عايزين نعرف ميزانية كل واحد فى المنتدى للعربية الخاصة به
عرض للطباعة
عايزين نعرف ميزانية كل واحد فى المنتدى للعربية الخاصة به
انا بسافر شهرين وبنزل شهر اجازه فى الشهر باعمل 3000 كيلوا وبنزين 500 جنيه وغيار زيت 100 جنيه
على فكره انا بشكر صاحب الموضوع جدا لان الموضوع دع في غايه الاهميه نظرا لاهميه معرفه حساب وميزانية كل سيارة على صاحبها وهل هو بتوفرله ام بيصرف عليها زيادة عن المطلوب وعدم وجودها افضل ,, في طريقه كان مهندس مكيانيكا قالها ليا وانا احاول افتكرها معاكوا وتقتصر في ان :_
* المفروض الواحد يشوف بيمشي كل يوم كام كيلو وعلى اساسها يحسب تكلفة السيارة اليوميه من (الزيت -البنزين-الاطارات)
على سبيل المثال حساب الزيت يتم كالاتي :- عدد الكليومترات اليوميه/سعة الزيت الكليه (سواء كان 3000 او 5000 ..) * سعر الزيت ,,, الصراحه حساب الباقي انا مش فاكره اوي لكن لو حد عارف طرق الحسابات يتفضل ويقولنا يعني الراجل ده انا فاكر انه حسبلي تكلفه سيارتي كانت بتتكلف في اليوم 45.50 ج وشكراااا
في الشهر حوالي 300-350
مش اقل من 450 جنيه مصاريف غير الصيانة الدوريه كل 10000كم
حوالى 2400 ج بنزين
حوالى 700 جنيه صيانه
حوالى 2800 تأمين
حوالى 400 جنيه تراخيص ( بدون مخالفات )
حوالى 350 جنيه نضافه ( متنوعه )
------------------
المجموع 6650 جنيه خلال السنه
بمتوسط تكاليف تشغيل : 555 جنيه شهرياً
أو 18,50 ج يومياً
تقريبا بلشهر 500 جنيه
عربيات قديمة من 80 - 100 ج بنزين 80 وزيت عادة
عربيات حديثة لا يقل عن 500 ج بنزين وصيانة و تامين شامل
هذا بخلاف نسبة التعرض في الشارع المصري من حكات وكسر مراية وزجاج ووو الخ
البنزين 320 ج
ايه دا يا تامر ف الشهر ولا كل اسبوع؟؟
انا بنزين 400 جنيه شهريا زيت 120جنيه كل 4000 كم طبعا ده بقي خلاف الصيانة اللي و انت و رزقك ييطلع تيل يطلع طنبورة علبة شكمان .....الخ و انتم عارفين الباقي بس مجملا الحمد لله العربية نعمة و فضل من ربنا ربنا يدمها علينا جميعا نعمة و يحفظنا من شرورها
بنزين حوالى 185 جنيه فى الشهر يعنى 2220 فى السنه
الزيت باغيره كل 10 شهور تقريبا موبيل 1 10 الاف ب 235 جنيه والفلتر بحوالى 33 جنيه
الصيانه تقريبا مرتين فى السنه المره ب 180 جنيه تقريبا
اجمالى المصاريف السنويه 2850 جنيه تقريبا
ويوميا 7 جنيه و 80 قرش :)
يا جماعه الموضوع راجع لطريقة السواقه والطرق اللى انت سايق فيها
اكتر من نوع العربيه
يعنى انا ووالدى مثلا بنسوق نفس العربيه انا باستهلك بنزين غيره خالص وهلكى للعربيه غيره بردو
مع انها نفس العربيه
تقريبا متوسط المصارف 350 جنية شهرى ربنا يدمها علينا جميعا نعمة و يحفظنا من شرورها ويسترها معانا جميعا يا رب
200 بنزين في الشهر
كل واحد المفروض يذكر هو بيمشى كام كيلو فى الشهر المتوسط
يا جماعه انتوا مش حاسبين استهلاك العربيه نفسها بمعنى ان كل سيارة ليها استهلاك """" يوميي""" زي استهلاك للبنزين والزيت والاطارات ده غير استهلاك لجميع اجزاء السيارة الي هيتم تغييرها في المستقبل فانا مش عارف الحقيقه الناس كيف حاسبه مثلا في السنه كلها 2220 ج هو طبعا الموضوع عاوز شرح ومن ناس متخصصه في علم الميكانيكا مش مني لكن لما حسبت على طريقه الناس دي لاقيت ان السيارة بتكلفني يوميا 45 ج يعني في الشهر الواحد 1350 ج اي نعم مش بدفعهم كل شهر لكن المبلغ ده جزء منه هدفعه في البنزين والباقي بدفعه لما بروح اعمل للسيارة صيانه على اعتبار انها بتاخد كام لتر زيت وسعره كام ولو حبيت اغير معاه فلاتر ولا سيور ولا اجه موعد تغيير الاطارات فبيكون المبلغ المحدد هو شامل اي شئ بغيره بالسيارة وشكرا
في الشهرجراج ب100ج بنزين ب300 ج نظافه 50 ج تظبيط هوا لكاوتش 10 ج تغيير زيت كل 5000 كيلو يعني مرتين في السنه 500 ج تيل فرامل 450 جنيه دية المصاريف الأساسيه ليه في اول سنه غير مصاريف الصيانه كل 10000 كيلو