حد جرب يطلع رخصتين قيادة

**szrateb** · 25-12-2007 04:12 PM

لو عندك بطاقتين رقم قومي وكل واحدة على عنوان هل جربت تطلع رخصة قيادة على كل مرور تابع للعنوان اللى على البطاقة

**mina_ramsis** · 25-12-2007 04:30 PM

طب ما انت ممكن تطلع بدل فاقض لاى واحد من غير ما يبقى عندك بطاقتين رقم قومى

**mohamed551** · 25-12-2007 04:32 PM

انا يا باشا معايا رخصتين لكن احدهما بدل فاقد استخرجتها بعد سحب رخصتى على الدولى الساحلى امام كمين سيدى عبد الرحمن وانا رايح اصيف فى مطروح الظابط صورنى على 160 كيلو وسحب الرخصة وبعد ما روحت عملت محضر فى القسم بفقدان الرخصة وطلعت على المرور طلعت بدل فاقد فى خلال ساعتين بس يكون معاك صورة رسمية للمحضر الادارى اللى انت عملتة وفضلت ماشى بيها لحد الاصلية ما رجعت بعد شهر ونصف وحاليا سايب واحدة فى البيت وماشى بالاصل وبافكر اعمل كمان واحدة

**badblood** · 25-12-2007 04:41 PM

معايا 2 والتانيه بدل فاقد

**Abu Aly** · 25-12-2007 06:13 PM

المشاركة الأصلية كتبت بواسطة mohamed551

انا يا باشا معايا رخصتين لكن احدهما بدل فاقد استخرجتها بعد سحب رخصتى على الدولى الساحلى امام كمين سيدى عبد الرحمن وانا رايح اصيف فى مطروح الظابط صورنى على 160 كيلو وسحب الرخصة وبعد ما روحت عملت محضر فى القسم بفقدان الرخصة وطلعت على المرور طلعت بدل فاقد فى خلال ساعتين بس يكون معاك صورة رسمية للمحضر الادارى اللى انت عملتة وفضلت ماشى بيها لحد الاصلية ما رجعت بعد شهر ونصف وحاليا سايب واحدة فى البيت وماشى بالاصل وبافكر اعمل كمان واحدة

على فى اداره فى ا لداخلية بتابع النت و المواقع ... take care !!

**mostafabakry** · 26-12-2007 03:11 PM

المشاركة الأصلية كتبت بواسطة Abu Aly

على فى اداره فى ا لداخلية بتابع النت و المواقع ... take care !!

كاااااااااااااااااااااااا اااااابسة يا رجااااااااااالة البوكس وصل
كلة يرفع ايده لفوق , سلم نفسك و ارمي السلاح المكان كله محاصر

ههههههههههههههههههههههههه ههههههههههههههههههههههههه ههه
انا بصراحة اول مرة اعرف حكاية بدل الفاقد دي يعني الواحد كدا ما يهموش الرخصة تتأخر شهر و لا شهرين ولا سنة
الشعب المصري ما يغلبش ابدا في حاجة ههههههههههههههههههههههههه ابو التفاكير

**WalidAdel** · 09-01-2008 02:27 AM

انا مطلع اثنين بردوا و التانيه بدل فاقد بس من غير محضر روحت كده لقيت واحده قاعده عند الشباك قولتلها عايز اطلع رخصه بدل فاقد قالتلي عملت محضر قولتلها محضر ايه محدش قالي قالتلي خلاص كأنه طلع ولا يهمك اي حاجه و قامت عملت شويه حركات كده و قالتلي روح للواد بتاع الكيوتر حيطلعلك واحده و كان الله بالسر عليم :)

**ابوحميد** · 09-01-2008 01:13 PM

ازاى اصلا تطلع رخصة من غير محضر
دا غير ان الفترة بين المحضر واول اجراء لازم تكون اسبوع
وبعدها يبعتوا اشارة لنيابة المرور يشوفوا الرحصة عندهم ولا لا
ولو طلعت عندهم واتضح ان الرخصة مسحوبة تبقى وقعتك سودا
اما لوطلعت برىء والرخصة مش عندهم يبقى يدوك رخصة مؤقتة مدتها شهر
وبعد الشهر تروح وتطلع الرخصة الجديدة
طبعا بعد ما يبعتوا تانى لنيابة المرور ويتاكدوا ان الرخصة مش اتسحيت منك
موضوع كله عك وكلاكيع
دا غير المسئولية القانونية