يا جماعة حد يقولى ده فعلا بسبب انه ظبط الكهرباء او علاها فخلى الاستهلاك زاد وكذلك الحرارة والمارش مابيلقطش بسرعة لانى بفكر اروح للميكانيكى يظبط الكهرباء
عرض للطباعة
يا جماعة حد يقولى ده فعلا بسبب انه ظبط الكهرباء او علاها فخلى الاستهلاك زاد وكذلك الحرارة والمارش مابيلقطش بسرعة لانى بفكر اروح للميكانيكى يظبط الكهرباء
مش عارف اقولك ايه بصراحة .. ربنا يكون في عونك .. وحاول تشوف حد بره يظبطلك العربية بلا توكيل بلا كلام فارغ .. طالما هو بالسوء ده .
بس بصراحة ومتزعلش مني .. أنا مت على روحي من الضحك :pointi~2[2]: من الجزئية دي .. وفعلاً شر البليه ما يضحك .. وحسبي الله ونعم الوكيل فيهم .. هما بيتلككوا ولا أيه !!
كان الله فى عونك و موضوع الفرش ده يضحك فعلاً لكن من حقك ترجعلهم و تنقلهم مشاكل الوضع الحالى ليتعاملوا معها
انا فعلا حصل معايا كدة فى العربية لما رجعت من التوكيل و حاسس انها بقت قديمة و غيروا الحاجة اللى فيها بحاجات قديمة
اولا انت شكلك غلبان لو كانوا قالوا فرش بعد يومين علشان نفكهولك. كنت تطلبلهم البوليس في ساعتها و تشرشحلهم لحد ميقولوا يا بس. ثانيا الفكره كلها ان التوكيلات اغلبها بتدي مرتبات وحشه للمهندسين و الفنيين فدايما الفني الكويس مبيعمرش و بيخلع يفتح ورشه او مركز صيانه لحسابه او شراكه . فدايما بيفضل فنيين صغيريين او مبيعرفوش حاجه و بيعكوا زي مبيعكوا و مفيش حد فاهم يقولهم انتوا بتعملوا ايه. رأيي ارجعلهم و قولهم انا مش حستلم العربيه الا لما ترجع زي الاول
انا بعد ماشديت معاهم اكتشفت انى وقعت فى عصابة والصراحة انا خوفت على عربيتى ليعملوا فيها حاجة ماحدش ضامن عشان كده قول تحسبى الله ونعم الوكيل وخلاص ومنهم لله
المهم حديفدنى موضوع انه كلبنزين وبتسخن اسرع وبتدور بعد فترة ممكن فعلا بب انهم علوا الكهرباء ودية حاجة بسيطة واى ميكانيكى يقدر يظبطها بسهولة ارجو الافادة
سيبك من التوكيل خالص
و الصيانه بره التوكيل سهله
ان شاء الله
اولا مع احترامي الكامل
سيادتك غلطان ... وماينفعش التعامل بلين في موقف زي ده
لازم كانوا يفكوا الفرش ... و يرجعهولك
سيادتك لازم توقع الاول علي المطالبة قبل ما يضيفها ... ده العرف .. وبما ان حضرتك ما وقعتش .. يبقي مالهمش حاجه عندك
دي نقطة
ثانيا
طبعا حضرتك بالذات علشان عربيتك ماروتي يعني بفضل الله سهلة ميكانيكا يعني
مش محتاجهم ... وميزة اقتصادية العربية هاتفقدها معاهم طبعا لو واظبت علي الصياعة الدورية ... اقصد الصيانة الدورية
بس بما انك استلمت العربية منهم بالعيب .. يبقي تروح تاني ... وماتتكلمش مع حد غير مدير الصيانة .. وتشرحلة العيب.. وتقولو حضرتك انا دفعت فلوس علشان ابوظ عربيتي عندكم .. ولا ايه رأيك ؟؟؟
وتفهمه ان حضرتك لو عربيتك ما اتصلحتش هاتبهدل الدنيا وهاتعمل 1000 شكوي ومحضر و مصيبة وانك مش سهل .. .. للأسف دي الطريقة الوحيدة علشان تاخد حقك .. وكمان للأسف ده البديل السليم .. حضرتك لازم تاخد حقك .. ويظبطولك العربية وبعدين اتصرف زي ما يعجبك..
تحياتي يا فندم
وطمنا عملت ايه
يا د . حسام حضرتك أنا لسة شارى ألتو وكنت عايز أعرف نصيحة أخوية لوجة الله حضرتك أروح أتعامل مع التوكيل فى الصيانات خاصة وأنا لسة ما عملتش صيانة الآلف يعنى أعملها برة هى وكل الصيانات ولا أية رئيك لآنى بصراحة مش واثق فيهم ولافى شغلهم ولامستأمنهم على العربية وخايف منهم . حاجة تانية هل الفلتر بتاع الزيت للألتو ممكن أشترية من التوكيل وأغير الزيت برة التوكيل وهل الفلتر موجود برة التوكيل وقطع غيار الآلتو هل موجودة برة التوكيل وما هى النصيحة
حاجة أخيرة للأخوية لو أنا عايز أدخل أتابع صيانة العربية بتعتى فى التوكيل وما أقعدش فى الآستراحة وأشوف اللى بيحصل فيها هل ممكن ولآ صعب . وربنا يسترها معانا جميعا
وجزاكم الله خيرا
ماحدش يا جمعاة يعرف ايه السبب فى زيادة استهلاك البنزين وهى دلوقتى بتعمل معاى 13 كم فى اللتر يعنى فى الصفيحة حوالى 260 كم ده كويس ولا لا