و دى سهلة عندى البرنامج و النخيلى ينفذ اى بورده
عرض للطباعة
و دى سهلة عندى البرنامج و النخيلى ينفذ اى بورده
طيب عايزين شكل الفوانيس دى
مش دى ممكن تتعمل عند اى حد بيصب فبر ؟
و التكلفه ممكن تكون فى حدود كام ؟
عيب عليك سهل إنك تنفذها شوية حمض ب 2.5 حنية من عند النخيلى و دوبه فى مية و غطس فيه البوردة بس خد بالك بقعته ما بتطلعش طبعا بعد لما تطبع الدايرة على البوردة و دى ممكن تعملها بقلم دوكو خطين متوازين و كام مقاومة فى الأول و بعدين أخرم مكان الليدات ببنطة 2 أو 1.5 ملى و إلحم بكاوية و قصدير و العلبة فى علب جاهزة ممكن تشوفها
لا انا مش فاهم اى حاجه من المصطلحات دى ؟
الموضوع كبييييييييييير بس بسيط
بتروح لبتاع إلكترونيا "زى غازى كدا يا عماد" و بتشترى بوردة بالمقاس الى أنت عايزه
و بعدين تجيب قلم دوكو و ترم على الجزء النحاس شكل الدايرة "جيبه من على النت" فى برنامج ممكن يرسمهولك لو عايز eagle
و بعدين تنقع البوردة فى حمض "بيبقى على شكل حجر أو بيتباع فى أكياس على شكل سائل أيا يكن بتدوبه فى مية"
بعد ربع ساعة أو أقل حسب تركيز الحمض بيكون النحاس كله إتاكل و فضل الجزء المتغطى بالدوكو
تجيب بنطة 1.5 ملم أو 2 ملم و تخرم بيها أماكن تركيب الليدات واحد للموجب و واحد للسالب
و بعدين تشيل الدوكو الى على الأخرام بتنر أو سنفره براحة
ركب الليدات فى الإخرام
إلحمها بمكوة لحام
و صل سلك كهربا فى خرمين زيادة
و بعدين حط الدايرة فى العلبة "ممكن تلاقى عند بتاع الإلكترونيات علب شوفها الأول"
بس كدا كله تمام
ممكن تعمل علبه عمولة لو عايز بس معرفش فين ممكن الى هتشترى منه الحاجة يكون بيعمل هى بتيجى من القاهرة منين مش عارف
تمام كده المعلومه وصلت
يا سيدى انا تعليمى تجاره انجليزى
يعنى مش فاهم حاجه برضه
بس الموضوع الصراحه مشوق جدا ودخلت فى دماغى اعمله
لانى نفسى اعمل فوانيس اللى ورا ليدات و الاسعار طبعا انت عارف فى السما ف ملاخر كده انت هتسعدنى ان شاء الله
ياااه انت قديم قوى فى موضوع الحمض ده
فيه اسبراى باستعمله بتاع شركة امريكى اسمه سيجما تك
طيب تمام اوى طنانى باشا انت فاهم اللى سحس بيقول عليه ده ؟
قشطه جدا انا عارف انك بتحب تشتغل بأيدك برضه
طيب ما يالله افكار بقه كده و واحده واحده و نظبط الدنيا