كيا الخليجى و ازمة تويتا فى مصر

طبعا هاتسألوا ايه العلاقة
هو الموضوع ليه علاقة بالخليجى عامة بس انا حاطوا فى منتدى كيا عشان هى اكتر عربية عليها العين دلوقتى بالزات فى الخليجى
اى متابع لموضوع فتيس الكورولا و قرار جهاز حماية المستهلك بالزام التوكيل باصلاح العيب هايحمد ربنا ان معهوش العربية
طبعا الموضوع دا مش فى الخليجى عشان اوتماتيك
فى المصرى بس اللى جاى من جنوب افريفيا
طب دى تويتا و كمان توكيل فدا اللى يدى شوية اطمئنان لى اصحابها
عشان الضمان
ولو فرضنا ان اللى حصل دا كان فى الخليجى كانوا اصحابها عاملوا اية دلوقتى؟؟؟؟؟
عشان كدا انا شايف اللى بيجيب عربية خليجى فعلا بيخاطر بفلوسه مقابل شوية كماليات زيادة وسعر اقل شوية

ملحوظة
انا معايا اوبل 2007 يعنى مليش علاقة بتيوتا و لاكيا

الموضوع كلة كدة متركب غلط - :E_braces[1]:

متهالي انك المفروض تحطة في تويوتا حتي لو العين علي السيراتو وبعدين مشكلة الخليجي دي اصحابها عارفينها واكيد واخدين المخاطرة دي


غير بقي ان حضرتك من ملاك الاوبل فا دي بقي حتتفهم غلط من بتوع الكوري والياباني واستلقي وعدك بقي ههههههههههههههههههههههههه

اقتباس:

---

وبعدين مشكلة الخليجي دي اصحابها عارفينها واكيد واخدين المخاطرة دي

---

شكرا لمروراك
بس المفاحأة ان كتير من الناس اللى بتشترى العربية على اساس افضل قيمة حالية مقابل ادنى سعر و مش مهم التوكيل و لا الصيانة و لا الضمان رغم اهمية الحاجات دى
و دا راجع لانبهار الناس بالعربية و خداع معارض الخليجى ان دى احسن من التوكيل و فكرة يعنى اية اللى حيحصل يعنى
طب دا فيتس ضرب فى عربيات التوكيل و الناس خايفة
ازاى بأه الحال لو فى الخليجى؟؟؟؟؟؟؟

اقتباس:

---

المشاركة الأصلية كتبت بواسطة sherifahmed

شكرا لمروراك
بس المفاحأة ان كتير من الناس اللى بتشترى العربية على اساس افضل قيمة حالية مقابل ادنى سعر و مش مهم التوكيل و لا الصيانة و لا الضمان رغم اهمية الحاجات دى
و دا راجع لانبهار الناس بالعربية و خداع معارض الخليجى ان دى احسن من التوكيل و فكرة يعنى اية اللى حيحصل يعنى
طب دا فيتس ضرب فى عربيات التوكيل و الناس خايفة
ازاى بأه الحال لو فى الخليجى؟؟؟؟؟؟؟

---

انا متفق معاك طبعا - بس لاتجار دايما مضللين - منهم لله

حضرتك في عربيات كده ما حدش بيجيبها خليجي

و هي العربيات اللي عليها قلق سواء قلق حقيقي أو وهمي

شفت حد راكب ميجان خليجي ؟؟

شفت حد راكب سيتروين خليجي؟؟

شفت حد راكب فورد خليجي؟؟

ميزة الخليجي كانت انه بالموتور و الفتيس القدام اللي الناس عارفاهم و حافظاهم ...

و بعدين نيجي بقى للمهم

هو حضرتك فاكر ان التوكيل هايعمل ايه يعني؟؟؟؟؟

ده حياه لله هايغير شوية قطع مع ان العيب في التقنية نفسها

اللي تويوتا إيجيبت بتعمله دلوقتي هو علاج للأعراض علشان تخلص نفسها

بس المشاكل مش هاتختفي بشكل نهائي ...


الخليجي أضمن في نظري لسبب

لأن ما فيش توكيل في مصر محترم للدرجة اللي تشجعني اشتري عربيته

و مافيش قانون محترم برضه يجبر الوكيل انه يعاملني بأدب بدون مشاكل


يبقى بفلوسي أشتري مواصفات أفضل و عربيات أحسن ولما تبوظ أبقى عارف اني هاصلحها بفلوسي

و بلاها حرقة الدم

دكتور أحمد تسلم إيدك

اقتباس:

---

هو حضرتك فاكر ان التوكيل هايعمل ايه يعني؟؟؟؟؟

ده حياه لله هايغير شوية قطع مع ان العيب في التقنية نفسها

اللي تويوتا إيجيبت بتعمله دلوقتي هو علاج للأعراض علشان تخلص نفسها

بس المشاكل مش هاتختفي بشكل نهائي ...

---

احنا لغاية دلوقتى مانعرفش ايه اللى التوكيل هايعمله دى نقطة
تانى نقطة دا توكيل يعنى ليه سمعة و حساب بينه و بين الشركة الام يعنى فى اجراءات ممكن تتاخد ضده يعنى ممكن تحاسبوا
مش معرض جايب شوية عربيات خليجى و باعهم و اعد يتفسح بالفلوس
(مثال شركة الفرسان و العربية الماريو اللى جابها)
تالت نقطة بأه ان حضرتك بتقول ان العيب فى التقنية طب افر ان انا جبت عربية تويتا خليجى من اللى انت بتقول عليها معروفة و فتيسها الاوتماتيك المعروف برده ضرب مين بأه حارجع احسبه؟؟؟؟؟

اقتباس:

---

الخليجي أضمن في نظري لسبب

لأن ما فيش توكيل في مصر محترم للدرجة اللي تشجعني اشتري عربيته

و مافيش قانون محترم برضه يجبر الوكيل انه يعاملني بأدب بدون مشاكل


يبقى بفلوسي أشتري مواصفات أفضل و عربيات أحسن ولما تبوظ أبقى عارف اني هاصلحها بفلوسي

و بلاها حرقة الدم

---

دى منتدى كيا و الناس تشهد انه محترم و هو هو رينو
و فى توكيلات تانية محترمة باس احنا مش سامعين عانهم عشان اعلب الناس هنا مش معاها بى ام و لا مرسيدس
نقطة ان اصلح العربية بفلوسى دا يمكن منطق منطق مقبول فى التيل او الطنابير او اى حاجة استهلاكية
مش اجى لماتور و لافتيس و اقنع انه ممكن يبوظ و اصلحه

اقتباس:

---

المشاركة الأصلية كتبت بواسطة ahmed samy

يبقى بفلوسي أشتري مواصفات أفضل و عربيات أحسن ولما تبوظ أبقى عارف اني هاصلحها بفلوسي

و بلاها حرقة الدم

---

الله ينور يا دكتور

اقتباس:

---

المشاركة الأصلية كتبت بواسطة د.محمود صلاح

دكتور أحمد تسلم إيدك

---

اقتباس:

---

المشاركة الأصلية كتبت بواسطة ahmed_su

الله ينور يا دكتور

---

الله ينور عليكم تسلمو يا رب

واحشني يا سو

اقتباس:

---

المشاركة الأصلية كتبت بواسطة sherifahmed

احنا لغاية دلوقتى مانعرفش ايه اللى التوكيل هايعمله دى نقطة
تانى نقطة دا توكيل يعنى ليه سمعة و حساب بينه و بين الشركة الام يعنى فى اجراءات ممكن تتاخد ضده يعنى ممكن تحاسبوا
مش معرض جايب شوية عربيات خليجى و باعهم و اعد يتفسح بالفلوس
(مثال شركة الفرسان و العربية الماريو اللى جابها)
تالت نقطة بأه ان حضرتك بتقول ان العيب فى التقنية طب افر ان انا جبت عربية تويتا خليجى من اللى انت بتقول عليها معروفة و فتيسها الاوتماتيك المعروف برده ضرب مين بأه حارجع احسبه؟؟؟؟؟

---

الشركة الأم هاتحاسبو تعمله إيه مثلا ...

هي العربيات دي هو اللي عاملها ؟؟؟ مش دي عربياتهم من مصنعهم؟؟؟

الشركة مش هاتعمله حاجة لأنه بالنسبة ليهم (باع) 6500 عربية

الشركة تحاسبو لو مكانش باع .

أما مانعرفش التوكيل هايعمل إيه فأظن انك أكيد تعرف ان دي حرب بروباجاندا و انقاذ سمعة

يعني الوكيل لو هايغير الفتيس او العربية كان قال بأعلى صوته و قعد يمن على الملاك أنه الوكيل الحنين بتاع مصالح العملاء و التاريخ العريق من التعامل المحترم و الكلمتين دول

لكنه مش هايبقى ناوي يغير الفتيس و هايقول انه هايجيب "قطع"
ولأن المشكلة موجودة من أوروبا من 2006 و يمكن قبل فالقطع دي لو حاجة جوهرية يعنى كانت نزلت أوتوماتيك في خط الإنتاج اللي بيصدر أوروبا برضه ..ولا إيه !!؟؟!

عموما ياريت يكون يكون في حل احنا نتمنى الخير لزمايلنا اللي عندهم مشكلة


أخر حتة بتاعة لو باظت الخليجي وجابت فتبيس ....هاغيره على حسابي
هانزل الحرفيين و أجيب فتيس استيراد

مش أروح أبات قدام عتبات الوكيل باشا و اشحت حقي منه و يقعد يلطمنى شهر و را شهر و عربيتي مرمية .

و في الأخر برضه ناس بتجيب فتيس استيراد

أنا أعرف واحد أستاذ تجميل اشتري a5 توكيل و قابلته مشكلة في الكمبريسور و طلعوا عينه لحد ما قال حقي برقبتي و اشترى واحد و ركبه و بعدين لما جه يجيب واحدة تانية جابها خليجي ....

اقتباس:

---

المشاركة الأصلية كتبت بواسطة sherifahmed

دى منتدى كيا و الناس تشهد انه محترم و هو هو رينو
و فى توكيلات تانية محترمة باس احنا مش سامعين عانهم عشان اعلب الناس هنا مش معاها بى ام و لا مرسيدس
نقطة ان اصلح العربية بفلوسى دا يمكن منطق منطق مقبول فى التيل او الطنابير او اى حاجة استهلاكية
مش اجى لماتور و لافتيس و اقنع انه ممكن يبوظ و اصلحه

---

طبعا توكيل كيا و رينو هما بلا شك أفضل توكيلين في مصر

بي إم ومرسيدس عندهم مشاكل برضه على فكرة و مش كتير اللي بيشكر فيهم بس انت عارف العلامة بتخوف فماحدش بيعرف يتكلم عليهم .

و بعدين تاني هو لو حضرتك ضربت فتيس وروحت التوكيل متخيل انهم هايقولوك ثواني نكشف عليها و نتأكد و نغيره ؟؟؟

في كلمة مشهورة قوي لازقة في بق أي توكيل"خصوصا في الحاجات الكبيرة" وهي سوء استخدام

و اثبت بقى ...

أنا ما اقصدش بالكلام ده كيا أو رينو

بس هم برضه المبيعات عندهم يطفشوا بلد

الحقيقة انا اللي كرهنى في عربية كيا مصر ....بتاع المبيعات البقال اللي كلمني

انا شايف ان الكلام ده لا ينطبق على الموقف, لأنك عكست النتائج...

يعني النتيجه المفروض تكون ان الخليجي طلع افضل من الوكيل و بدون مشاكل في (الكورولا)...

و انا فاهم انك تقصد ان لو الموقف اتعكس, و المشكله كانت في الخليجي مش الوكيل, هنعمل ايه؟؟ أنا معاك..
بس شوف في كام عربيه خليجي اتباعت بمختلف الماركات و انا عن نفسي ماسمعتش عن حد اشتكى...

طيب انا هقولك حاجه بسيطه جداا بما انك فاتح الموضوع في قسم كيا....

كل المشاكل اللي ملاك النيوسيراتو اشتكوا منها و على سبيل المثال (الحدفه شمال).. المفجأه... كانت كلها تبع الوكيل

و النيوسيراتو خليجي بالإجماع مافيهاش مشكلة الحدفه الشمال دي خالص.....

يبقى الخليجي طلع انضف و احسن 1000 مره من الوكيل نظرا كمان للكماليات الكتير و السعر أقل من سعر الوكيل

يبقى انا لو قدامي الوكيل... و الخليجي...... أكيد هشتري الخليجي و العقل بيقول كده...

انا بصراحة مع كل عضو او شخص يقول ان الخليجى افضل لانى انا من الناس الى عملت دا
رحت اشتريت جيتا خليجى كاملة بسعر اقل من الوكيل و كماليات ازيد فى حين ان التوكيل لو حصل حاجة فى العربية مصيبة هيعطل العربية وهيبهدلنى معاه وفى نفس الوقت هيعطلنى فى حين ان لو بعد الشر العربية فيها مصيبة انا هقدر ادخلها توكيل فولكس مصر غصب عن اصحاب التوكيل بانى اراسل الشركة الام وهى فولكس المانيا واقولهم على المصيبة الى عندى وهما هيتصرفو مع الوكيل بتاعهم وهتدخل التوكيل وهتتصلح غصب عنهم ودا طبعا لان شركة فولكس بتحاول تحافظ على اسمها فى كل مكان فى العالم وفى الاول وفى الاخر العربية بتاعتهم وصناعتهم مش صناعة شركة تانية واى شركة محترمة بتحافظ على عملائها حول العالم مش زى ما التوكيلات هنا بتقولك انت مش شارى العربية من عندى فا مش هضمنهالك ولو دخلت تعمل صيانة عندى هاخد الضعف عن عربياتى الى الناس شرياها من الوكيل

يا سيدى الفاضل انت واحد من الناس مش بتحب تغامر وبتخاف على فلوسك وبتخاف انك تجيب عربية خليجى عشان الضمان فى حين ان الضمان فى مصر متعب ومئرف وتوكيلات كلها اقل ما يقال عليها ورش فا حضرتك اخترت دا وانت حر فية
انما انا وغيرى من الاشخاص والاعضاء بنفضل السيارات الخليجى لانها بتدينا كل الى عاوزينة وبأقل سعر وعيوب تصنيع تكاد تكون معدومة ودا نظرا لان سوق الخليج من اهم اسواق السيارات للشركات ولان شركات السيارات بتحاول تحافظ على اسمها فى الدول دى لان الناس دى ما بتهزرش مش زى مصر مقلب زبالة
وان شاء الله ان ربنا اكرمنى بعد عربيتى الحالية واشتريت عربية بعدها حتى لو كانت غالية ان شاء الله هجيبها خليجى لانها افضل من االسيارات المصرية وارفها والحمد لله على كل شيئ واسف للاطالة

اقتباس:

---

المشاركة الأصلية كتبت بواسطة Ahmed Samy

حضرتك في عربيات كده ما حدش بيجيبها خليجي

و هي العربيات اللي عليها قلق سواء قلق حقيقي أو وهمي

شفت حد راكب ميجان خليجي ؟؟

شفت حد راكب سيتروين خليجي؟؟

شفت حد راكب فورد خليجي؟؟

ميزة الخليجي كانت انه بالموتور و الفتيس القدام اللي الناس عارفاهم و حافظاهم ...

و بعدين نيجي بقى للمهم

هو حضرتك فاكر ان التوكيل هايعمل ايه يعني؟؟؟؟؟

ده حياه لله هايغير شوية قطع مع ان العيب في التقنية نفسها

اللي تويوتا إيجيبت بتعمله دلوقتي هو علاج للأعراض علشان تخلص نفسها

بس المشاكل مش هاتختفي بشكل نهائي ...


الخليجي أضمن في نظري لسبب

لأن ما فيش توكيل في مصر محترم للدرجة اللي تشجعني اشتري عربيته

و مافيش قانون محترم برضه يجبر الوكيل انه يعاملني بأدب بدون مشاكل


يبقى بفلوسي أشتري مواصفات أفضل و عربيات أحسن ولما تبوظ أبقى عارف اني هاصلحها بفلوسي

و بلاها حرقة الدم

---

الرينو والستروين والبيجو واغلب السيارات الاوروبية مابتجيش من الخليج عشان مش منتشرة هناك وتوكيلاتها ضعيفة مابتبعش خمسين عربية في السنه ويمكن ستروين قفلت هنا في السعودية ورينو وبيجو مابنشوفهومش واوبل لا ندري عنها شيء باستثناء الاوميجا القديمة انما فيكترا واسترا مفيش خالص وكمان الامريكي مابيجيش من هناك عشان الوكيل بيركز علي العربيات الفخمة من اول الكراون فيكتوريا وانت طالع انما الفوكس والمونديو والفيستا مثلا مفييييييش
انا رأيي ميزة الخليجي في اداء المحرك في الاجواء الحارة وقوة نظام التبريد والمكيف الفعال والدهان الخارجي المقاوم للحرارة (تصل الي 70 درجة علي الاسطح البيضاء و80 علي الاسطح السوداء انما في المتوسط تحت الستين بشويه - نقدر نتحملها :jiggy:- انما الكماليات هاتلقيها في الوكيل لكن سعرة اغلي بالطبع طبقا لظروف السوق المصري

انا شايف ان موضوع الوكيل والخليج دة يرجع لعومل كتيرة تخص المشتري فقط ودة قرارة هوا - يعني قرارة دة اكيد حيخلية يتنازل عن حجات مقابل حجات تانية سواء في الخليجي او الوكيل

بس خلوني اسالكم سؤال بعيد عن كلام التجار والوكيل والاشاعات والفتاوي المصرية

تفتكروا فعلا في فرق في الخامات بين الخليجي والامريكي والمصري ؟
اكيد في فرق في الكماليات بس الجودة لااظن - المصنع مش معقول خط انتاجة حيتغير في استخدام خامات معينة عشان ينتج مثلا 10000 عربية للخليج مخصوص !!!!!!

عموما انا قولت الكلام دة عن تجربة - بعد ما اشتريت عربيتي روحت اشوف خليجي عند ناشونال موتورز - بعديا بعمارتين - مفيش فرق 1% بين الاتنين - ممكن بس اني لقيت عندة واحدة بابها مكسى قماش - لكن خامات !!!!!!!!! واحددددددددددددددددددد

سيبك من كلام التجار والعادة السيئة اللي احنا متعودين عليها ان الدهان بيستحمل حرارة والتكيف اقوي والفرش مضاد للحرارة

علي فكرة الحاجات دي كانت موجودة فعلا زمان في التمانينات في الخليج بس للعربيات الامريكاني فقطططططططططططط ودة كان بناءا علي سياسات التسويق لاكبر سوق للعربيات الامريكي


واخيرا عشان الموضوع ميقلقش حد - دة رائي وعلي قد معلوماتي وفهمي - ممكن اكون غلط -

بس اكيد انا صح - هههههههههههههه :E_braces[1]:

اقتباس:

---

المشاركة الأصلية كتبت بواسطة atrees

انا شايف ان موضوع الوكيل والخليج دة يرجع لعومل كتيرة تخص المشتري فقط ودة قرارة هوا - يعني قرارة دة اكيد حيخلية يتنازل عن حجات مقابل حجات تانية سواء في الخليجي او الوكيل

بس خلوني اسالكم سؤال بعيد عن كلام التجار والوكيل والاشاعات والفتاوي المصرية

تفتكروا فعلا في فرق في الخامات بين الخليجي والامريكي والمصري ؟
اكيد في فرق في الكماليات بس الجودة لااظن - المصنع مش معقول خط انتاجة حيتغير في استخدام خامات معينة عشان ينتج مثلا 10000 عربية للخليج مخصوص !!!!!!

عموما انا قولت الكلام دة عن تجربة - بعد ما اشتريت عربيتي روحت اشوف خليجي عند ناشونال موتورز - بعديا بعمارتين - مفيش فرق 1% بين الاتنين - ممكن بس اني لقيت عندة واحدة بابها مكسى قماش - لكن خامات !!!!!!!!! واحددددددددددددددددددد

سيبك من كلام التجار والعادة السيئة اللي احنا متعودين عليها ان الدهان بيستحمل حرارة والتكيف اقوي والفرش مضاد للحرارة

علي فكرة الحاجات دي كانت موجودة فعلا زمان في التمانينات في الخليج بس للعربيات الامريكاني فقطططططططططططط ودة كان بناءا علي سياسات التسويق لاكبر سوق للعربيات الامريكي


واخيرا عشان الموضوع ميقلقش حد - دة رائي وعلي قد معلوماتي وفهمي - ممكن اكون غلط -

بس اكيد انا صح - هههههههههههههه :e_braces[1]:

---

هطلب منك طلب واحد بس يا عتريس باشا....

جرب تسوق النيوسيراتو الكوري (استيراد كوريا مباشرة), و قوللي الأخبار ايه؟؟

الخليجي هو هو المصري لأن مصر مالهاش مواصفات قياسيه, فبتجيب مواصفات الخليجي
باختلاف الكماليات (فقط)..... يعني المصري هو الخليجي مع فرق الكماليات اللي بيشيلها التوكيل

لكن خط الانتاج اللي بيطلع للخليج هو نفسه اللي بيطلع لمصر و هو خط انتاج الشرق الأوسط

عشان كده فعلا مافيش فرق زي ما قلت, و عندك حق فعلا......
جرب الكوري بقى و قوللي ايه الفرق..... تحياتي يا باشا...

اقتباس:

---

المشاركة الأصلية كتبت بواسطة ghazy12

هطلب منك طلب واحد بس يا عتريس باشا....

جرب تسوق النيوسيراتو الكوري (استيراد كوريا مباشرة), و قوللي الأخبار ايه؟؟

الخليجي هو هو المصري لأن مصر مالهاش مواصفات قياسيه, فبتجيب مواصفات الخليجي
باختلاف الكماليات (فقط)..... يعني المصري هو الخليجي مع فرق الكماليات اللي بيشيلها التوكيل

لكن خط الانتاج اللي بيطلع للخليج هو نفسه اللي بيطلع لمصر و هو خط انتاج الشرق الأوسط

عشان كده فعلا مافيش فرق زي ما قلت, و عندك حق فعلا......
جرب الكوري بقى و قوللي ايه الفرق..... تحياتي يا باشا...

---

طيب والنبي دي بقي اجيبها منين - ههههههههه
ياباشا خلينا في الخليجي والمصر متقلبش علينا المواجع :pointi~2[2]:

صباحك فل

اقتباس:

---

المشاركة الأصلية كتبت بواسطة Atrees

طيب والنبي دي بقي اجيبها منين - ههههههههه
ياباشا خلينا في الخليجي والمصر متقلبش علينا المواجع :pointi~2[2]:

صباحك فل

---

ههههههههههههههههه.... لأ دي متوفره في الأسواق, حتى اسأل في كارفور... :ma:

صباح الفل يا باشا...

اقتباس:

---

المشاركة الأصلية كتبت بواسطة ghazy12

هطلب منك طلب واحد بس يا عتريس باشا....

جرب تسوق النيوسيراتو الكوري (استيراد كوريا مباشرة), و قوللي الأخبار ايه؟؟

الخليجي هو هو المصري لأن مصر مالهاش مواصفات قياسيه, فبتجيب مواصفات الخليجي
باختلاف الكماليات (فقط)..... يعني المصري هو الخليجي مع فرق الكماليات اللي بيشيلها التوكيل

لكن خط الانتاج اللي بيطلع للخليج هو نفسه اللي بيطلع لمصر و هو خط انتاج الشرق الأوسط

عشان كده فعلا مافيش فرق زي ما قلت, و عندك حق فعلا......
جرب الكوري بقى و قوللي ايه الفرق..... تحياتي يا باشا...

---

انا معاك تماما ي باشا
ولذلك فانا اشتريت العربية وكيل لان موضوع الكماليات الزيادة من وجهة نظري مش فارقة