عاوز اراكم بالنسبه لاغنيه اواخر الشتا
عرض للطباعة
عاوز اراكم بالنسبه لاغنيه اواخر الشتا
ماسمعتوش ومش ناوي00 شكرا
ماشاء الله فى شباب هذا المنتدى (احلى منتدى دخلتوا من حيث الناس المشتركة فيه)
ربنا يبارك فيهم و فى الجميع
انا اسف يا جماعه و الله مقصد خالص
بس هيا اغنيه و عجبتني كنت عاوز اعرف اراء الناس فيها مش بروج ليها و الله
أيه يا جماعه مالكوا فى أيه انتوا سخنتوا على الراجل كده ليه
الراجل بياخد رأى اللى سمع الاغنيه مش بيقولكوا اسمعوها
عموما الشريط جامد جدا و أحسن أغانى بتعجبنى فيه شخصيا أيامى بيك و أواخر الشتا و اديك عرفت و خد بالك عليا
و ياريت يا جماعه متكبروش الموضوع من غير لزمه الراجل مغلطش انه بياخد رأينا فى أغنيه عجبته
يا سيدى بتعتذر ليه إنت معملتش مصيبة يعنى :confused: ... إنت كل اللى عملته إنك سألت على أغنية
و فى ناس مش بتحب الأغانى ... مش مشكلة ... عادى :cool:
أنا عن نفسى سمعتها و كانت حلوة بصراحة و الشريط كله عجبنى و بسمعه و أنا بذاكر ... بس بوطى الصوت على الأخر عشان أركز فى اللى قدامى ;)
أنا كنت باسمع اليسا أيام زمااان أيام العز و الفضا :)
دلوقتي هي اسطوانة واحدة بتكر في العربية بقالها كام شهر فيها من كل حته حاجة علشان تحرق الوقت على الطريق و خلاص
فعلا الاغنيه من اجمل اغانى الالبوم
بس انا عايز اسال على حاجه فى اغنيه اسمها بتمون يعنى ايه بقى لو فى حد لبنانى يترجم:confused:
متهيألى يعنى ان بتمون دى يعنى بتحط بنزين فى التنك، او ممكن يكون جاز حسب نوع العربية، دا باعتبار اننا هنا منتدى سيارات فده التفسير اللى جه على بالى :) :) :)
برضه انا من انصار ان الراجل مرتكبش جريمة، واحد له اهتمامات معينة سأل فى محفل عام عن رأى من يشاركه فى الإهتمامات وانا شايف انه لم يتعدى على حرية اى حد بهذا السؤال حتى لو كان هذا الحد له اهتمامات من نوع تناى ، يبقى ليه ننصبله المشانق
بالمناسبة انا من غير المهتمين بأليسا او بغيرها واخر اغنية ركزت معاها فيها كانت اغنية اسمها بدى دوب عملتها من 12 سنة ايام بدايات شبابى وبعد كدة اسمع الناس تقول اليسا اليسا لكن معرفش هى بتعمل ايه بالضبط ،لكن فى نفس الوقت زى ما انا شايف انى من حقى اتكلم فى اهتماماتى التى قد تهم البعض وقد لا تهم الآخرين واللى مهتم بها بتفاعل معايا واللى مش مهتم بها لا يتفاعل معايا ، فانا مش مقتنع انه من حقى انى اعيب فى اهتمامات الآخرين لو انها لا تماثل اهتماماتى، طالما قبلنا مساحة من الحرية فى هذا المنتدى يبقى نقبلها فى كل الإتجاهات وليس فى اتجاه واحد وإلا فإنها لا تصبح حرية اصلا،
انت مشكله :Dاقتباس:
متهيألى يعنى ان بتمون دى يعنى بتحط بنزين فى التنك، او ممكن يكون جاز حسب نوع العربية، دا باعتبار اننا هنا منتدى سيارات فده التفسير اللى جه على بالى
انا فعلا مش عارف امسك نفسى من الضحك :D
انا والله بتكلم بجد فى اغنيه بالاسم ده و فعلا مش عارف معناها
انا فعلا مش عارف لية سخنتو على الراجل
انا راى ان الشريط جامد جدا جدا و كل الأغانى حلوة
اللى عاوز يسمع اليسا هو حر .. اللى عاوز يسمع تواشيح هو حر .. اللى مش عاوز يسمع هو حر !
بديهيه !!
خلاص جبت المعنى بتمون يعنى تأمرنى او تتحكم فيا و العهده على احد المواقع
ياجماعة إنتوا اللي ليه سخنتوا قوي كده ؟؟!!
أنا قلت رأيي - وأعتقد لم يخل من التزام آداب الحوار - والراجل تقبل الكلام
يعني انا معلقتش مشانق ولا حاجة ..دا حتى لم أطالب بإهادر دمه هههههههه:d
وطالما بنتكلم على الحرية ..يبقى حقي أنا كمان إني أقول رأيي حتى وإن كام مخالفاً
قال رسول الله (ص) مامعناه " من رأى منكم منكراً فليغيره .." إلى آخر الحديث الشريف
الاختلاف هنا هو في تفسير كلمة منكر ..فحين نتحدث عن شخصية أقل مايُقال عنها أنها غير مُحتشمة .. شخصية قد يكون لها تأثير سلبي عليا أو على ابني أو ابنك أو بنتي أو بنتك أرى أن هذا منكر ولا يجب الترويج له
وهناك من يرى عكس ذلك وله كامل الاحترام وحسابي وحسابه على الله
وأكتفي بهذا حتى لا يطلع أحدهم فيقول " إنتوا كل حاجة هاتقلبوها دين " وهى مقولة باطل يُراد بها باطل .
أكرر إني مش شايف إن في مشانق اتنصبت ولا حاجة ..الموضوع هو في تضاد الآراء مع التمسك بالاحترام الكامل بيننا جميعاً.
انا راجعت كل الردود ومالقيتش ان فيه حد لمح انك اخليت بآداب الحوار لا سمح الله ولا اظن ان هذا خطر ببال احد،
وفى نفس الوقت فيه ناس ايدتك فى رأيك وفيه ناس كان لهم رأى آخر وبرضه لم يخل احدهم بآداب الحوار
يعنى فى النهاية محدش حجر على رأيك لكن زى ما انت قلت رايك فى الشريط الأصلى فى ناس قالوا رايهم فى رايك ذاته كان منهم من ايدك ومنهم من عارضك مع الإشادة بالتزام الجميع بآداب الحوار، يبقى انا مش شايف ان فيه بروبليم فاختلاف الرأى لا يفسد للود قضية، او ان هذا ما أظن
اغنية أكثر من رائعة. وهي عبارة عن مزيج من الإبداع بين الشعر واللحن والتوزيع. التعبيرات التصورية في الكلمات أكثر من رائعة وترسم صورة في ذهن المتلقي بعفوية وتلقائية. أنا لم أسمع شعر "تصويري" بهذه الروعة منذ غنى منير "في بلدي البنات"..أما عن المطربة فلا تعليق
ولحد هنا ...كده حصل الترويج ..........برافو يا معلم......... بدأت بسيطة وانتهت بجذب انتباه الناس لسماع الست اليسا......او اليسار (الاسم الاصلى)...............
انا عجبني اغنيتين اسمهم لو ما تيجي - اديك عرفت
يا ساتر :eek: ...كيف حدث هذا !!! ... كلا لن نروج لمثل هذه المغنية اللى أستغفر االله العظيم :mad:
يا سيد معتز حضرتك لا ترويج ولا حاجة ...... الأغنية لا تحرض على الفساد لا سمح الله ولا فيها كلام وحش
و كمان دول قالولك هيسمعوا الأغنية مش هيشوفوا الفيديو كليب :D
حضرتك مش بتحب الست اليسار ... متسمعلهاش حاجة ولا حتى تبصلها ..... دى حتى شكلها مش حلو
نفسي اعرف ايه اللي بيعجبكوا في الاغاني دي :(
حتي جداا بطيئه و كلها بتتكلم في موضوع واحد مفيش غيره ابدااااااااااااا
لدرجه الملل :(
انا شخصيا لا بحب اليسا ولا amon amarth .. بس اللي يعمل اغنية كويسة هسمعها يعني
علي الاقل ناس بتفكر في مواضيع تانيه اساسا غير الحب :dاقتباس:
حوش يا خويا العك و الديدان و الناس الميتة الي انت بتسمعهم:P
يعني في اغنيه عربي او حتي كلام واحد بيتخيل نفسه انه بيتاكل !!!
اقتباس:
انا شخصيا لا بحب اليسا ولا amon amarth .. بس اللي يعمل اغنية كويسة هسمعها يعني
معقول !!!
انا مش مصدق
الله عليك اخيرا لقيت واحد عرف امون امارث :D
علي كدا انت مثقف زيي في الميتال :D
مش الميتال بالذات يعني .. انا بسمع كل حاجة من cannibal corpse لحد chuck berry و الفيس في السيتينات و انت نازل .. و بسمع house برده .. المهم تبقي الاغنية حلوة مش مهم مين عاملها او ال genre بتاعتها ايه ..
والله يا رجالله أنا الحمد لله معدتش بحب أسمع أغانى من يجى كده سنتين وذياده
والحمد للله أنا معايا أسطوانات لعده قراء محببين الى مثل الشيخ
ماهر المعيقلى
أو بسمع أذاعه القرأن الكريم