المشاركة الأصلية كتبت بواسطة KHALED AYMAN
يمكن أكون مختلف معاك شوية في الرأي دة ، لكذا سبب ..
أولاً لأن الاتنين بيجيبو من مورد واحد ، يعني الفانوسين Hella ألماني و لمبات Philips (أو أنواع متقاربة ) يعني سعرهم واحد ، أنا مش بقارن فانوس ألماني بفانوس أمريكي أو أسيوي لأ دول نفس التصميم و المنشأ ،
السبب التاني إن حتى لو حسبة حضرتك سليمة و الموضوع كله طمع توكيلات في مصر ، نقارن العربيتين ببعض ، الأوبل ال-١٦٠٠ ال-HighLine (إلي محتاجة زينون يعني ) سعرها ١٧٥ ألف، و ال-BMW ال-١٦٠٠ 316i سعرها ٢١٠ ألف دلوقتي ،
يعني لو سعر زينون الأوبل ١٤ ألف يبقى بالنسبة و التناسب سعر الزينون في BMW يكون حوالي ١٧ ألف، و هي دي الحقيقة بالنسبة للشكل القديم ، الفانوس فعلاً كان ب-١٧ ألف .
تالت حاجة بقى أنا مش مقتنع بالسعر دة ٣٦ ألف ، ببساطة عشان BMW لسه منزلتش فوانيس الشكل دة retrofit حتى خارج مصر ، يعني طقم يتباع و يركب مكان فوانيس الأصلي ، لكن هي نزلت فوانيس راكبة فبريكة في موديلات معينة ، الفرق إيه بقى .. إن إلي بتنزل راكبة مش مجرد فوانيس ، دي فيها auto- leveling (يعني بتعلي و توطي الفوانيس تلقائي حسب ميل العربية ) ، و كمان adaptive lighting (يعني بتحود يمين و شمال الفانوس حسب تحويد العربية ) و كمان فيها رشاشات غسيل الفوانيس ، و أكيد الكنترول بتاع كل دة ، يعني لو جمعت دول هيطلع سعرهم كتير كقطع غيار (غالباً دة إلي عمله الرجل في التوكيل و عشان كدة قال ٣٦ ألف و إن كنت مازلت غير مقتنع ) ، انما الفانوس لو نزل عشان يركب مكان العادي (retrofit يعني ) بيكون عادي أو بالكتير فيه auto-leveling فقط ، و هو دة إلي موجود حالياً للشكل القديم ، و سعره ١٧ ألف