افيو و لا كليو محتار

لقد قمت بشراء فيرنا 2007 و قبل ما تكمل معايا 7 الاف كيلو في الصحراوي انفجر الاطار الاماي الايس التالف اساسا قبل تركيبه من قبل غبرو مصر و لعدم التكافؤ ما بين قوة الماتور ووزن الصاج الخفيف جدا انقلبت السياره في الرمال واصبحت كعلبة الكانز المطبقه والحمد لله خرجنا منها سالمين حمدا لله و لكني اتعقدت من اي عربيه تقفيل مصري
المهم انا عايز رايكم انا عايز اجيب عربيه من تاني ومحتار في الاختيار ما بين الافيو و الرينو كليو و هما في نفس الفئه ،
بالنسبه للافيو ازاي اعرف اللي صناعتها و تقفيلها كوري من المصري انا عارف انها عاليه ومناسبه لشوارع مصر
اما بالنسبه للرينو كليو هل هي فرنسية الصنع و ما اخبار ارتفاعها و اسعار قطع الغيار و مدي توافرها عايز كدا مجهود و العباقره بس ياريت يبقي كلام صادق و صحيح و شكرا

اول حاجه الحمد لله علي سلامتك
ثانيا الافيو نفس موتور الانوس و الصاج بتاعها خفيف و ورق و اكيد بسبب ارتفاعها عن الارض الثبات مش كويس انا من رأي ان الافيو دي عربيه لعبكه و انا كنت في معرض المنصور في مدينه نصر اللي قصاد مسجد رابعه العربيه التقفيل المصري مش حلو و صوت الموتور عالي و فيه زنه
لكن الكليو معنديش معلومات عنها بس هي عربيه بقالها فتره في السوق وشكلها مش قد كده و دا رأي
و ربنا يوفقك في الاختيار

ana mtf2 m3 al zamel alli rd ablia al aveo msh sabta w nas kter 2alt keda 5fifa awi ana r2ii 7drtk lw 3ayez 3rbya fi 7dod sb3inat tmninat fi yaris al 3rbya 7mola bs sbatha msh alli howa b3d 140 fkr tgib 7aga used gamda zi vectra 98 anma 3shan tgib 7aga ndefa gdida sabta w mtkrrsh mshkltk m3 al verna alli yama ana 2olt 3liha msh sabta w al nas msd2tnish al 3rbya al 1500 wznha 1045 kilo w al 1600 wznha 1110 kilo 7ram y3ni eih dh msh t2ila 3la al ard nha2i ana di nsi7ty leek lw 3ayz 7aga ndefa mn kol al nwa7y sbat w t7ml w sr3a a3la bl s3r shwya w fi gen 2 bs nas kter ashtkt mn al twkeel w al 3rbya btnzl feeha 3ib m2rfa shwya

ya reet sa7b al mwdo3 y2olna at2lbt beeh 3la sor3t kam w 7mdela 3la al salama tb3n l2n 7ta lw al atar anfgr dh msh sbb an al 3rbya tt2lb ana waldi anfgr beeh al atar 3la 120 w kan odam brdo b ibiza 94 w m2lbtsh al 3eeb fi al 3rbya di 5ter 5ft al wzn 7aga y3ni morfa msh al mfrod al shrkat di yb2a 3ndha amana fi t2dem al sel3a ll nas al mfrod fi a5tbarat sbat w aman fen al klam dh al 3rbya di f3ln m2lb kbeeeeeeeeeeeeeeeeeer

اولا :حمد الله على سلامتكم وربنا يعوض عليك
انا شايف ان العربيتين كويسين
بس الافيو المصرى لسه ما اتجربتش فمحدش هايديك عنها كلام اكيد
الافيو الكورى مافيش شكاوى منها غير ان استهلاكها عالى فى البنزين حبتينن والكلام ده من اصحابها من المنتدى هنا
اما عن خفيفه ولا ثابته ف انا ليا راى خاص (ان معظم العربيات على 120 بتكون ثابته وكويسه اما بعد كده ف انت وحظك انا بسميها مغامرة وربنا يستر ) وكمان طرقك فى مصر وقانونك بيقولك اخرك 120 ليه تزوزد....!!!!!!!!!!!
بالنسبه بقى للتوكيل والصيانه انا اسمع ان توكيل رينو عشرة على عشرة فى التعامل والصيانه وبيديك ضمان سنة على قطعه الغيار عنده
كمان توكيل منصور كويس ومحدش اشتكى منه ده برده من كلام الاعضاء اللى معاهم العربيه
قطع غيار الافيو معقولة بالنسبة انها لسه جديده
اما الرينو فغاليه لانها مع صديق ليه يكفى اقولك انه عامل صيانه ال 60 الف ب 2000 جنيه
الرينو كليو تقفيل تركى مش فرنساوى
بس هى عربيه حلوة وشيك
الخلاصه الاتنين كويسين
انا عن نفسى برشح الافيو عشان انا بحب اجيب عربيه قطع غيارها فى حدود امكانياتى واى حد ممكن يفهم فيها
اما الرينو فكذا واحد قالى لازم تصونها فى التوكيل
على فكرة انا بقالى حوالى سنه بجمع معلومات عن السيارات ....!!!!!
الله الموفق

ربنا يعوض عليك و يخلفك خير منها ،،

بس سؤال هوا حضرتك لو راكب مرسيدس و العجل فرقع ،، المرسيدس مش هتتقلب برده ؟؟ و حضرتك عرفت إزاي إن العجل تالف و إزاي تمشي بيه و انتا عارف ؟؟ الإحتمال الأكبر إن في حاجة معينة حصلت للإطار مسمار أو شئ في الطريق أو حاجة من هذا القبيل

و ده من قدر ربنا و إن كان من حقك طبعا تكتئب ،،

عموما في الفئة دي اكثرهم ثباتا الفيرنا ،، انا بمشي بيها 160 ،، و اعرف ناس كتير بيقفلوا العداد ،، بس طبعا بالعقل ، و مراعاة الطريق و إمكانيات العربية ،،

ممكن تقول أكثر طلباتك ايه في العربية ، و استخدامك ليها و الإمكانيات المادية ،، و عشان إنشاءالله الأخوة يساعدوك أكثر ،،

حمد الله علي سلامتك يا باشا و فداك 100 عربية.

بص يا سيدي الكمال لله وحده أى عربية فيها مميزات و عيوب. معايا الكليو2007 عامله حوالي 8000 كم والحمد لله ماشيه زي الفل .تقفيلها تركي و خاماتها جيده .تسارع و ثبات و إتزان هايل لحد120 كم/س ( ما حوالتش أجيب أكتر من كده لأن بصراحه شوارع مصر متستحملش جرى أكتر من120 لأي عربيه) .أنا شايف إن الAirbag مهم برضه في تقيمها (للأسف هو Airbag واحد للسائق بس, طبعا لزوم تخفيض الجمارك)

العربيه ضيقة شوية من جوة بالذات الكنبة الورانية بس الشنطة كبيرة جدا. حكاية الرفارف اللي فيبر دي كانت مقلقاني في الأول بس طلعت ميزة للخبطات الخفيفة ربنا يحفظنا جميعا.
إستهلاك البنزين إتحسن بعد أول صيانه قبل كده في الزحمه والحر(مبطلش التكييف!!) كان حوالي200 كم/صفيحة
أهم ميزة فى رأى إن توكيلها من أحسن التوكيلات اللى في بلدنا عن تجربة. قطع الغيارالأصلية غالية لكن بتوفر علي المدي الطويل بتفرق أداء و أمان

انا شايف الافيوا

السلام عليكم..
عندي رأي..
عادة العربيات المواصفات الاوروبي او التقفيل الاوروبي انضف بكتير من الاسيوي..
ده لأن السوق الاوروبي ليه مواصفات خاصة وعليه قيود كتير..
ندخل ف الموضوع..
الكليو لو تقدر علي قطع غيارها الغالية شوية.. توكل علي الله.. كفاية انها عدادها 240 كم يعني العربية دي ثباتها كويس جدا لحد علي الاقل 140 مع العلم انه ممكن جدا تقفل عدادها من غير مشاكل.. بس ف الطوالي من غير غرز وحركات.. مع العلم اني مش من محبي الجري قوي..
الافيو كوري.. اسيوي يعني.. كفاءة اكيد اقل من الاوروبي وخاصة لو تقفيل مصري..
والفرق بين التقفيل المصري والتركي واضح جدا.. التركي يكسب..
وازن امكنياتك وفلوسك.. وانت ادري بظروفك..
وربنا يوفقك لما فيه الخير..