الموضوع: الي سمع شريط اليسا الجديد عاوز اراكم

انا فعلا مش عارف لية سخنتو على الراجل

انا راى ان الشريط جامد جدا جدا و كل الأغانى حلوة

المشاركة الأصلية كتبت بواسطة sab3aawy

برضه انا من انصار ان الراجل مرتكبش جريمة، واحد له اهتمامات معينة سأل فى محفل عام عن رأى من يشاركه فى الإهتمامات وانا شايف انه لم يتعدى على حرية اى حد بهذا السؤال حتى لو كان هذا الحد له اهتمامات من نوع تناى ، يبقى ليه ننصبله المشانق

بالمناسبة انا من غير المهتمين بأليسا او بغيرها واخر اغنية ركزت معاها فيها كانت اغنية اسمها بدى دوب عملتها من 12 سنة ايام بدايات شبابى وبعد كدة اسمع الناس تقول اليسا اليسا لكن معرفش هى بتعمل ايه بالضبط ،لكن فى نفس الوقت زى ما انا شايف انى من حقى اتكلم فى اهتماماتى التى قد تهم البعض وقد لا تهم الآخرين واللى مهتم بها بتفاعل معايا واللى مش مهتم بها لا يتفاعل معايا ، فانا مش مقتنع انه من حقى انى اعيب فى اهتمامات الآخرين لو انها لا تماثل اهتماماتى، طالما قبلنا مساحة من الحرية فى هذا المنتدى يبقى نقبلها فى كل الإتجاهات وليس فى اتجاه واحد وإلا فإنها لا تصبح حرية اصلا،

يسلم فمك (بقك يعنى :D) على الكلمتين الحلوين دول ... :)

ياجماعة إنتوا اللي ليه سخنتوا قوي كده ؟؟!!
أنا قلت رأيي - وأعتقد لم يخل من التزام آداب الحوار - والراجل تقبل الكلام
يعني انا معلقتش مشانق ولا حاجة ..دا حتى لم أطالب بإهادر دمه هههههههه:d
وطالما بنتكلم على الحرية ..يبقى حقي أنا كمان إني أقول رأيي حتى وإن كام مخالفاً
قال رسول الله (ص) مامعناه " من رأى منكم منكراً فليغيره .." إلى آخر الحديث الشريف
الاختلاف هنا هو في تفسير كلمة منكر ..فحين نتحدث عن شخصية أقل مايُقال عنها أنها غير مُحتشمة .. شخصية قد يكون لها تأثير سلبي عليا أو على ابني أو ابنك أو بنتي أو بنتك أرى أن هذا منكر ولا يجب الترويج له
وهناك من يرى عكس ذلك وله كامل الاحترام وحسابي وحسابه على الله
وأكتفي بهذا حتى لا يطلع أحدهم فيقول " إنتوا كل حاجة هاتقلبوها دين " وهى مقولة باطل يُراد بها باطل .
أكرر إني مش شايف إن في مشانق اتنصبت ولا حاجة ..الموضوع هو في تضاد الآراء مع التمسك بالاحترام الكامل بيننا جميعاً.

المشاركة الأصلية كتبت بواسطة وائل عطية

ياجماعة إنتوا اللي ليه سخنتوا قوي كده ؟؟!!
أنا قلت رأيي - وأعتقد لم يخل من التزام آداب الحوار - والراجل تقبل الكلام
.

انا راجعت كل الردود ومالقيتش ان فيه حد لمح انك اخليت بآداب الحوار لا سمح الله ولا اظن ان هذا خطر ببال احد،

وفى نفس الوقت فيه ناس ايدتك فى رأيك وفيه ناس كان لهم رأى آخر وبرضه لم يخل احدهم بآداب الحوار

يعنى فى النهاية محدش حجر على رأيك لكن زى ما انت قلت رايك فى الشريط الأصلى فى ناس قالوا رايهم فى رايك ذاته كان منهم من ايدك ومنهم من عارضك مع الإشادة بالتزام الجميع بآداب الحوار، يبقى انا مش شايف ان فيه بروبليم فاختلاف الرأى لا يفسد للود قضية، او ان هذا ما أظن

اغنية أكثر من رائعة. وهي عبارة عن مزيج من الإبداع بين الشعر واللحن والتوزيع. التعبيرات التصورية في الكلمات أكثر من رائعة وترسم صورة في ذهن المتلقي بعفوية وتلقائية. أنا لم أسمع شعر "تصويري" بهذه الروعة منذ غنى منير "في بلدي البنات"..أما عن المطربة فلا تعليق