الموضوع: يا هونداويه.. استفسار ومساعده عن السيفيك

المشاركة الأصلية كتبت بواسطة m_nabil

ده الجيل السادس من السيفيك من سنة 1996-2000 وتقدر تعرف الفرق بين الموديلات المختلفة من الموضوع ده بس الأسعار بتكون اعلى شوية من موديلات 1992-1995

http://www.nilemotors.net/nile/10611-96.html

شوف الموضوع اللى في الاقتباس وبعد صلاة الفجر أو بكرة ان شاء الله نكمل موضوع المميزات والعيوب والأسعار

المشاركة الأصلية كتبت بواسطة amraction

طب ده بالنسبه للمواصفات.. طب.. اعرف منين ان الموديل اللى قدامى ده vti او si او خلافه.. يعنى اللى اقصده ممكن واحد يقولى ده كذا وهيا موديل تانى خالص

وايه العيوب والمميزات والتسعيره للمستعمل حاله نضيفه جدا

معلش هتعبكو معايا

شوف كقاعدة عامة مافيش Si نزل من الموديل ده اللى هو من 96 الى 00 نيجى بقى لموضوع ازى نعرف نفرق العربية الـ Vti الخليجى من الـ SiR الخليجى عن غيرهم من الموديلات مع ان أستاذ محمد الشامى كان شرحها بالتفصيل في الموضوع اللى قولت لك عليه
1- الـ Vti أولاً كلها بفتيس أتوماتيك و بتتعرف من الماتور بيكون 1600cc كامه واحدة شغال بنظام الـ Vtec و 130 حصان تقريباً عزم 145 نيوتن/ متر عند 5500 rpm و كود المكنة بيكون D16y6 أو D16y8 وفي منها بفتحة سقف وفي من غير فتحة عشان في ناس كثير فكرة ان كل الـ Vti فيها فتحة سقف و بيكون في الموديل من 96-98 ايرباج واحدة للسائق موديل 99-00 بيكون 2 ايرباج واحد للسائق + واحدة للراكب الامامى الأسعار من 60 الى 65 ألف للحالة النظيفة.
2- الـ SiR الاصلية تعرفها من عده حاجات زى كود الشاسية لو لقيت الكود أولة من الشمال مكتوب ( EK4 ) تبقى أصلية اى حاجة غير كدة تبقى متعدله وكمان كل اللى نزل منها كله بفتيس مانيوال فقط و فيها ايرباج أيضاً وفتحة سقف وتزيد عن بقيت الموديلات انها الوحيدة اللى فيها ABS والفرامل الخلفية ديسكات كود الماتور بيكون B16A6 و 1600cc كامتين Vtec وبيطلع 160 حصان وعزم 150 نيوتن/ متر عند 7300 rpm و الفرش كمان بتاعها مختلف بيكون لونه أسود في أحمر الأسعار من 65 الى 70 ألف أو ازيد شوية.
3- الـ Lxi و Exi بيكون الماتور 1500cc كامه واحدة بدون نظام الـ Vtec كود الماتور بيكون D15z4 على ما أعتقد و بيطلع 105 حصان تقريباً عزم 135 نيوتن/ متر عند 4200 rpm بدون ايرباج ولا فتحة سقف وفى نسبة كبيرة من الـ Lxi بفتيس مانيوال تكييف وباور فقط الأسعار من 50 الى 55 تقريباً.
العيوب هيه ملهاش عيوب غير انها واطية شوية وغلاء بعض قطع الغيار الأصلية ولو بتسافر كثير الكراسى بتاعتها واطية شوية فا بتكون القاعدة فيها متعبه في المسافات الطويلة غير كدة زى الفل.
المميزات كثير شبابيه و اعتمادية وقليلة الاعطال استهلاك البنزين معقول جداً ثبات محترم قوة محركاتها توافر قطع الغيار الاستيراد ومعمرة و امكانية وسهولة التعديل في الشكل الخارجى والتعديل في الاجزاء الميكانيكيه وحاجات ثانية ...
دى شوية صور للمواتير اللى اتكلمنا عليها عشان نعرفها شكلاً ..

1- D16y8 أو D16y6 كامه واحدة Vtec


2- B16A6 أو B16A عموماً 2 كامه Vtec


3- D15z4 أو D15 عموماً كامه واحدة بدون Vtec


دى أهم النقاط للموضوع وياريت أكون لم انسى بعض المعلومات.

الله ينور على المعلومات ده

ايه يا حج نبيل ده مش شرح ده كووورس

المشاركة الأصلية كتبت بواسطة amraction

ينفع يركب لل فى تى اى فتيس مانيوال بدل الاوتوماتيك؟؟

ينفع بس اية السبب؟