السلام عليكم ورحمه الله و بركاته
الشركات كتير و الاعانات اكتر و كل شركة و اسعارها
بس معرفش اى حاجة عن الخدمات ولا المستوى الى بيتقدم
يا ريت حد طلع او يعرف حد طلع يقول لى على المميزات و العيوب الى صادفته علشان الواحد يعرف
و جزاكم الله خيرا
عرض للطباعة
السلام عليكم ورحمه الله و بركاته
الشركات كتير و الاعانات اكتر و كل شركة و اسعارها
بس معرفش اى حاجة عن الخدمات ولا المستوى الى بيتقدم
يا ريت حد طلع او يعرف حد طلع يقول لى على المميزات و العيوب الى صادفته علشان الواحد يعرف
و جزاكم الله خيرا
متابع +1111111111
سبحان الله انا كنت بفكر أعمل نفس الموضوع من دقائق لأنى طالع إنشاء الله الشهر القادم للعمره .
أولاً العمره أرتفع سعرها عن شركات السياحه من 700 - 1200 زياده .
ثانياً سمعت تحذيرات كتييييير من الجمعيات " العمرة تبع المساجد "
ثالثاً أنا استخرت بعد لما شوفت حوالى 20 عرض على شركة و هيا بحوالى 4500 غرفة مزدوجه و خمسة أيام مكه و أربعه مدينة " 4 نجوم " و عن تجربة من حماتى " يعنى لازم تكون شركة حلوة بقولك حماتى أنتا فاهمنى طبعاً ".
رابعاً كان عندى عرض أرخص شويه علشان كان فيه حوالى أكثر من 15 شخص من عائلتى طالعين و معظمهم فوق الـ65 يعنى كنت هقوم بدور خدامتك سيده فى الرحله دى ففضلت أطلع أنا و المدام منفصلين بسبب حبى للأنقطاع للعباده فقط و القليل من التسوق و حص تحت " القليل من التسوق مليوم خط ، علشان كده أنا كنت عامل موضوع بسأل فيه خبراء جده و المدينه عن التسوق بس لم أجد إجابة.
اسمها شركة تومى فى المنيل و ت 23641123
4250 غرفه ثلاثية و 4600 غرفه ثنائيه و ربنا يجعل لينا كلنا التيسير و القبول
شكرا على المشاركة و يا ريت تفاصيل اكتر من الى طلع قبل كدة
اى الى الواحد لازم يسئل علية فى الاجراءات و الحجوزات و خلافة
علشان منتخمش من شركات السياحة
بص يا باشا : انا السنة اللي فاتت طلعت لوحدي وكنت مخطط اطلع مع المدام بس في الآخر طلعت لوحدي . وماكنتش اعرف حد للاسف معايا فقلت ياواد بدل ماتطلع 4 نجوم زوجي اطلع تلات نجوم لوحدك وتبقى مع نفسك بدل ما تقع مع واحد رغاي ولا حاجة يبوظلك العمرة . وقد كان . لفيت على كل الشركات في ناس قالت لا ماعنديش فردي وناس استهبلت وقالتلك هادفعك الضعف وفي شركتين قالولي هنزود 500 جنيه و نطلعك فردي قلت ماشي . الشركتين هم دمنهور للسياحة في المهندسين ت / 37616802 و ايجيبشان نايل ت / 19740 انا طلعت مع دمنهور ودفعت تقريبا 4500 فندق المدينة كان قريب جدا يعني حوالي دقيقتين مشي ومكة باردو حوالي 5 دقائق بس مش شرط على فكرة يحصل كده معاك دي ارزاق بقى :) وكانوا كويسين يعني ودونا المزارات مكة والمدينة وادونا خط فيه 75 ريال
شكرا على المشاركة و يا ريت تفاصيل اكتر
السلام عليكم جميعا يا إخوتى
السنة إللى فاتت طلعت عمرة مع شركة إسمها العالمية للسياحة ومقرها بشارع جامعة الدول العربية فوق مطعم جاد . وشوفوا رغم شياكة المكان وشياكة مقر الشركة إلا إنها عملت معانا عمايل بشعة لدرجة أفسدت علينا رحلتنا من الألف إلى الياء .
شركة فاشلة فاشلة فاشلة للصبح .
تقدر تقول فيها الآتى :
1- عدم إلتزام بالفنادق لا من حيث درجة الفندق ولا مسافة بعده عن الحرم سواء فنادق مكة أو المدينة (فنادق سيئة للغاية يعنى ممكن مثلا تلاقى خلاط الدش بيطلع فى إيدك ، الميه تقطع عن الفندق ) .
2- تسيب ولا مبالاة وعدم وجود مشرف معانا من أول يوم ولم يظهر المشرف إلا آخر يوم ( لما المشرف ظهر كلناه حتة علقة دوبل وفتحنا له عينه) .
3- يوم العودة نزلنا شنطنا وحاجاتنا حسب تعليماتهم ببهو الفندق ولم يأت إلا باص واحد بينما كان عدد المعتمرين العائدين حوالى 500 فرد مما أدى إلى إنزال الحقائب مرة أخرى وذلك أكثر من مرة وأخرونا فى العودة 3 ليالى نظرا لعدم توافر بوردينج طيران العودة وفيه ناس طردت من الفنادق المقيمة فيها وكانوا ستات كمان والله .
4- كان المفروض العودة من المدينة ولكن فعليا تمت العودة من مطار جدة .
5- عملنا لهم شكاوى ومذكرات كثيرة وتم إستدعاء مندوب الوكيل السياحى بالسعودية أكثر من مرة لإيجاد حل لعملية النصب الكبرى إللى تمت علينا .
6- نصيحة لوجه الله تعالى ( أى شكوى تقابل أى حد معتمر أو حاج يتوجه فورا لمسئولى هيئة الحج والعمرة - مش عارف الإسم بالمظبوط - وهم منتشرين فى شوارع المدينة ومكة بكثرة ولهم كرافانات وأكشاك بها مكاتب ومقرات معروف فى شوارع معينة . بجد بجد ناس محترمة جدا جدا ومهمتهم راحة المعتمرين وحل مشاكلهم بكافة أنواعها وصدرهم يتسع لأى شكوى حتى لو كانت بأسلوب غير لائق ) ده عن تجربة والحق يتقال .
الغريبة بقى فى الموضوع إن الشركة النصابة دى لسة شغالة وبتنظم رحلات السنة دى كمان بعد كل الشكاوى إللى اتعملت فيها .
نصيحة أخيرة لأى معتمر إختار الشركة الثقة وأوعى تسترخص لأنك حتتعذب بكل جنيه وفرته .
انا برضه طلعت مع شركة و طلعوا ولاد تيت و سوحونا
بس كل اللي اعرفهم بيشكروا في شركة الطيار و مكتبها في صلاح سالم عمارات العبور
انا كنت عايز اطلع مع الطيار بس مراتي ربنا يسامحها خليتني نطلع مع الشركة التانية عشان نوفر 400 جنيه للفرد (و الشركة التيت جم قبل السفر طلبوا 150 جنيه للفرد زيادة غصب و اقتدار يعني رسيت على توفير 250 جنيه في مقابل فنادق زبالة و اتوبيسات زبالة عطلت بينا على طريق المدينة-مكة و احنا محرمين و غير اللي اتوعدنا بيه و مشاكل تانية كتييييييييييييييييييييييي ييييييييييير) ..... و ندمت اني سمعت كلامها و هي نفسها ندمت (يا ماشي ورا ..... و لا بلاش :) )
و هما اصلا شركة سعودية عشان كده اسعارهم بالنسبة لمميزاتهم رخيصة لانهم مش محتاجين شريك سعودي ياكل معاهم حتة من التورتة ..... و كل اصحابي اللي طلعوا معاهم بيحلفوا بيهم و بنضافتهم .......