الموضوع: طلب من المهندس / سمير عياد

المشاركة الأصلية كتبت بواسطة bolbol2005

هوه معلش كده يا باشمهندس سمير
سؤال تقدر تقول عليه لماضة
هوا ما فيش احتمال ان يكون التسريب من نقطة الربط بين طلمبة المياه والخرطوم اللي داخلها ( لو كان خرطوم يعني ) يعني ممكن تطلع من الخرطوم مش من الطلمبة
ولا هوه أكيد الطلمبة
علشان حأروح اشتريها الأول وبعدين اطلع على الميكانيكي
وخايف يطلع ان المشكلة مش فيها
ايه رأي حضرتك أو الأخوة الزملاء

انا هرد عليك وطبعا ده لا يغني عن رد استاذنا المهندس سمير

طلمبة المياه لا يصل بها خراطيم لأنها بتقلب المياه او تدفعها داخل جسم المحرك و بالتالي داخل نظام تبريد المحرك وهي فاعلا راكبة كجزء من المحرك . الجزء الي جوه بيكون عامل زي الساقية والجزء الي بيظهر منها في بعض المحركات بيتربط في طارة او بكرة وبتاخذ الحركة من سيير المجموعة وفي محركات اخرى اخرى بيكون مفيش بكرة وبيكون الجزء الخارجي عبارة عن ترس زي ترس التقيسمة بس قطرة اصغر وبيدور عن طريق سير الكاتينة او سير التوقيت.

والترشيح منها علامة للمتخصص انه عمرها اوشك على النهاية ويجب تغييرها