شاهين جديده 2008

**diesel** · 25-12-2007 04:07 PM

يا شباب
بعد التحيه و السلام اولاُ

انا لسه مستلم شاهين 2008 - 1400 سى سى جديده
و بقالها كام يوم و لقيت حاجات كنت عايز اسالكم فيها

لقيت ترشيح زيت على غطاء التاكيهات

لما ال rpm بيعلا عن 3000 rpm بحس زى يكون صوت مكتوم فى الشمكان او صوت كرونه - مش عارف احدد

كنت عايز اعرف ازاى اقدر احدد الحاجات دى قبل ما اروح التوكيل علشان ابقى عارف اللى المفروض يتم هناك
بدل ما يضحكوا عليا

**HRH_Sameh** · 26-12-2007 10:04 AM

بص هو المفروض ان العربية تتعامل كويس في الفترة الأولى يعني 1500 كم ع الاقل
الـ rpm ماتوصلوش 3000 اساسا حتى لو العربية واقفة
الفرامل تستخدمها بحنية واقل ما يمكن
يعني خليك ماشي بحنية وهدوء وماتزودش السرعة عن 80 - 90 وماتمشيش على سرعة ثابتة لمدة معينة ع الطريق

**tutankhamoun** · 27-12-2007 09:22 AM

المشاركة الأصلية كتبت بواسطة prsameh

بص هو المفروض ان العربية تتعامل كويس في الفترة الأولى يعني 1500 كم ع الاقل
الـ rpm ماتوصلوش 3000 اساسا حتى لو العربية واقفة
الفرامل تستخدمها بحنية واقل ما يمكن
يعني خليك ماشي بحنية وهدوء وماتزودش السرعة عن 80 - 90 وماتمشيش على سرعة ثابتة لمدة معينة ع الطريق

+100000000000
و برضه متحملش العربية بأحمال تقيلة في أول 1000 كم أو أول 1500
و خليك حنين عليها و أنا أعرف واحد صاحبي كان ماشي براحة خالص في عربية جديدة لغاية أول 5000 كم ما خلصوا
و ياوش ياوش عليها

**فادى** · 27-12-2007 11:47 PM

"يا شباب
بعد التحيه و السلام اولاُ

انا لسه مستلم شاهين 2008 - 1400 سى سى جديده
و بقالها كام يوم و لقيت حاجات كنت عايز اسالكم فيها

لقيت ترشيح زيت على غطاء التاكيهات

لما ال rpm بيعلا عن 3000 rpm بحس زى يكون صوت مكتوم فى الشمكان او صوت كرونه - مش عارف احدد

كنت عايز اعرف ازاى اقدر احدد الحاجات دى قبل ما اروح التوكيل علشان ابقى عارف اللى المفروض يتم هناك
بدل ما يضحكوا عليا"

بالنسبة لموضوع الزيت فأنت لازم تروح التوكيل تفحص لأنه حتى و لو كان الموتور جديد و عليت سرعته عن سرعة التليين مش مفروض يحصل كده, و لكن لو كان الموضوع تبخير يبقى عادى ده شىء طبيعى, و عموما اكشف عالزيت لو مقياس الزيت سليم و مفيش نقصان يبقى مفيش تسريب غالبا, لو الزيت ناقص يبقى روح عالتوكيل.
أما بالنسبة لموضوع الصوت المكتوم, فعموما الموتور لما يببقى جديد بيبقى مكتوم بطبيعته, و تقيل و ده موضوع طبيعى لأنه لسه متلينش, عموما الكرونة ملهاش صوت مسموع, الشكمان على فكرة هو مصدر الصوت الأساسى فى السيارة, لذا اكشف على الشكمان من تحت شوف لو كان مخروم أو شوف لو كان مش متثبت كويس فى فتحة الخروج من المحرك, عموما الشكمان لو فيه مشكلة بيكتم الموتور و بيفرق فى السحب.

**diesel** · 29-12-2007 11:16 AM

انا كل اللى عملته حتى الان 170 كم

تفتكروا اروح التوكيل من دلوقتى ام استنى لما اعمل الالف كم الاولى

**ahmedezzat78** · 02-01-2008 02:16 AM

وح دلوقتى و ما تستناش

رش على الرجالة اللى هناك عشان يظبطوك لان شركة النصر عاملة زى الورش اللى بره وربط الابواب لان كل اصحابى اللى جابو شاهين ابوابها اتفككت

**diesel** · 03-01-2008 04:29 PM

انا رحت ورشه النصر اللى فى غمره
1- الابواب وضعوا فيها زيت و لقيتها اتظبت و بقت بتفتح من جوه و من بره و مفيش فيها مشاكل خالص ( الحمد لله ) - انا كنت فاكر انى هقعد حوالى ساعتين فى الموضوع ده
2- الزيت ( غيروا جوان غطاء التاكيهات ) و الحمد لله تمام
3- موضوع الصوت معملوش فيه حاجه و قالو لى لما تيجى فى صيانه الالف هنعمل اللازم