عايز منكم مقارنه بين الافيو و الرينو

لقد قمت بشراء فيرنا 2007 و قبل ما تكمل معايا 7 الاف كيلو في الصحراوي انفجر الاطار الاماي الايس التالف اساسا قبل تركيبه من قبل غبرو مصر و لعدم التكافؤ ما بين قوة الماتور ووزن الصاج الخفيف جدا انقلبت السياره في الرمال واصبحت كعلبة الكانز المطبقه والحمد لله خرجنا منها سالمين حمدا لله و لكني اتعقدت من اي عربيه تقفيل مصري
المهم انا عايز رايكم انا عايز اجيب عربيه من تاني ومحتار في الاختيار ما بين الافيو و الرينو كليو و هما في نفس الفئه ،
بالنسبه للافيو ازاي اعرف اللي صناعتها و تقفيلها كوري من المصري انا عارف انها عاليه ومناسبه لشوارع مصر
اما بالنسبه للرينو هل هي فرنسية الصنع و ما اخبار ارتفاعها و اسعار قطع الغيار و مدي توافرها عايز كدا مجهود و العباقره بس ياريت يبقي كلام صادق و صحيح و شكرا

على فكره اى عربيه جديدة لو اتقلبت هتبقى زى ما حضرتك بتقول علبة كانز مطبقه ، بس المهم انها بتحافظ على سلامة الركاب
المهم الف سلامه عليك والحمد لله انك بخير انت والاسرة
الكليو جميله بس انا معنديش تفاصيل اوى عنها

الكليو عربيه مش وحشه ولكن في احسن منها في نفس الفئة
بس لو مش هتفرق معاك المصاريف الغاليه بتاعتها وكثرة الصيانة وضيق الكنبه الخلفيه وعدم راحة الكراسي الامامية في السواقه يبقى مفيش مشكلة

وهل ممكن اختيارات تانيه ورينج الفلوس كام

ان كنت عمل دراسة للعربيات دي لأن جبنا واحدى منهم و التانية كانت في بالنا برده

بالنسبة للشكل .. الأفيو تكسب

و لكن العربية نفسها ناقصها كماليات كتير .. يعني الازاز الكهربا ادام بس .. مفيش ورا .. اكر عادية .. مفيش ريموت للسنتر لوك .. و التابلوه بتاعها انا شايف انه عادي جدا .. يعني العربية حلوة من برة بس من جوة متديش سعرها .. و هي كوري و تقفيل مصري .. 1500 سي سي

الكليو .. الصالون بتاعها اضيق شوية من الافيو و صغير بالنسبة لحجم العربية .. مكان التحكم في الازاز الكهربا الخلفي غبي شوية ( ورا فرامل اليد ! ) و جنب السواق فيه تحكم في الازاز بتاعه و اللي جنبه بس .. الكلاكس تقيل شوية .. الكنبة اللي ورا تاخد 3 بس مش مستريحين .. بس من مميزاتها انها فيها فرامل Abs و فيها وسادة هوائية للسائق .. السحب و الثبات بتوعها ممتازين .. مبستهلكش بنزين كتير .. شكلها حلو برده .. و صناعة و تقفيل فرنسي .. 1400 سي سي 75 حصان .. بتتسلم من غير كاسيت ( مش عارف ليه ! ) .. عزل الصوت ممتاز و صوت الموتور منخفض

اتمني اكون قدرت افيدك

شكرا لكل الاخوة الاعضاء علي ردودهم وتعبهم يا اخ dehumanizer عندك فكره عن ارتفاع السياره عن الارض هي ولا الافيو احسن بالنسبه للافيو انا خايف من التقفيل المصري
بالنسبه للفيرنا تقفيلها سئ وده عقدني من التقفيل المصري ، بالنسبه لامكانيات الفلوس من سبعين لثمانين انا باكمل بقرض من البنك ( و بالمره ايه افضل البنوك اللي بتدي باقل فوائد )
و شكرا لكم جميعا

اكيد بتفرق من عربية لعربية حتي لو الاتنين تقفيل مصري و انا شايف الافيو تقفيلها حلو .. بس لو انت متعقد من التقفيل المصري ببساطة ريخ دماغك و هات عربية مستوردة .. لأن لو حد اقنعك بعربية متقفلة في مصر و قالك انها ممتازة و حتي اثبتلك حتي بالدليل القاطع انها مفيش زيها .. هتجيبها بس هتفضل قلقان منها لأنه موضوع نفسي .. فا ريح نفسك و دماغك و ابعد عن المصري عشان تبقي مستريح نفسيا و تفرح بالعربية

بالنسبة للعربيات اللي ما بين 70 و 80 لو مش هيفرق معاك الشنطة فيه السيريون .. عربية ياباني و ممتازة سواء كماليات او تقفيل او استهلاك مثالي للبنزين .. و فيه الهيونداي جيتز تقريبا نفس كماليات السيريون عدا ان الكاسيت بتاعها عادي مش سي دي .. و انها كوري مش ياباني و 1600 سي سي ينما السيريون 1300 بس

بالنسبة للسيدان .. ارشح الكليو هي عربية حلوة لو انت مش هيهمك عيوبها اللي هي قلتلك عليها .. و بالنسبة لأرتفاعها عن الارض فا هو مناسب .. مبتحكش في مطبات و انا بمشي في شوارع مكسرة كتير مقابلتش مشاكل .. و هي اقل ارتفاعا عن الارض من الافيو .. لو تقدر تزود شوية فيه الجين تو و الياريس

موضوع البنوك بقي .. اعتقد بنك ناصر اقل فائدة ( 6 % فقط ) بس بنك ناصر فيه حاجة انه بيحسب 2% زيادة علي سعر العربية قبل ما يخصم المقدم ..

يعني لنفرض مثلا عربية تمنها 100 الف جنيه .. بيحسب سعرها عالورق 102 الف .. بيزود اتنين في المية .. و لو انت دفعت مقدم 70 الف .. يتبقي 32 الف دول اللي يحسب عليهم الفايدة 6% مركبة

و اعرف ان سيتي بانك الفايدة بتاعته 9%

انا اختلف تماما ان الكليو فرنساوي حيث انها تركي وحاجات كتير بداخلها تركي
واختلف ان عزلها جيد لا
عزلها سئ وليس بجيد خالص ولما بتعدي المائة كيلو الهوا بيعملك دوشه في دماغك

العزل بصراحة انا شايف انه كويس خصوصا ان بطلع عالمحور كتير .. أما بقفل الازاز بنفصل عن الطيق خالص ..و عموما الخلاف لا يفسد للود قضية :)

و موضوع التركي ده الصراحة انا اتصدمت فيه ! لأن انا كنت فاكرها كلها فرنساوي و مسألناش في التوكيل حتي لأن في الاعلان مكتوب "اوروبية 100%" و كنت فاكر ان قصدهم فرنسا بأوروبا يعني مش تركيا زي ما طلع !!

شكرا للتصحيح يا ابو عبد الله عشان محدش يقع في نفس سوء الفهم مرة تانية

ممكن تكون عربيتك لسه جديده
لكن انا لي قريب معاه 2003 بصراحه عزلها زفت اقل ما يقال عليه بالنسبة لعربيه في تمنها
وبصراحه تكاليف صيانة هذه السيارة اكبر بكثير من ثمن السيارة
يعني لا يوجد توافق بينهم
لأن التكاليف تعتبر تكاليف عربيه ثمنها اكبر من 120 الف وانت طالع
بل كمان في عربيات مثل الكورولا تكاليفها ليست مثلها بل اقل منها كمان

هي فعلا اللي معايا الكلاسيك الجديدة .. 2007

اخلف معاكم فى الرأى
انا بمشى بالعربيه على 130 وقافل الزجاج ومش حاسس بالطريق خالص
العربيه تفقيل تركى صناعه فرنساوى ومعظم القطع الموجوده بداخل السياره فرنساوى بدليل عدم وجود قطع غيار تركى لها بل الاصلى فرنساوى والتقليد ايطالى
انا شايف ان الكليو ممتازه بس هى ممكن تكون مش مناسبه لبعض الناس

اقتباس:

---

المشاركة الأصلية كتبت بواسطة أبو عبدالله

الكليو عربيه مش وحشه ولكن في احسن منها في نفس الفئة
بس لو مش هتفرق معاك المصاريف الغاليه بتاعتها وكثرة الصيانة وضيق الكنبه الخلفيه وعدم راحة الكراسي الامامية في السواقه يبقى مفيش مشكلة

وهل ممكن اختيارات تانيه ورينج الفلوس كام

---

يقصد عربية سيئة
:K15::K15::K15::K15::K15::K15:

اقتباس:

---

المشاركة الأصلية كتبت بواسطة limo

اخلف معاكم فى الرأى
انا بمشى بالعربيه على 130 وقافل الزجاج ومش حاسس بالطريق خالص
العربيه تفقيل تركى صناعه فرنساوى ومعظم القطع الموجوده بداخل السياره فرنساوى بدليل عدم وجود قطع غيار تركى لها بل الاصلى فرنساوى والتقليد ايطالى
انا شايف ان الكليو ممتازه بس هى ممكن تكون مش مناسبه لبعض الناس

---

+111111111111111111111111111111111111111111
مش هقول لحد 170كم/س كمان الثبات عامل ازاى؟

اقتباس:

---

المشاركة الأصلية كتبت بواسطة MoToRiZeR

الكليو .. .. الكلاكس تقيل شوية .. الكنبة اللي ورا تاخد 3 بس مش مستريحين .. بس من مميزاتها انها فيها فرامل Abs و فيها وسادة هوائية للسائق .. السحب و الثبات بتوعها ممتازين .. مبستهلكش بنزين كتير .. شكلها حلو برده .. و صناعة و تقفيل فرنسي .. 1400 سي سي 75 حصان .. بتتسلم من غير كاسيت ( مش عارف ليه ! ) .. عزل الصوت ممتاز و صوت الموتور منخفض

---

مشكور بس
صناعة فرنسية تقفيل تركى

افيو تكسب طبعاااااااااااااااااااااا ااااااااااااااااااا