إستخدام البطاقات الإئتمانية في الدفع عن طريق الإنترنت ؟؟

السلام عليكم و حمة الله و بركاتة

يا جماعة انا ليا فترة عندي لبس بخصوص البطاقات الإئتمانية و مدي ضمان السرية و الأمان اثناء استخدامها في الدفع عن طريق النت
يعني مثلا لو انا هدفع فاتورة تليفون او dsl او اي مشريات عن طريق النت

ايه هيا البيانات اللي بيطلبها الموقع عشان يسحب القيمة من حساب البطاقة ؟؟

انا فاكر مرة دفعت فاتور اشتراك ال dsl لشركة لينك عن طريق النت و طلب مني ادخال البيانات دي
رقم البطاقة - تاريخ انتهائها - الإسم - الرقم السري الموجود في ظهر البطاقة ومكون من 3 ارقام

طيب انا ليا استفسار
طبعا غير ان البطاقة ممكن لو وقعت او اتسرقت مني و انا مش واخد بالي و لم اكتشف دا بسرعة اكيد طبعا الحرامي او اللي هيلقاها ممكن يستخدمها في مشتريات من النت
دا بالنسبة لي طبيعي و مش غريب

انا بس اللي قالقني اكتر ان احيانا انا بدخل مطاعم و بحاسب بالفيزا و طبعا انا بدي الكارت للناس بتوع المطعم و هو بياخد تمن الأكل و بيجيب ايصال امضي عليه و انا بكون لسه عالترابيزة بتاعتي " علي اساس اني راجل مهم يعني:E_braces[1]:"
طيب مش ممكن يكون هو اخد بيانات الكارت بكل سهولة و ممكن يعمل اي حاجة بيها عالنت !!!

يا ريت يا جماعة لو فيه حاجة انا مش واخد بالي منها حد يوضحهالي

متااااااااااااابع

بص يا أخي الكريم

بقالي 3 سنين شغال بحاجة اسمها فيزا انترنت
دي بتطلعها من بنك مصر بتدفع 10 جنيه وهي للإستخدام على الانترنت فقط وصلاحيتها سنة
المميزات
1- مينفعش يتسحب منها أكتر من المودع فيها يعني لو حاطط 10 جنيه وجيت انت أو غيرك تسحب 20 مينفعش
2- مش لازم تفتح حساب في البنك ولإيداع بتودعه مباشرة في الفيزا
3- كل المواقع العالمية بتقبلها (فيزا دولية مش محلية)

انا استعملتها بنجاح مع
1- مواقع استضافة عالمية
2- مواقع حسابات الكترونية (moneybookers.com)
3- موقع المصرية للإتصالات (دفعت فواتير التليفون الأرضي) (بس بيزود عليك 2 في المية من قيمة الفواتير وممكن تدفع أكتر من فاتورة حتى لو مش بإسمك)
4-فودافون تشحن بيها رصيد وبيتبعتلك بيها رسالةعلى موبيلك (بدل كروت الشحن)
5- TEDATA دفعت بيها اشتراك الانترنت الشهري

أي استفسار انا في الخدمة سواء هنا أو
0101696033
deriby@hotmail.com

اقتباس:

---

المشاركة الأصلية كتبت بواسطة allo

بص يا أخي الكريم

بقالي 3 سنين شغال بحاجة اسمها فيزا انترنت
دي بتطلعها من بنك مصر بتدفع 10 جنيه وهي للإستخدام على الانترنت فقط وصلاحيتها سنة
المميزات
1- مينفعش يتسحب منها أكتر من المودع فيها يعني لو حاطط 10 جنيه وجيت انت أو غيرك تسحب 20 مينفعش
2- مش لازم تفتح حساب في البنك ولإيداع بتودعه مباشرة في الفيزا
3- كل المواقع العالمية بتقبلها (فيزا دولية مش محلية)

انا استعملتها بنجاح مع
1- مواقع استضافة عالمية
2- مواقع حسابات الكترونية (moneybookers.com)
3- موقع المصرية للإتصالات (دفعت فواتير التليفون الأرضي) (بس بيزود عليك 2 في المية من قيمة الفواتير وممكن تدفع أكتر من فاتورة حتى لو مش بإسمك)
4-فودافون تشحن بيها رصيد وبيتبعتلك بيها رسالةعلى موبيلك (بدل كروت الشحن)
5- tedata دفعت بيها اشتراك الانترنت الشهري

أي استفسار انا في الخدمة سواء هنا أو
0101696033
deriby@hotmail.com

---

شكراااااا على المعلومات القيمة

الكارت بتاع المكنة غير الكارت بتاع الأنترنت يعني مفيش خطورة من رقم الكارت العادي اللي بتحاسب بية فى أي مكان أو بتسحب بية من الatm

وبتاع الأنترنت تقريبا الداتا زي مانت قلتها الرقم والأسم وتاريخ الأنتهاء وفي رقم مكون من 3 ارقام دة في بعض المواقع بتطلبة

أأمن حاجة فى استخدام كارت الأنترنت انك تشترك فى net abank وبيديلك يوزر وباسورد علي الموقع بتاع البنك وتقدر تحول فلوس من الحساب لكارت الأنترنت بدون الرجوع للبنك أو المكنة

دة هيفيدك انك متسيبش فلوس كتير فى كارت الأنترنت علشان لو ضاع ميبقاش فيها مشكلة

اقتباس:

---

المشاركة الأصلية كتبت بواسطة allo

بص يا أخي الكريم

بقالي 3 سنين شغال بحاجة اسمها فيزا انترنت
دي بتطلعها من بنك مصر بتدفع 10 جنيه وهي للإستخدام على الانترنت فقط وصلاحيتها سنة
المميزات
1- مينفعش يتسحب منها أكتر من المودع فيها يعني لو حاطط 10 جنيه وجيت انت أو غيرك تسحب 20 مينفعش
2- مش لازم تفتح حساب في البنك ولإيداع بتودعه مباشرة في الفيزا
3- كل المواقع العالمية بتقبلها (فيزا دولية مش محلية)

انا استعملتها بنجاح مع
1- مواقع استضافة عالمية
2- مواقع حسابات الكترونية (moneybookers.com)
3- موقع المصرية للإتصالات (دفعت فواتير التليفون الأرضي) (بس بيزود عليك 2 في المية من قيمة الفواتير وممكن تدفع أكتر من فاتورة حتى لو مش بإسمك)
4-فودافون تشحن بيها رصيد وبيتبعتلك بيها رسالةعلى موبيلك (بدل كروت الشحن)
5- tedata دفعت بيها اشتراك الانترنت الشهري

أي استفسار انا في الخدمة سواء هنا أو
0101696033
deriby@hotmail.com

---

جزاك الله خيرا علي ردك الجميل دا

بس حضرتك انا عارف انه فيه بطاقة ائتمانية مخصصة للإستخدام في النت و بيبقي ليها حد ائتماني مش كبير عشان لا قدر الله موضوع السرقات
و انا فعلا المفروض اني هستلم واحدة من ال البنك التجاري الدولي قريبا
بس هو ايه الفرق بينها و بين الفيزا العادية هل فيها تأمين و حماية علي مثلا ؟؟

بس انا سؤالي بخصوص الكروت العادية وهل اللي انا قلقان منه ممكن يحصل فعلا و لا انا فيه حاجة مش واخد بالي منها ؟؟

أخي الكريم
الفرق زي مقلت لحضرتك ان في حدود لكرت الانترنت باللي انت مودعه فيه بس

ثانياً انت متشتريش الا من مواقع محترمة لشركات كبيرة

أما المواقع اللي انت قلقان منها تستخدم وسيط اسمه حساب الكتروني زي moneybookers.com و paypal.com بس التاني مقفول في مصر
وبكده ميقدرش ياخد منك أكتر من اللي انت محولهوله بس
يعني لو شاري حاجة ب 50 جنيه توصله 50 جنيه بس ميقدرش ياخد اكتر منهم وده مقابل حوالي 2-3 في المية بياخدهم منك البنك الالكتروني

وتحت أمرك في أي استفسار

اقتباس:

---

المشاركة الأصلية كتبت بواسطة allo

أخي الكريم
الفرق زي مقلت لحضرتك ان في حدود لكرت الانترنت باللي انت مودعه فيه بس

ثانياً انت متشتريش الا من مواقع محترمة لشركات كبيرة

أما المواقع اللي انت قلقان منها تستخدم وسيط اسمه حساب الكتروني زي moneybookers.com و paypal.com بس التاني مقفول في مصر
وبكده ميقدرش ياخد منك أكتر من اللي انت محولهوله بس
يعني لو شاري حاجة ب 50 جنيه توصله 50 جنيه بس ميقدرش ياخد اكتر منهم وده مقابل حوالي 2-3 في المية بياخدهم منك البنك الالكتروني

وتحت أمرك في أي استفسار

---

شكرا علي ردك السريع

بس الظاهر حضرتك فهمتني غلط
انا مش قلقان من المواقع نفسها
انا بسأل هل ممكن لو انا بدفع فاتورة باستخدام الكارت في اي مكان مش ممكن بسهولة اللي انا بدفعله ياخد رقم الكارت و صلاحيته و الرقم السري الخلفي و يعمل اي حاجة عالنت

ممكن طبعاً لو الفيزا صالحة للإستخدام على النت كمان
علشان كده متشتريش من حد مش مضمون

انا بسال نفسي السوال دي برده بس بصراحه عمري ماعملتها غير في كارفور مره واحده

مع اني معايا 2 ماستر كارد الا اني مش بستخدمهم غير لو مينفعش استخدم غيرهم
يعني طول ماينفع ادفع كاش بادفع

اقتباس:

---

المشاركة الأصلية كتبت بواسطة shaddadfalcon1

انا بسال نفسي السوال دي برده بس بصراحه عمري ماعملتها غير في كارفور مره واحده

مع اني معايا 2 ماستر كارد الا اني مش بستخدمهم غير لو مينفعش استخدم غيرهم
يعني طول ماينفع ادفع كاش بادفع

---

كلام مظبوط خليك بعيد عنهم على قد متقدر لأن الفيزا بتشجع على الاستهلاك بأكتر من قدرتك

بالنسبة لفيزا الإنترنت احنا بنستعملها لأنها ممكن تسدد بيها وانت في بيتك ومينفعش يبقى رصيدك بالسالب يعني لو خلص اللي فيها ميجيش البنك يقولي ادفع تاني

اقتباس:

---

المشاركة الأصلية كتبت بواسطة pro_samir

الكارت بتاع المكنة غير الكارت بتاع الأنترنت يعني مفيش خطورة من رقم الكارت العادي اللي بتحاسب بية فى أي مكان أو بتسحب بية من الatm

---

مش في كل البنوك يابو سمرة

في اغلب البنوك الغير حكومية الكارت العادي بيبقى شغال عالنت الله ينور عادي جدا

ده كمان مش كل البنوك دلوقتي بتعمل انترنت كارد أصلا.... و الفيزا و الماستر شغالين طبعا على النت عادي

ببساطه الفرق بين الانترنت كارد و الفيزا او ماستر كارد (لوكال او انترناشونال)...
ان الفيزا او ماستر مفتوحين على الحساب العام بالكامل و ممكن تسحب على المكشوف كمان
اما الانترنت كارد بتحول ليه من الفيزا الأصليه و بيكون ليه ليميت و بعد الاستخدام الحساب بيتصفر مباشرة

بالنسبه لأنك تستخدم الفيزا للدفع في المطاعم و خلافه... طول ما المطعم معروف و محترم لا تقلق
و طبيعي مطعم بيدعم الحساب بالفيزا اكيد كويس و محترم و مضمون...

انا بشتري من اديداس و كونكريت و بدفع في مطاعم و بشتري هدايا و خلافه
و حاجات من رايه و نوكيا و كده و كله بالفيزا و من زماان و بدون مشاكل

اهم حاجه تحتفظ بالايصال اللي بتاخده بعد الدفع بالفيزا في أي مكان....

اقتباس:

---

المشاركة الأصلية كتبت بواسطة أحمد كمال

مش في كل البنوك يابو سمرة

في اغلب البنوك الغير حكومية الكارت العادي بيبقى شغال عالنت الله ينور عادي جدا

---

حضرتك انا في ممكن امثلة له\ة البنوك علشان انا زهقت من التحوبل بين الحساباتnsgb

اقتباس:

---

المشاركة الأصلية كتبت بواسطة kamalantivirus

حضرتك انا في ممكن امثلة له\ة البنوك علشان انا زهقت من التحوبل بين الحساباتnsgb

---

انا شغال كده عادي جدا مع HSBC .... الكارت العادي جدا بتاعه شغال عالنت عادي جدا برضه

و كذلك Citibank, Credit Agricole و بنوك كتير جدا

NSGB ده بنك متخلف و منتجاته البنكية كلها متخلفة و مصاريفه عالية و كل ما تروح تعمل حاجة يقول لك لازم فرعك ......

اقتباس:

---

المشاركة الأصلية كتبت بواسطة أحمد كمال

مش في كل البنوك يابو سمرة

في اغلب البنوك الغير حكومية الكارت العادي بيبقى شغال عالنت الله ينور عادي جدا

---

مش عارف انا مجرب فيزا مع الأهلي سوسيتية و ماستر كارد مع الأهلي وفي البنكين كان في كارت atm وكارت انترنت منفصلين عن بعض

اقتباس:

---

المشاركة الأصلية كتبت بواسطة pro_samir

مش عارف انا مجرب فيزا مع الأهلي سوسيتية و ماستر كارد مع الأهلي وفي البنكين كان في كارت atm وكارت انترنت منفصلين عن بعض

---

الأهلي و سوسيتيه و مصر و فيصل و غيره من البنوك الحكومية و شبه الحكومية كلها كده

اقتباس:

---

انا بس اللي قالقني اكتر ان احيانا انا بدخل مطاعم و بحاسب بالفيزا و طبعا انا بدي الكارت للناس بتوع المطعم و هو بياخد تمن الأكل و بيجيب ايصال امضي عليه و انا بكون لسه عالترابيزة بتاعتي " علي اساس اني راجل مهم يعني:e_braces[1]:"
طيب مش ممكن يكون هو اخد بيانات الكارت بكل سهولة و ممكن يعمل اي حاجة بيها عالنت !!!

---

طبعا ممكن بسهوله
وممكن يدفع بيه مثلا فواتير اتصالات وفودافون من على النت بدون مشاكل
بس انا معايا ماستر من سيتى بنك لما باستخدمه على موقع خارجى فى امريكا مثلا
سيتى بنك بيرفض التعامل لغاية لما اكلمهم ويسألونى شوية أسئله عن السن وتاريخ الميلاد وبعدين يفتح التحويل
وهما شغالين 24 ساعه 7 ايام

اعتقد ان حضرتك لو بتستخدم الكارد كتير فى شراء او مطاعم ممكن تطلب من البنك حماية الحساب برفض عمليات الشراء من على النت الا باتصال منك

على فكره الكارد اللى معايا مابيرفضش المواقع المصريه زى فودافون واتصالات مش عارف ليه بصراحه

غريبة حكاية الرقم السرى الى على ضهر الفيزا دى انا معايا فيزا من B.N.B.Bariba ومفيهاش الرقم السرى مكتوب عليها المفروض ان انت بتكون حافظه مش كده ولا انا فاهم غلط

اقتباس:

---

المشاركة الأصلية كتبت بواسطة hossam_elwani

غريبة حكاية الرقم السرى الى على ضهر الفيزا دى انا معايا فيزا من b.n.b.bariba ومفيهاش الرقم السرى مكتوب عليها المفروض ان انت بتكون حافظه مش كده ولا انا فاهم غلط

---

هو مش الرقم السري اللي حضرتك متخيله و اللي بتستخدمه في المشتريات او السحب النقدي من الصراف الآلي
هو بالظبط رقم مكون من 3 ارقام بيبقي موجود في ظهر الكارت من جهة اليمين و يبقي رقم مظلل بلون مختلف عن باقي الأرقام

اقتباس:

---

المشاركة الأصلية كتبت بواسطة hossam_elwani

غريبة حكاية الرقم السرى الى على ضهر الفيزا دى انا معايا فيزا من B.N.B.Bariba ومفيهاش الرقم السرى مكتوب عليها المفروض ان انت بتكون حافظه مش كده ولا انا فاهم غلط

---

فيه كذا رقم سري ...... فيه ال ATM PIN اللي بتستعمله في السحب النقدي من ماكينات ال ATM

و فيه في بعض البنوك كمان Phone Banking PIN عشان اما تتصل بالكول سنتر تسمع رصيدك من الكمبيوتر

و فيه في كل الكروت على ضهرها CVV و ده رقم بعض المواقع بتطلبه زيادة في التأمين

خلاصة تجربتي كالاتي

معايا Debit Card و دا بيبقى فيزا أو ماستر أقدر به اعمل الاتي
1- اشتري من أي محل أو سوبر ماركت بالخصم من حسابي البنكي مباشرة
2- اسحب به من ماكينة ال ATM من حسابي مباشرة

ماينفعش تعمل به الاتي

1- اسحب على المكشوف وبعدين أسدد للبنك
2- أشتري به من على الانترنت

يعني من الاخر الكارت الارقام اللي عليه مالهاش لازمه لو حد سرقها و مش حايقدر يستفيد حاجه بيها - الكارت نفسه هو المهم


و معايا انترنت كارد

و دا زي مالشباب شرحوا قبلى بيبقى الارقام اللي عليه هي المهمه و نظريا يكفي أي حد يعرفها عشان يقدر يستعملها اونلاين
الامان الوحيد اللي فيه هو انه ليه ليميت قليل

نظريا برضه المفروض كقاعده عامه لما تشتري من موقع انك مش بتدخل بيانات الكارت في الموقع نفسه - المفروض الموقع قبل اجراء الدفع مباشرة يوديك على ما يطلق عليه Portal او Gateway و دي ممكن يكون بيقدمها بنك أو شركات مخصوص للموضوع دا مهمتها تاخد من الموقع معلومات عن انت النفروض تدفع كام و تاخد منك بيانات الكارت و لما العمليه تتم بنجاح ترجعك على الموقع مع رسالة نجاح االشراء

بعض المواقع الغايه في الشهرة ممكن تسمحلك تسجل بيانات كارتك عندهم مباشرة لتسيل عمليات الشراء المتعدد من عندهم على فترات متقاربه - عشان مش كل مره تضطر تدخل البيانات دي

بس دا زي ماتفقنا بيقبى في المواقع الشهيره - غير كدا يبقى زي مانا شارح قبل كام سطر

حاجه تانيه ممكن تقابلك انك بعد ما تدفع في ال Portal او ال Gateway اللي اتكلمنا عنهم تلاقي مطلوب منك زي اجراءات تأكيد شخصية زيادة - زي يطلبوا منك تكلمهم او تبعتلهم صور من الباسبور\ الرخصه\ و ممكن يوصلوا يطلبوا صوره من كارت الانترنت بتاعك "بس تمسح نص الارقم اللي عليه عشان مافيش موظف يشوفها و يستعملها"

دا اللي في بالي دلوقت لو افتكرت حاجه تاني حاكتبها

شكرا على المعلومات المفيدة

اقتباس:

---

المشاركة الأصلية كتبت بواسطة Casio2000

خلاصة تجربتي كالاتي

معايا Debit Card و دا بيبقى فيزا أو ماستر أقدر به اعمل الاتي
1- اشتري من أي محل أو سوبر ماركت بالخصم من حسابي البنكي مباشرة
2- اسحب به من ماكينة ال ATM من حسابي مباشرة

ماينفعش تعمل به الاتي

1- اسحب على المكشوف وبعدين أسدد للبنك
2- أشتري به من على الانترنت

يعني من الاخر الكارت الارقام اللي عليه مالهاش لازمه لو حد سرقها و مش حايقدر يستفيد حاجه بيها - الكارت نفسه هو المهم


و معايا انترنت كارد

و دا زي مالشباب شرحوا قبلى بيبقى الارقام اللي عليه هي المهمه و نظريا يكفي أي حد يعرفها عشان يقدر يستعملها اونلاين
الامان الوحيد اللي فيه هو انه ليه ليميت قليل

نظريا برضه المفروض كقاعده عامه لما تشتري من موقع انك مش بتدخل بيانات الكارت في الموقع نفسه - المفروض الموقع قبل اجراء الدفع مباشرة يوديك على ما يطلق عليه Portal او Gateway و دي ممكن يكون بيقدمها بنك أو شركات مخصوص للموضوع دا مهمتها تاخد من الموقع معلومات عن انت النفروض تدفع كام و تاخد منك بيانات الكارت و لما العمليه تتم بنجاح ترجعك على الموقع مع رسالة نجاح االشراء

بعض المواقع الغايه في الشهرة ممكن تسمحلك تسجل بيانات كارتك عندهم مباشرة لتسيل عمليات الشراء المتعدد من عندهم على فترات متقاربه - عشان مش كل مره تضطر تدخل البيانات دي

بس دا زي ماتفقنا بيقبى في المواقع الشهيره - غير كدا يبقى زي مانا شارح قبل كام سطر

حاجه تانيه ممكن تقابلك انك بعد ما تدفع في ال Portal او ال Gateway اللي اتكلمنا عنهم تلاقي مطلوب منك زي اجراءات تأكيد شخصية زيادة - زي يطلبوا منك تكلمهم او تبعتلهم صور من الباسبور\ الرخصه\ و ممكن يوصلوا يطلبوا صوره من كارت الانترنت بتاعك "بس تمسح نص الارقم اللي عليه عشان مافيش موظف يشوفها و يستعملها"

دا اللي في بالي دلوقت لو افتكرت حاجه تاني حاكتبها

---

الف شكر يا باشا علي المعلومات القيمة دي
بس كدا الكروت مش عليها امان بدرجة كبيرة :T_thum1[1]:

هي تعتبر اكثر الطرق امانا للشراء اون لاين من غير تعقيدات التحويل البنكي او الخطوره العاليه لاستخدام الكرديت كارد العادي في الشراء اونلاين

للاسف في انظمه احدث حاليا شركة فيزا و شركة ماستر كارد اضافوها بتخلى المستخدم لكارت الانترنت لازم يبقى عارف كود شخصي اضافي مش مطبوع على الكارت - كدا الكارت لوحده مالوش لازمه -

الحمايه اسمها verified by visa و master card secure code بس لازم الينك اللي طلعت منه الكارت يكون بيقدم الخدمه دي عشان تعرف تسجل كارتك فيها

ال cib ماعرفوش ايه اللي انا بحكي عليه دا اصلا على سبيل المثال

و مش كل المواقع بتدعمها بس العدد في تزايد

فيزا النت دي غير الفيزا اللي بتشتري بها من المحلات

النت لو اتسرقت منك طبعا اللي سرقها ممكن يشتري بكل الفلوس اللي فيها

اما الفيزا العاديه لازم تعدي علي ماكنة معينة و تسجل الارقام اللي فيها

و طبعا بيطلع الجحساب و انت بتمضي عليه و بيكون مكتوب بالضبط الحساب اللي انت هتدفعه

فيه كمان نقطة مهمة جدا اللي صاحب الموضوع قلقان منها و قلقه في محله طبعا لان ممكن اللي اخد الكارت عشان يدفعله الحساب ياخد رقم الكارت و يشتري اي حاجة من النت بمنتهي السهولة
طبعا في حالة لو بتشتري حاجة لازم البائع بيتأكد من الصورة اللي علي الكارت ان الكارت ده بتاعك دي حاجة و الحاجة التانية هي التوقيع و لازم يضاهيه بالتوقيع اللي علي الكارت
اكيد كروت الائتمان غير مأمونة علي النت فلذلك نصيحة لا تشتري بيها حاجة او تدفع حاجة الا في موقع مضمون مليون في المائة و لجهة تخاف علي سمعتها زي مثلا المصرية للاتصالات كده - ممكن تدفع فاتورة التليفون بدون قلق
الشيئ التاني المهم لابد من تحري الشرعية في استخدام كروت الائتمان بمعني انه حرام شرعا سحب نقود من كارت الفيزا او الماستر لانه بيعد فوايد من اول ما تسحب و ده حرام طبعا لانه ربا صريح
ايضا بالنسبة لاستخدام الكارت في الشراء لازم تكون محدد ان البنك يخصم كامل المبلغ في نهاية فترة السماح التي تكون بدون فوائد اللي هي بتكون من 52 الي 56 يوم حسب نظام البنك اللي بتتعامل معاه

محمد فهمي