الله ينور عليك يا محمد بجد ردود رائعة
عندي فقط اضافة وحيدة وهي ان نفس المحرك ال 1600 ال 105 حصان ده هو اللي بينزل في الجيتا والاوكتافيا وبيكون قدرته عليهم 102 حصان وده بسبب فرق حجم ووزن العربية وده علي حد علمي ومعرفتي والله اعلم
عرض للطباعة
الله ينور عليك يا محمد بجد ردود رائعة
عندي فقط اضافة وحيدة وهي ان نفس المحرك ال 1600 ال 105 حصان ده هو اللي بينزل في الجيتا والاوكتافيا وبيكون قدرته عليهم 102 حصان وده بسبب فرق حجم ووزن العربية وده علي حد علمي ومعرفتي والله اعلم
لا يا باشمهندس ايهاب , مش نفس المحرك... :11:
ممكن الله أعلم
للتأكد من الموضوع ده محتاجين نشوف كلا المحركين والسيارتين للمقارنة برقم المحرك
لكن انا علي حسب معلوماتي ان فولكس بتعمل توحيد للمحركات في كل سياراتها لكل المجموعة ( فولكس - اودي - اسكودا - سيات )
والدليل علي ذلك ان الابيزا والليون بتنزل برة مصربنفس المحرك 1400 tsi اللي بينزل هنا في الباسات وكذلك الموديل الجديد ibiza st هينزلوها بالمحرك 1200 سيسي tsi بقدرة 105 حصان وهو نفسه هينزل في البولو والجولف كاختيار
لكن برضه الله اعلم الأكيد فين.. لأننا محتاجين مقارنة بين المحركين علي الطبيعة عشان نتأكد انهم زي بعض او لأ
سلام عليكم ... أرجو يكون الرد وافي
- طلب التسعير ملوش إجابة جازمة عندي .. هي كانت ب 115 ساعة ما جبتها و طالما ماشية 5 الاف كيلو بس بتعتبر كسر زيرو و دي عرض و طلب بس ممكن نقول في حدود ال 100 ألف زائد أو ناقص 5 ألاف جنيه حسب التفاوض.
- الكوردوبا 2009 مفيهاش كمبيوتر رحلات .. فقط عداد إجمالي الكيلومتر و عداد أخر رحلة.
- سحب العربية مع التكييف تقريبا هو هو لكن مع زيادة معدل استهلاك البنزين و تحتاج للضغط مشوار أكثر قليلا عن المعتاد في حالة عدم تشغيل التكييف. يعني ممكن نقول إن تأثيره ضئيل لكن ممكن تلغي تأثيره باستهلاك أعلى للبنزين للحصول على نفس التسارع.
- تكييف العربية ممتاز.
- عفشة العربية ممتازة.
- استهلاك البنزين مع التكييف بيعمل من 220-260 كم في الصفيحة (20 لتر) و بدون تكييف العربية عملت معايا حوالي 780كم في حوالي 42 لتر رغم إني كنت محمل 5 في العربية و في طريق سفر و الدائري .. في العادي إنت بتحتاج تمون كل 500 كم لما بيبقى فاضل اكتر من ربع التانك تقريبا (التانك سعته 45 لتر).
- الاتوماتيك بتاعها 6 نقلات .. فتيس رائع و لا يوجد في السوق ما هو أفضل إلا الفتيس الجديد ذو ال 7 نقلات
- عند سرعة 120 الأر بي إم بيكون عند 2800 لفة تقريبا.
- العربية ممتازة في ثباتها .. حتى إطارتها متشلان Asymmetric يعني ثبات أفضل في الملفات و المنحنيات بسبب عدم تماثل النقشة بين داخل و خارج الاطار.
- أسعار قطع الغيار عادية جدا زيها زي العربيات الياباني و الكوري (الأصلي) بل إن بعض قطع الغيار أرخص من نظيرتها اليابانية و الكورية. تيل الفرامل ب 280 جنيه -حسبما أتذكر- ألماني أصلي.
- قطع غيارها متوافر في محلات الفولكس و السيات لأن كل قطع الغيار فولكس.
- فرامل العربية ممتازة.
- جنوط العربية 15 طاسات.
- العربية مصفحة من تحت.
- الموتور نفس موتور الجيتا و نفس موتور الفابيا 1600.
- لو الجيتا فيها نفس الفتيس ذو ال 6 سرعات يبقى هو لكن لو كان 4 سرعات يبقى الفتيس ده أفضل .. الفتيس و الموتور فولكس فاجن.
- المرايات الجانبية كهرباء لكن مش ضم اوتوماتيكي.
- المالتي فانكشن كاسيت فقط.
- الحرارة بمؤشر مع لمبة و صوت تحذير.
- العدادات لونها أحمر .. رائع في المساء.
- الكنبة ما تعتبرش واسعة و العملية نسبية .. لكن تاخد 2 بالغين + طفل بشكل مريح.
- طبعا دي أزواق .. و كان قدامي نفس الاختيارات لكن فضلت الكوردوبا لأنها ألماني قلبا و أسباني قالبا و بصراحة فتسيها المميز جدا و جودة خامتها و أسعار قطع غيارها (مقارنة بالاخرين في نفس الفئة) رجح عندي الكوردوبا.
- أي معلومات زيادة عندي هتلاقيها في التقرير اللي التوقيع.
- بجد كتر خيرك ومتشكر على ردك العملى ده اوىىى
- بصراحة حاجة كويسة جدا لما يكون الفتيس 6 سرعات ولما بيكون العربية على سرعة 120 مبيكملش ال3000 فى الار بى ام , اعتقد صوت الماتور كمان بيكون هادى ومرتاح على السرعة دى ومعنى كدا انها حتدى اكتر من كدا بكتير لسه
- الكنبة اللى فى الكوردوبا نفس مساحة الكنبة اللى فى البولو اللى معايا ولا اكبر منها
- هو الباور بتعها كهرباءولا عادى
- ايه رايك فى قوة الماتور مقارنة بماتور الالنترا والسيراتو والتيدا , مش موضوع ال6 نقلات دى بتعطى راحة للماتور واستهلاك اقل فى البنزين عنهم
- محتاجين منك تقرير عملى حديث على العربية بعد صيانة ال5000 ونعرف انطباعك ايه عن العربية وبالصور
- ومتغبش عنا كتير بعد كدا
- انا كنت بعت لحضرتك على الخاص لانى عاوز رقمك ده بعد اذنك
يعنى ماتورها مش ماتور الجيتا
هيه العربيه لونها أيه ؟
أنا بضور على العربيه دى فى كل حته
ممكن لو مش هتشتريها تدلنى على العايز يبعها
و لو ناوى تشتريها يبقى مبروك عليك يا باشا
العربية موجودة فى ContactCars