انا يا جماعة ناوى اشترى عربية عن طريق شركة كونتاكت و لكن شرط التوكيل العام بالسيارة مقلقنى يا ترى فى حد شارى منهم يقدر يطمنى
ارجوا الرد سريعا لانى على وشك انهاء التعاقد
عرض للطباعة
انا يا جماعة ناوى اشترى عربية عن طريق شركة كونتاكت و لكن شرط التوكيل العام بالسيارة مقلقنى يا ترى فى حد شارى منهم يقدر يطمنى
ارجوا الرد سريعا لانى على وشك انهاء التعاقد
متابع باهتمام
لانى انوى اجيب عربية من عندهم بالنظام الاسلامى اللى عاملينو بس مش فاهم موضوع التوكيل ده
التوكيل العام يبديهم الحق فى بيع السيارة لانفسهم أو للغير فى أى لحظة .. فى حالة عدم السداد وان كان هذا البند غير مذكور طبعا فى التوكيل ...
يعنى انت وذمة الشركة ...
بس اعتقد ان فى عقد اتفاق فيما بينك وبين الشركة ومنصوص انك عملت توكيل لهذا الغرض ...
مفيش مشكلة لو عملت التوكيل
بس بشرط
يكون مكتوب فيه " ييكون للشركة الحق في بيع السيارة لنفسها أو للغير ...في حال عدم سداد الأقســــاط "
يعني يكون توكيل مشروط
وطبعا تحتفظ بوصولات دفع الأقســـــــــــــــاط
وربنا معاك
اعرف اكتر من واحد شارى قسط
من شروط البنك صاحب العربية يعمل توكيل لصالح البنك فى التصرف فى السيارة فى حالة عدم سداد القسط
للاسف مافيش حاجة فى التوكيل بتقول فى حالة عدم السداد و مافيش حاجة فى العقد اللى بينى و بينهم بتشير للتوكيل
ماحدش يعرف اى شخص شارى من كونتاكت يطمنى من ناحيتهم
مساء الخير،
من شروط التوكيل الرسمى العام ألا يكون مشروطا و لذلك فأغلب التوكيلات لا تذكر فيها البيانات التفصيلية للسيارة (أى لا يكتب رقم الموتور أو اللوحات و خلافه) بل تذكر عبارة مثل "توكيلا عاما فى بيع كافة السيارات ماركة... موديل..."
حضرتك بتشترى من شركة كبيرة مش واحد فى الشارع، و المسائل القانونية لا يكون فيها "فصال." كل ما عليك هو الاحتفاظ بايصالات السداد أو الاشعارات البنكية فى حالة السداد عن طريق التحويلات المصرفية و لا تقلق.
يعنى يا جماعة مفيش حد اشترى او يعرف حد اشترى من كونتاكت قادر يريحنى او يطمنى
اعتقد ان البنك كنظام افضل واكثر امانا ونظام من الشركات الخاصة حتى ولو فيه توكيل عام فى البنك لانه فيه نظام يحكم البنوك واعتقد انك لم تسمع من قبل بنك اتخذ اجراء ضد واحد منتظم وفى الاخر استخير الله .
لك جزيل الشكر على تعقيبك لكن بصراحة انا بحثت فى كل نظم التقسيط الموجودة فى جميع الاماكن و البنوك ملقيتش نظام اسلامى حقيقى زى نظام كونتاكت و دة اللى مخلينى متمسك بيهم بس نفسى حد يريحنى يكون اتعامل معاهم قبل كدة او يعرف حد قريب منة اتعامل معاهم و عدت مدة القسط على خير
مديري في الشغل شاري منهم
وبيشكر فيهم جدا وده للامانه نقلا عنه
ومفيش مشاكل خالص معها وبقاله 3 سنتين
علشان النصب و السيطره الجشعه دى انا اشتريت على أد فلوسى و جبت استعمال ,
السلام عليكم
انا عضو جديد فى المنتدى و قرات بعض الموضوعات فيه و كانت جميلة جدا جدا
انا اشتريت عربيتى من كونتكت من سنة و نصف , حتى الان الناس محترمة جدا و هما الى عملولى ترخيص العربية اول مرة و ادونى جواب التجديد ببساطة فعلا
انا عملت لهم التوكيل و ده شرط اساسى عندهم