-
استشاره عاجله لو سمحتم
السلام عليكم ورحمه الله وبركاته
انا معايا لادا 2105 موديل 83
المهم انا بحطلها زيت التعاون كل 1000 كيلو
امبارح وانا بغر الزيت فوجئت ان الموتور ماكنش فيه غير شويه زيت صغيرين خالص والراجل قالى دى كانت فاضيه وحطلى جركن زيت كامل
المهم انا عاوز اعرف هو الزيت اللى كان فيها راح فين مع انى كشفت عليها لقتها مش بتنقط زيت ولا حاجه بس فى ناس ولاد حلال قالولى ان الموتور بدأ يحرق زيت ولازم يتعمله عمره
اه صح نسيت انى بعد ما حطلى جركن الزيت ببص على المقاس لقيته ماليان على الاخر وفوق الاخر بكتيير كمان
فما هو الحل
-
طيب فوك البوجيهات كدة و شوف عليها زيت ولا لا ؟
لو عليها زيت يبقى محتاج تغير طقم شمبر
نص عمرة
-
ماعليهاش زيت وبعدين ياريت تقلى بالمره هيا العمره تكلف تقريبا كام
-
دايما وانت بتغير زيت شوف الراجل وهو بيحط الزيت وشوف كمان الجركن مليان اصلا ولا لا ؟؟؟؟ وكمان انه قبل مايحطه يكون ربط الطبة اللي تحت الموتور ........وكمان بص في اثر رشح للزيت حوليين الموتور ممكن يكون الجوانات عايزة تتغير ومحتاج كده طقم شنبر ......كمان لما تسخن العربية كويس ارجع وراء وحط ايديك في الشكمان وشوف السواد على ايديك لو جاف يبقى تمام لكن لو مزيت ومعرق يبقى كده الموتور محتاج عمرة
-
-
والله كلامك ميا ميا بس انا بلغير الزيت بالمكنه بتاعه الشفط مش من الطبه وانا بغير كل 1000 بس اه هو الدخان مزيت وكدا من الاخر عاوزه عمره
هتكلف كام؟
-
لو عمرة موتور كاملة هتخش فى حدود 2500 جنيه
-
حرام عليك 2500 وقعت قلب الراجل بص يا سيدى اجر الخراط من300:400 جنية والميكانيكى اقل منهم حسب ما تتفق معاة وطاقم بستم250 جنية وسبيكةمصانع100 جنية وطاقم شنبربرازيلى110جنية وطاقم كاوتش صباباتفى حدودمن20:40جنية +طاقم جوانات مش عارف ثمنهم كام بالضبط لاكن هما مش غاليين باقى الحجات لماتفك الموتور ويشوف الميانيكى ويشوف على الطبيعة ودة زى الصبابات وطلمبة الزيت والبنزيم والمياة ووج السلندر والبيلات يعنى اعمل حسابك من1500:2000 جنية بس اهم حاجة ان الميكانيكى يكون امين وشكرا وربنا يعينك
-
ربنا يكرمك على الرد دا
بس ممكن حد يقلى اجيب موتور استيراد جديد ب2500 احسن ولا اعمل عمره احسن
-
الموتور الإستيراد عامل زى البطيخة مش مضمون - الموتور الجديد 1600 ب 6000 جنيه عند حمدى لادا
المهم فى العمرة إنك تكون بتتعامل مع ميكانيكى كويس و أمين
Content Relevant URLs by
vBSEO 3.6.0 PL2