ياريت كل واحد مشى على الطريق الدولى يقيمة ويكتب تجربتة والمصاعب اللى قابلتة ومميزات هذا الطريق من بورسعيد لمطروح
عرض للطباعة
ياريت كل واحد مشى على الطريق الدولى يقيمة ويكتب تجربتة والمصاعب اللى قابلتة ومميزات هذا الطريق من بورسعيد لمطروح
ده تقريبا احسن طريق بمشى عليه بس فيه مناطق بايظة فيه يعنى من منزل الزراعى لمنزل الصحراوى عند كارفور فيه ملف جامد قوى و الطريق مش مرصوف عندل بمشى على الطريق ده حوالى 35 كيلو فقط
انا اول مره اعرف انه بيوصل لمطروح !!
انا مشيت عليه كذا مره من الأسكندريه الى نهايته عند ك 50 تقريبآ قبل برج العرب! هل الطريق له امتداد غربآ بعد كده الى مطروح؟؟
على العموم الجزء اللى مشيت عليه كان ممتاز باستثناء ال 5 كم من كارفور الى اول تقاطع عند منزل وادى القمر
هو ممتاز جدا لغاية مارينا وسيدى عبد الرحمن
بعد كده بتكتر المطبات الهوائية والمطبات الناتجة عن تأكل الأسفلت
بس بيتحسن تانى بداية من رأس الحكمة لغاية مطروح
الكلام ده ينطبق على السكتين (رايح --جاى)
الطريق من بورسعيد الى الاسكندرية جيد ما عدا المنطقة من اول جمصة الى رشيد تقريبا بجانب الى ان كوبرى رشيد تعبان وفواصله صعبة جدا, الطريق جيد بخلاف بعض المطبات الهوائية ولا انصحك اطلاقا بالسير عليه ليلا لأنه يكون مرتعا لسيارات النقل الجامحة.
الطريق ده خدته من بورسعيد لما لمطروح لما حفظته زى صباعى وسافرت عليه من اسكندرية لدمياط مرة بليل وحلفت ماعدتش عاملها تانى الوصلة اللى من جمصة لرشيد رايح جاى وصلة فيها حفر وطبات هوا بموته
بس هو طريق ممتاز لو ماشى فى نور ربنا
مع الشكر للجميع على الاهتمام بالرد هناك اجماع على سوء حالة الوصلة المارة داخل حدود محافظة كفر الشيخ او ما يطلق عليها كويت مصر يعنى ببساطة اى حد عايز يبقى مالتى مليونير يسعى انة يبقى محافظ لكفر الشيخ الوصلة المارة ببلطيم زفت وخطرة جداا ليلا لدرجة انك ما بتفرقش بين الطريق والرمل المحيط بة ممكن تنزل على الرمل اوتنقلب فى حفرة ولذلك احذر الجميع من وصلة جمصة رشيد ويستحسن السير علية نهارا مع خالص دعواتى لكل من ساهم بالشكر ولكل من وقع على استلام الطريق من المقاول الحرامى من مهندس وفنى وعلى راسهم المعلمين الكبار اللى نهبوا من ورا ء استلام المدق الصحراوى الساحلى فى محافظة الكويت المصرية المحرومة من ابسط حقوق الانسان مع خالص تحياتى من ارض العذاب والجحيم كفر ونجع الشيخ المسماة خطا محافظة ولنا الله سبحانة وتعالى ان يرفع عنا مقتة وسخطة
مرحبا
الطريق الدولى انا كنت مسافر عليه يوم يوم الاحد الموافق 1/8/2010 الطريق من جمصه الى بلطيم بقى كويس وانا راجع من اسكندريه كانو شغالين فى الطريق امام بلطيم بيرصفو هو عايز الواحد وهو سايق يكون صاحى كويس وبستحسن ان يكون له اربع عيون زى اى طريق فى مصر بعد بلطيم الى رشيد ربنا معاك الطريق بجد زباله اغلب فواصل الكبارى وحشه جدا جدا مفيش استراحات كويسه مفيش اسعاف مفيش محطات بنزين الا 3 على الطريق نصيحه اكشف على السيارة والكاوتش وفول بنزين فول تانك انا وانا راجع برجع من الزراعى بالذات باليل وطبعا مفيش انارة وطبعا مفيش خطوط على الطريق توضح انت فى اى حارة اة تحدد الطريق اتمنى فى القريب ان يتغير الوضع لان الطريق بيمر على محافظات كتير يبدء من بورسيعد دمياط الدقهليه كفر الشيخ البحيرة الاسكندريه مطروح سبع محافظات يا بشر شوف بقى المفروض بيخدم كام مليون واتصرف عليه كام مليون واللى بيستخدمو كام واحد انا كنت راجع غليه من اسكندريه الساعه 3 العصر كنت ماشى لوحدى وكنت لما الاقى بشر عليه كنت بقول يارب افرجها فيه بعض الاماكن كنت بجرى عليها وصلت الى سرعه 160 بس الحمد لله كنت واخد بالى ووصلت الى بلدى المنصورة الجميله احسن بلد فى مصر
سلام
الطريق كويس الى حد ما من بورسيعد الى اسكندريه مرورا بجمصه خاصتنا ان فى تعديل دلوقتى ورصف عليه
من جمصة لبورسعيد ... كله مطبات هوا و لازم تخلي بالك كويس قوي
و ساعات بيكون فيه لجان رادار
بالليل ما يتمشاش عليه .... مفيش إضائة
مفيش خطوط بيضاء على طريق ... مفيش اي حاجة تعرفك المنحنيات اللي على الطريق .. انت و نور عربيتك
بالإضافة للإهمال الفظيع اللي شفته بالليل... ممكن تلاقي رمل على جنب الطريق لو واحد ماشي بسرعة بالليل و مخدش باله منه يحصل كارثة
ممكن تلاقي عربية نقل بمقطورة وقافة على جنب بدون اي تحذيرات ولا انوار و الطريق اصلاً كحل
الدولي الساحلي بالنهار فقط !!
انا مشيت عليه اكتر من مره وكان مليان مطبات هوائيه