عايز اركب سماعات ورا فى الفيرنا بيضاوى بس من غير ما اغير البورده

عايز اركب سماعات ورا فى الفيرنا تكون بيضاوى بس من غير ما اغير البورده , حد بعرف مين يعملها وازاى , ولو مينفعش هل السماعات المدورة بيبقى صوتها حلو وقوى وتغنى عن البيضاوى ولا فيه فرق جامد انا اصلا عندى اتنين كين وود بيضاوى 450 ولو منفعش اركبهم هبعهم واجيب مدور , لانى مش عايز اركب بوردة عشان الاصوات اللى بتعملها فى المشى وثانيا الاستوب معرفش هيركب ولا لا , ياريت رايكم لاتى مش عارف اتصرف , على فكرة انا مش ساكن فى القاهرة فلو نصحتونى بواحد اروحله ياريت العنوان تفصيلى عشان اعرف ارحله

تم النقل لقسم الكماليات بواسطتي
مشرف هيونداي

لأ يا باشا ماتخافش كل حاجة و ليها حل أى واحد بتاع كماليات و كاسيتات نضيف حيشيل البوردة و يقطع فيعا بالقطر على اد مقاس السماعات (هما استاندارد) بس أصعب حاجة و هو بيحفر فى الصاج اللى تحت البوردة عشان يعرف ينزل السماعات (يغطسهم)
أهم حاجة تخليه يبعد السماعات عن الازاز اللى ورا شوية عشان لو حرف السماعات لمس الازاز هيقرفك و يعد يزن و انتا ماشى و ماتنساش توصل فيشة الاستوب تانى

ولعلمك مافيش سماعات مدورة زى البيضاوى
المدور وبالذات اللى جايين مع الفيرنا دول ضايعيييييين (جولدى)

http://img442.imageshack.us/img442/6661/s432.jpgيا باشا انا كنت بفكر زيك كده معايا كرستاله وكنت عاوز اركب فيها سمعات بيضاوى وخايف من نفس المشكله وازاى هيقطعو روحت توكيل فمصر الجديده ركبولى سماعتين بكل احتراف ومن غير مياخدو وقت بيقطعو كمان فالصاج بمنشار كده عامل زى منشار الاركت بس بيقطع صاج غير انهم محترفين فشغلهم بالظبط لو تحب اقولك مكانهم مش هتندم زى مبيقولو ادى العيش لخبازو

انا مركب سمعات في لانسر من غير ما اخرم في البورد و من غير ما اغير الوش الاصلي, تشيل الوش الاصلي او البورد كامل لا الوش مبيتشلش لوحدة و تخرم الصاج و تركب السماعات البيضاوي في الصاج طبعا من غير وشها و بعدين ركب البورد و الوش الاصلي.
بس الموضوع عايز انك تجرب و تتأكد ان الوش الاصلي هيركب علي السماعات الجديدة, مش مهم ان السماعات تطلع اكبر من الوش الاصلي بس المهم ان الوش و البورد يركبوا بعد السماعات

انا مركب في الفيرنا بيضاوي و مغير البورده و قاطع ف الصاج
عادي جدا
و الاستوب متركب
البورده الجديده كانت بتزن عشان اللي ركبها حمار بس ثبتها بقطن و الصوت تمام الحمد لله

http://www.nilemotors.net/Nile/113694-a.html

شوف الموضوع دة