استفسار عن ال 405 برستيج (أخوكم من قسم فولكس)
السلام عليكم يا وحوش البيجو,
أخوكم أحمد عبد الرحمن من قسم الفولكس كنت أمتلك سيارة بورا أتوماتيك و لكن لظروف هتكلم عليها بعدين بالتفصيل, أنا محتاج ابص على سيارة عملية حمالة قسية (بسعر مرتاح) و فى نفس الوقت محسش انى نزلت جامد فى الركوبة.
و كنت بقرأ شوية اعلانات و لقيت أسعار ال 405 برستيج مغرية و بدأت استفسر عنها و قريت شوية مواضع مكتوبة عليها, طبعا موتور 2000 مغرى لكن معرفش موقف الفتيس الأتوماتيك ايه (انا عندى علم بمشاكل فتيس ال 406 و ده الخوفنى أركبها رغم ان كان فى مقدورى أجبها بدل البورا بس الحمد لله على كل شىء) و حاليا ماليا مش فى امكانى اركب ال 406 ولا البورا كمان :brn:.
طيب غير الفتيس هل فى مشاكل بعينها من السيارة, هل هى فقيرة من جوا لأنى بصراحة مشوفتش صورها من جوه, و ال 405 العادية بحس انها فقيرة حبتين, و ايه موقف استهلاك البنزين, و أسعار قطع الغيار (و ماظونش ديه تقلق لأنى نازل من بورا و أسعارها دبح حبتين), و لو عاوز أكشف على عربية أبص عليها فيين, و أخيرا بمقارنتها ب أوبل فيكترا (96 - 98) 2000 سى سى ترشحوا ايه (بخاف من الاوبل بردو).
و أخيرا متوسط اسعار الأتوماتيك بتاعها يعمل كام.
و شكرا مقدما لكل من سيقدم المشورة
