين انا حاسيس ان العربية انقرضت ..
مخلاص بقى النيو سيراتو كلت الجو وخدت الناس مننا
موجودين يابرنس بس اجمد حاجة فى الشكل القديم انه يكااد يكون خالى تماما من العيوب فاتلاقى محدش بيكلم كتير على مشاكل فيها
بالفعل لم نسمع عن مشاكل بالشكل القديم
طيب الحمد لله ان مافيش مشاكل
ياباشا ولا كلنا الجو ولا حاجة - انتو الاصل برضو - ربنا يباركلكم فيها ويخف من علينا الضرب شوية هههههههههههههه
العربية دي هيا الي خلتني افكر في حاجة اسمها نيو سيراتو عربية رائعه والله
عتريس باشا ضرب ليه بس ده ضرب وشتيمة وعار كمان ووممكن كمان علشان ركبتها واشتريتها يقولوللك انت حطيت راسنا في الوحل :8954[1]:........
الناس للاسف مستغربيين ان عربية كوري وكمان كيا اللي مش منتشرة في السوق وده طبعا صح وكان زمان انها تحقق المبيعات دي ويحسسووك انك في الاخر (سوري) يعني في اللفظ اشتريت صندوق زبالة !!!!!الواحد مننا وكلنا نفسنا نلركب احلى الماركات بس ظروفنا الاقتصادية محجمة الموضوع .....فعربية ممتازة وتقفيلها ممتاز ومتوفر قطع غيارها وتوكيلها محترم وسعرها معقول وتقضي الغرض ايه المشكلة ان الواحد يجيبها حتى ولو معاك انك تجيب اوبل او اوكتافيا انا مش بقارن بس بص على صيانة الحاجات دي وقطع غيارها نار يا حبيبي نار :I_angr1[1]:ربنا يبارك للجميع في عربيته ايا كان نوعها وانا القديمة اللي معايا زي الفل وربنا يكفينا جميعا شر الطريق
عربيه جميله فعلا (معايا دايما بتاعت صديق عزيز)
بس هي للاسف لم تحقق الانتشار الفظيع اللي عملته النيو سيراتوو
وعشان كده مفيش عليها جدل كبيررر ومع الاتعذار لكل مالكي الشكل القديم
بس الشكل الجديد الصراحه فلته من كيا ولا يمكن مقارنه الشيب القديم من جميع النواحي شكلا ومضمونا وامكانيات
روبنا يباركلكم فيها
بس موضوع الإنتشار ده مشكلة فعلا خصوصا بعد كام سنة .. تقريبا مش هيكون ليها سوق . وناس كتير فعلا بيقولو ان مشاكلها اقل من الشكل الجديد . بس ده ميمنعش ان بارضو فيها بعض المشاكل والي بارضو بتختلف من شخص لشخص .
بس المهم ان الحمد لله طلع لسه فيه ناس عايشة
فعلا الشكل الجديد سيطر تماما ..انا معايا الشكل القديم 2009و بقيت حاسس انها قديمة بعد اكتساح الشكل الجديد
الشكل لاقديم هوا اللي عمل ثقة في الكيا في مصر ودة لان فعلا العربية محترمة جدا - كفاية اني لسة بشوف منها زيرو - الشكل الجديد كل الجو كعادة البشر - الاهتمام بالجديد - لكن فعلا القديمة تستاهل يتعملها تمثال
تمثال مرة واحده ....
بس فيها عيب خطير عندي .. بتطأطأ في الساقعة هههههههه .. والله الأيام الي فاتيت كان الجو بارد جدا وكنت ملاحظ لما اضرب فرامل او أسحب جامد فجأة بيكون في صوت طأطأة جوه جسم العربية وكنت هتجنن الصوت طالع منين بس لما الجو اتظبط عادي الصوت راح .. مش عارف بقي فعلا ده كان السبب والا ممكن كانت حاجه تانية
بصراحه..... سيراتو الشكل القديم.... أرفع لها القبعه
كنت اتمنى أفضل على حجزي ليها و استلم قبل ما اغير رأي...... الحمد لله و الخيره فيما اختاره الله
انا عن نفسي صحبي لحد دلقوتي بيضرب نفسه بالجز... انه مجبش الجديده !!!!
اعتقد الفرق مش بعيد او ممكن يكون فرق تقفيل مش فرق خامة ده في اعتقادي .. انا بصراحة مش عاجبني .. بس ده ممكن يكون راجع للأسباب تانية بمعني اصح تاريخها معايا مش حلو .
بس قولي انتا العربية عاملة معاك ايه .. مفيش اي جديد. ولسه بتعمل صيانات في التوكيل؟ علي فكره انا جبت العربية دي بعد مشوفت موضوعك بتاع تقييم السيراتو وكان في واحد تاني بتاع اسكندرية. كنت انتا لسه جايب العربية جديد .
الخامات الداخليه في الشكل القديم أفضل و أكثر جوده بشكل ملحوظ جداااااا من الشكل الجديد...
الشكل القديم....تصميم التابلوه مش عصري قوي, و التصميم الخارجي نفس الكلام...
الشكل الجديد تصميم عصري و ثوري من جوه و بره, و فعلا مبهر زي ما قال باشمهندس أحمد
لكن الفرق بين جودة الخامات بين الشكلين كبير فعلا لصالح الشكل القديم (في رأي)...
امال ايه افضل عربية كوري في الخامات الداخلية ؟؟ ..
الشكل القديم اثبت كفاءة بشكل كبير جدا وساعد على انتشار الشكل الجديد وربنا يباركلنا جميعا فى الجديد والقديم
انا عندى سيراتو 2008 الشكل القديم أشريتها من الوكيل فى أغسطس 2008 و من يومها و هى فيها عيب فى نظام التعليق اليمين الأمامى و الحقيقة العيب عجيب شوية و هو صوت تخبيط جامد فى الجزء الأمام اليمين و كمان ياحس بية فى الدريكسيون و الغريب ان الصوت بيقل شوية بعد المشى حوالى ربع ساعة. و رحت التوكيل أكتر من مرة و كتبت لكيا فى كوريا و أخيرا جه المهندس خالد مدير الصيانة عند البيت الصبح و سمع الصوت و قرر تغيير المساعدين و ربط العربية لكن الصوت قل شوية لكن مارحش و رجع زى ما كان بالتدريج و من تلات شهور بدأ صوت زيادة عبارة عن صوت زى صوت رولمان البللى من نفس المكان و رحت التوكيل مع صيانة ال 15000, أيوة خمس عشر فقط, و الغريب انهم قالوا تربيط عفشة. و لما زاد زيادة من أسبوعين مهندس ورشة روكسى قال مفيش حاجة اصل العربية دى سير الكاتينة بتاعها حديد و لازم الصوت يبقى عالى شوية و لما قولت لة الصوت دة جديد بالأضافة الى انى حاسس بخشونة تحت رجلى و كمان فى الدريكسيون فكانت أجابتة غريبة جدا و هى أن الصوت دة يمكن فى راسى انا بس. حاجة فى منتهى .... الأدب.
عموما انا كتبت لكوريا تانى و لو انى عارف انة الميل دة بيوصل للوكيل و كوريا ما بتعملش حاجة و لا حتى متابعة لمشاكل العملاء. لكن هو نوع من إثبات الحقعلشات استخدمة مع جهاز حماية المستهلك , وانا باوعدكم بالمتابعة حتى اذا اضطرنى الأمر انى أرفع قضية على التوكيل و كيا معاهم لأنى مش مجنون و باسمع أصوات مالهاش وجود