الموضوع: ارجو مشاركة جميع ملاك بروتون وابداء اقتراحاتهم بخصوص التوكيل

يا جماعه بجد اللى على امل ان كلامهم هايحصل وان المشاكل هاتتحل
لازم يبئا عارف ان نفس الكلام بيتقال لناس من سنة 2006 ومافيش حلول حتى الان
يعنى الود مانفعش على مدار 4 سنين نجرب ناخد حقنا بالقانون بئا
وياريت حبكو الشديد للعربيه مايخليكوش تتناسو مشاكلها (اللى سهل حلها جدا)

مشوار يريحك باقى عمرك من مشاكل العربيه وتاخد ثواب فى الناس الطيبين

اللى ناوى يعمل الشكوه يقول او يبعتلى على الخاص منعا للاحراج

المشاركة الأصلية كتبت بواسطة momopersona

بردو افهم انك معايا فى المشوار لحماية المستهلك؟؟
ولا راضى عن المشاكل وموافق باهدار حقك ومالك

ومين قاللك بس ان انا عندي مشاكل, أنا بس بشجع اللعبة الحلوة. بصراحة انا كنت في الصحراوي من اربع شهور واتعرفت على دكتور صيدلي عنده بيرسونا برده, وبصراحة كان راجل حقنة, قاللي أي مشكلة تقابلك تروح على طول لحماية المستهلك وقاللي عنوانه تقريبا في شارع أحمد عرابي. كان عنده مشكلة علبة الدريكسيون ومشاكل أخرى, قاللي متحليتش غير لما اشتكى عز العرب لحماية المستهلك. وبصراحة كانوا مهتمين بالراجل اهتمام خاص, فواضح انه هو دا بقا النظام في بلدنا

السلام عليكم ورحمة الله وبركاته

اولا لازم نشكر حضرتك على حماسك وحبك للعربية ورغبتك فى التغيير للافضل ولكن فيه كام نقطه لازم يبقوا واضحين قبل التفكير فى اى خطوة

اولا : حضرتك ذكرت بعض المشاكل فى العربية زى الشيكارتون والمالتى فانكشون اللى بيبوظ واستهلاك البنزين العالى وواضح جدا ان دى مش مشكلة فى التوكيل لانه مش هو اللى بيصنع لا العربيه ولا قطع غيارها ولا حتى بيجمعها العربية بتيجى من ماليزيا على المينا على سيادتك ,كون حاجة باظت ده مش ذنبه بس دوره انه يصلحها او يبعت يجيب لك قطعة الغيار لو مش متوفرة واعتقد ان فيه ناس كتير علقت ان فيه تطور كبير ملحوظ فى الفترة الاخيرة فى التوكيل لازم يذكر.

ثانيا : انا لغاية دلوقتى مش عارف ايه مشكلة عربية حضرتك الحالية بالظبط المشاكل المطروحة عامة مش محددة وموجودة فى اى عربية فى الدنيا حتى تويوتا طالتها مشاكل التصنيع ومش العادية اللى زى دى, دى مشاكل مميته وكلنا قرينا عنها انما فى اى موضوع بيتكلم عن الشكاوى مينفعش التعميم لازم كل واحد يتكلم يكون عنده مشكلة محددة وواضحة برقم الشاسيه ويكون التوكيل تعنت معاه فيها ومحلهاش وبالتالى يمكن الانتقال لمرحلة الشكوى الجماعية ولغاية دلوقتى محدش اتكلم فى الموضوع بشكل موضوعى عن مشاكل حصلت والتوكيل محلهاش .

ثالثا : فيه شرط واضح لو حد عاوز يشتكى فى حماية المستهلك ان المستهلك يكون حاول يحل المشكلة وديا مع مكان الشراء فهل حد جرب انه يدخل ويعرض شكواه فى الموضوع المخصص للشكاوى فى المنتدى او كتب حاجة فى المقترحات اللى المفروض التوكيل بيجمعها عشان يطور نفسه ومحدش رد عليه او رحت التوكيل ومحدش عبرك وسابوك من غير اى اهتمام بيك فى الحالة دى يكون من حقك تشتكى انما نظام نلم الرجالة ونطلع على حماية المستهلك بدون ترتيب اوخطوات سابقة لحل المشكلة مع التوكيل يبقى زى ماهيروحوا زى ما هيرجعوا .

أستاذ مومو اى مشكلة فى الدنيا ممكن تتحل وديا وبالادب اللى بيحرج اللى قدامك و انا بخبرتى مع المنتدى هنا من سنة تقريبا وتعايشى مع الناس ومشاكلهم مع التوكيل والعربية احب اقول لحضرتك ان لا التوكيل احسن توكيل فى مصر ولا اسوا ولكن واضح فعلا ان فيه محاولات جادة للتطوير وتحسين الخدمة والمعاملة ولو فيه خمسة او عشرة بيشتكوا من التوكيل عشان عندهم مشاكل هتلاقى زييهم عشر مرات على الاقل راضيين عن التوكيل بس لان مفيش مشكلة مبيتكلموش وده عيب فينا برضه زى مابنذكر العيوب بمنتهى الصراحة والقوة لازم برضه نذكر المزايا عشان نعكس صورة حقيقية عن التوكيل سواء كانت وحشة او حلوة

فى الاخر انا اؤيد راى استاذ احمد صيام لازم توحيد الجهود وابداء ارائنا ومشاكلنا ومقترحاتنا بشكل عملى فى موضوع موحد او اتنين للحصول على اعلى فائدة ممكنة وتطوير التوكيل

سلامى للجميع

المشاركة الأصلية كتبت بواسطة ahmedfathy77

السلام عليكم ورحمة الله وبركاته
وعليكم السلام ورحمة الله
اولا لازم نشكر حضرتك على حماسك وحبك للعربية ورغبتك فى التغيير للافضل ولكن فيه كام نقطه لازم يبقوا واضحين قبل التفكير فى اى خطوة
صح
اولا : حضرتك ذكرت بعض المشاكل فى العربية زى الشيكارتون والمالتى فانكشون اللى بيبوظ واستهلاك البنزين العالى وواضح جدا ان دى مش مشكلة فى التوكيل لانه مش هو اللى بيصنع لا العربيه ولا قطع غيارها ولا حتى بيجمعها العربية بتيجى من ماليزيا على المينا على سيادتك ,كون حاجة باظت ده مش ذنبه بس دوره انه يصلحها او يبعت يجيب لك قطعة الغيار لو مش متوفرة واعتقد ان فيه ناس كتير علقت ان فيه تطور كبير ملحوظ فى الفترة الاخيرة فى التوكيل لازم يذكر.

ااسف بس كلام حضرتك مش منطقى خالص
يعنى انا المفروض اروح ماليزيا ولا ايه
دلوائتى انا واخد العربيه بضمان الوكيل اللى هو عز العرب يعنى هو المسئول الرسمى عن اى مشكله تحصل
ولو العربيه فيها عيوب يبئا دى مشكلته هو اللى جابها وانا خادتها بضمان منه هو
لو في مشكله فى مصانع بروتون تبئا العربيات ترجعله وى تويوتا وفولكس وهوندا
وده كلام قانونى جدا ان هو المسئول عن الحاجات دى
وطبعا كون ان حاجه باظت هو ملزم يصلحها غصب عنه
لو سوء استخدام ياخد ثمنها ولو عيب تصنيع تبئا فى الضمان
كلمة مافيش حل للمشكله دى فى امريكا تقفل الشركه بس تحيا مصر والمصريين الطيبين
بالنسبه لقطع الغيار مش المفروض انى استناها تيجى لا لازم تبئا موجوده اساسا بالكامل فى التوكيل وده كلام قانونى بردو
وطبعا العربيه بتيجى من ماليزيا للمينا ليا بعد المراجعه الملزم بيها عز العرب عشان يبئا مسئول عن اى عيب بداية من استلامها من بروتون
وفعلا فى تغيير فى المعامله فى التوكيل
يعنى زمان كانو بيقولولنا هو كده وده عيب فى العربيه و مالوش حل وسلام
دلوائتى بئى يقوللك ايوه يا فندم حضرتك ليك حق وان شاء الله الحل قرب يوصل وهانكلم حضرتك وشكرا لزيارتك عز العرب وولا الهوا بردو

ثانيا : انا لغاية دلوقتى مش عارف ايه مشكلة عربية حضرتك الحالية بالظبط المشاكل المطروحة عامة مش محددة وموجودة فى اى عربية فى الدنيا حتى تويوتا طالتها مشاكل التصنيع ومش العادية اللى زى دى, دى مشاكل مميته وكلنا قرينا عنها انما فى اى موضوع بيتكلم عن الشكاوى مينفعش التعميم لازم كل واحد يتكلم يكون عنده مشكلة محددة وواضحة برقم الشاسيه ويكون التوكيل تعنت معاه فيها ومحلهاش وبالتالى يمكن الانتقال لمرحلة الشكوى الجماعية ولغاية دلوقتى محدش اتكلم فى الموضوع بشكل موضوعى عن مشاكل حصلت والتوكيل محلهاش .

يا باشا انا باتكلم عن حق جماعى مش كل همى مشاكلى بس
ولو همى مشاكلى بس كنت حلتها من زمان غصب عنهم لكن انا باتكلم فى حقوق ناس ضايعه وسمعة عربيه باظت بسببهم
و انا لو عندى مشكله فرديه مش مشكله
لكن طبعا كلنا عندنا المشاكل المطروحه فى الموضوع ولو مش عندك تبئا غريبه جدا طبعا
لان على كلام التوكيل دى عيوب تصنيع فى كل بروتون والعيب مش فينا طبعا ده فى بروتون واحنا مالناش ذنب
رقم شاسيه ايه اللى حضرتك عايزه انت بتتكلم جد ؟؟ طب ليه ؟؟

ثالثا : فيه شرط واضح لو حد عاوز يشتكى فى حماية المستهلك ان المستهلك يكون حاول يحل المشكلة وديا مع مكان الشراء فهل حد جرب انه يدخل ويعرض شكواه فى الموضوع المخصص للشكاوى فى المنتدى او كتب حاجة فى المقترحات اللى المفروض التوكيل بيجمعها عشان يطور نفسه ومحدش رد عليه او رحت التوكيل ومحدش عبرك وسابوك من غير اى اهتمام بيك فى الحالة دى يكون من حقك تشتكى انما نظام نلم الرجالة ونطلع على حماية المستهلك بدون ترتيب اوخطوات سابقة لحل المشكلة مع التوكيل يبقى زى ماهيروحوا زى ما هيرجعوا .

انا معايا ورق الصيانات نفس الحاجات اللى بشتكى منها فى صيانة الالف هى فى 5 وال 10 وال15 وماتحلتش حتى الان
الاهتمام مايكونش كلام وبس لازم يبئا افعال اشوف العربيه اتغيرت بعد الصيانه والعيوب اتحلت
زى ما هايروحو زى ماهيرجعو ازاى ؟؟ هو حضرتك ماتعرفش حماية المستهلك؟؟
انا مابقولش نلم الرجاله انا بدور على حل يجيب حقوقنا مش باتكلم على الفاضى
لو حضرتك ممكن تحللنا مشاكلنا بطريقه تانيه ياريت تقولهالنا وبلاش دفاع وخلاص بدون فايده

أستاذ مومو اى مشكلة فى الدنيا ممكن تتحل وديا وبالادب اللى بيحرج اللى قدامك و انا بخبرتى مع المنتدى هنا من سنة تقريبا وتعايشى مع الناس ومشاكلهم مع التوكيل والعربية احب اقول لحضرتك ان لا التوكيل احسن توكيل فى مصر ولا اسوا ولكن واضح فعلا ان فيه محاولات جادة للتطوير وتحسين الخدمة والمعاملة ولو فيه خمسة او عشرة بيشتكوا من التوكيل عشان عندهم مشاكل هتلاقى زييهم عشر مرات على الاقل راضيين عن التوكيل بس لان مفيش مشكلة مبيتكلموش وده عيب فينا برضه زى مابنذكر العيوب بمنتهى الصراحة والقوة لازم برضه نذكر المزايا عشان نعكس صورة حقيقية عن التوكيل سواء كانت وحشة او حلوة

طب وهو حماية المستهلك مش ادب ولا ايه (ده جهاز بيحمينى من الحاجات دو وحقى الجأله لما ماخودش حقى بالود)
حضرتك انا حتى الان ماقابلتش واحد فى التوكيل الا رأيه انه اسوأ توكيل فى مصر
وانا فعلا باذكر المزايا اللى هى فى رأيى التلفزيون اللى فى الاستراحه
والباقى كله عيوب معامله وميكانيكا وكذب ووعود بقالها 4 سنين مع ناس غيرى ونفاق وكله بجد حاجه تقرف

فى الاخر انا اؤيد راى استاذ احمد صيام لازم توحيد الجهود وابداء ارائنا ومشاكلنا ومقترحاتنا بشكل عملى فى موضوع موحد او اتنين للحصول على اعلى فائدة ممكنة وتطوير التوكيل

انا بصراحه مش عارف حضرتك بتتكلم فى ايه
مشاكل موجوده مع 90% من الملاك ومابتتحلش ومعامله سيئه وعيوب صناعه وبردو هما مش غلطانين ومش مسئولين عن مشاكل العربيه اللى ناتجه من سوء تصنيع:e_braces[1]:
ازاى ؟؟
بجد انا قربت اتجنن من الكلام الغريب ده
يا ترى انت مقتنع بالكلام ده ازاى
وااسف على الاطاله
سلامى للجميع

الرد فى الداخل باللون ده

المشاركة الأصلية كتبت بواسطة hesham_soaida

ومين قاللك بس ان انا عندي مشاكل, أنا بس بشجع اللعبة الحلوة. بصراحة انا كنت في الصحراوي من اربع شهور واتعرفت على دكتور صيدلي عنده بيرسونا برده, وبصراحة كان راجل حقنة, قاللي أي مشكلة تقابلك تروح على طول لحماية المستهلك وقاللي عنوانه تقريبا في شارع أحمد عرابي. كان عنده مشكلة علبة الدريكسيون ومشاكل أخرى, قاللي متحليتش غير لما اشتكى عز العرب لحماية المستهلك. وبصراحة كانوا مهتمين بالراجل اهتمام خاص, فواضح انه هو دا بقا النظام في بلدنا

ااه
يعنى حضرتك علبة الدريكسيون عندك سليمه ؟؟؟ والمالتى فانكشن مابيبوظ ؟؟
ولا راضى بنصيبك ولا ايه

بالنسبه لحماية المستهلك فى 3 كمان اعرفهم عملو كده
لكن انا نفسى يبئا الموضوع جماعى عشان عز العرب يتحط تحت الملاحظه فمحدش يتعرض للكلام ده اساسا
وبكده نبئا حلينا المشكله
مش حليت مشاكلتى الخاصه و ماليش دعوه بحد
وشكرا للمشاركه الجميله وربنا يباركلك فى عربيتك

المشاركة الأصلية كتبت بواسطة momopersona

الرد فى الداخل باللون ده

السلام عليكم و رحمة الله و بركاته
واضح ان اسلوب الحوار و الاختلاف في الراي في قسم بروتون اختلف عن زمان و اكيد المشكله فيا انا لاني مبدخلش بقالي فتره و معرفش التطورات الجديده و لا تعليق علي اسلوب الرد

علي العموم ربنا يوفق الجميع للخير

عزيزي momopersona
شرح وجهة نظرك والدفاع عنها حقك وطبعاً مهما اختلفنا فالهدف واحد للجميع ولكن مع اختلاف الطرق

انا مش مختلف معاك في حته اللجوء لحماية المستهلك في بعض الحالات التي تتطلب هذا.. ولكن ميبقاش عمال على بطال..

بس انا مختلف معاك في طريقتك في التعبير والدفاع عن وجهة نظرك
اتمنى يكون في طريقة اهدى من كده شوية علشان نعرف نتفاهم ونختلف ونتحاور ثم نتفق .

مفيش اي داعي للهجوم او التجريح لاننا كلنا اخوات واللي بيجمعنا هو الثقة والاحترام اولاً واخيراً

ان شاء الله نلاقي افضل الحلول لكل المشاكل بدون ما نزعل من بعض

تقبل تحياتي

المشاركة الأصلية كتبت بواسطة ahmedfathy77

السلام عليكم و رحمة الله و بركاته
واضح ان اسلوب الحوار و الاختلاف في الراي في قسم بروتون اختلف عن زمان و اكيد المشكله فيا انا لاني مبدخلش بقالي فتره و معرفش التطورات الجديده و لا تعليق علي اسلوب الرد

علي العموم ربنا يوفق الجميع للخير

انا ااسف يا باشا على الاسلوب بس بجد انا اتنرفزت لان حضرتك بتدافع عن حاجه واضحه وضوح الشمس
يعنى حضرتك طلعتلى التوكيل عادى انه مايحللناش المشاكل واحنا المفروض نسكت
والعيب فى بروتون مش فى التوكيل(مع ان فى عربيات كتير اسوأ بكتير من بروتون بس توكيلاتها ظبطاها)
وشككت فى مصدقيتى بسؤالك عن رقم الشاسيه بتاع عربيتى
واتريقت عليا بقولك نلم الرجاله ونطلع على حماية المستهلك
بس على كل حال انا ااسف على اسلوبى ولكن انا مازلت مقتنع ان لو فى عيب مابيتحلش تلقائيا فى التوكيل
لازم ألجأ لحماية المستهلك واذا العيب مش فى التوكيل فعلا الضغط على التوكيل هايخليه مهتم اكتر بالضغط على بروتون ماليزيا
واذا اذيت عز العرب فى حاجه اكيد هاياخدو حقهم من بروتون وكده ابئا انا مابقيتش سلبى وسايب حقى
واكيد اكيد فى النهايه هاخد ولو جزء من حقى
وشكرا على مشاركتك وااسف كمان مره

المشاركة الأصلية كتبت بواسطة eng. Rafy samy

عزيزي momopersona
شرح وجهة نظرك والدفاع عنها حقك وطبعاً مهما اختلفنا فالهدف واحد للجميع ولكن مع اختلاف الطرق

انا مش مختلف معاك في حته اللجوء لحماية المستهلك في بعض الحالات التي تتطلب هذا.. ولكن ميبقاش عمال على بطال..

بس انا مختلف معاك في طريقتك في التعبير والدفاع عن وجهة نظرك
اتمنى يكون في طريقة اهدى من كده شوية علشان نعرف نتفاهم ونختلف ونتحاور ثم نتفق .

مفيش اي داعي للهجوم او التجريح لاننا كلنا اخوات واللي بيجمعنا هو الثقة والاحترام اولاً واخيراً

ان شاء الله نلاقي افضل الحلول لكل المشاكل بدون ما نزعل من بعض

تقبل تحياتي

تحياتى يا باشا بس عندى سؤال
هل حضرتك شايف ان علبة الدريكسيون حاجه تافهه ؟؟ وعمال على بطال
وهل حضرتك شايف ان ينفع ابئا شارى عربيه زيرو وماشى سامع اصوات للصبح
صوت تزييق ورا كل اللى بيركب بيقوللى العفشه ضايعه اعد اقولو لا ده القفل
وصوت تكتكه قدام اللى هى علبة الدريكسيون
ده غير العيوب التافهه التانيه


بس على كل حال انا ااسف يا جماعه انى فكرت فى حاجه زى كده
واعتبرو الموضوع مش موجود وانا ان شاء الله هاخلينى فى مصلحتى وماليش دعوه بحد
وهاتبع طريقتى وهاحل مشاكلى ان شاء الله بطريقتى انا وواحد بعتلى على الخاص
وشكرا على اراءكم