هل ممكن تركيب موتور جولف2 للبيتلز

السلام عليكم
ازيكم يا محبي البيتلز

النهاردة وانا ماشي فى اول فيصل لقيت مايكروباص فولكس واقف على جنب
وكان فاتح الكبوت فلاحظت سربنتينة ووراها مروحة وموتور شكله غريب
دا غير ان الموتور داير ومفيش صوت طالع منه
لدرجة انى قلت دا مش فولكس روحت طالع اشوف وش العربية لقيته فولكس فعلا

قلت للسواق ايه السربنتينة اللى راكبة دى
قاللى العربية دى متركبلها موتور جولف تبريد مية

قلتله دى اول مرة اشوف الموضوع ده
قاللى انا من السيدة زينب والاغلبية هناك معدلين لمواتير جولف

قلتله اوصفلي الميكانيكي بتاعك قاللى عند مطعم الجحش اسمه احمد عبد اللطيف هو مشهور جدا هناك


فأنتوا ايه رأيكم فى الموضوع ده
ينفع يتركب موتور جولف للبيتل كمان لان حوض الموتور واحد تقريبا

فى موضوع فى القسم هنا بيسالوا عن مواتير الجولف2
فمن ضمن الردود ان فى الوكالة مواتير نضيفة 1800 cc بالفتيس بالضفيرة 3500 جنيه

وبالنسبة للبيتلز المهندس احمد قال ان المواتير ال 1600 cc النضيفة بتبدأ من 4000 جنيه


ياريت ينفع
مع انى بحب مواتير البيتلز بس برضه موتور الجولف حديث واكيد مبيسحبش بنزين زى ماتور البيتلز

----------
محمد سالم

بصراحه هتبقى عربيه جامده بالموتور الجديد ده غير السحب ... بس كل ده يعتمد على النظريه , هل فعلا ينفع يتركب الموتور ده داخل حوض البيتلز ؟؟ حتى ولو فى تعديلات بسيطه هتحصل .. هيفيدوك اكتر اعضاء المنتدى - متااااابع باهتمام

شكلك يا محمد باشا الموضوع دخل دماغك وعشش فيها خلاص
بس أنت تعرف الموضوع ده لو نفع هيبقى كويس جدااااااا، وناس كتير هتعمله، وساعتها مواتير الجولف هتغلى علشان الطلب هيبقى أكثر من العرض

اقتباس:

---

المشاركة الأصلية كتبت بواسطة asaeed

شكلك يا محمد باشا الموضوع دخل دماغك وعشش فيها خلاص
بس أنت تعرف الموضوع ده لو نفع هيبقى كويس جدااااااا، وناس كتير هتعمله، وساعتها مواتير الجولف هتغلى علشان الطلب هيبقى أكثر من العرض

---

مواتير الجولف زى الرز بس اللى يشيل

اقتباس:

---

المشاركة الأصلية كتبت بواسطة asaeed

شكلك يا محمد باشا الموضوع دخل دماغك وعشش فيها خلاص
بس أنت تعرف الموضوع ده لو نفع هيبقى كويس جدااااااا، وناس كتير هتعمله، وساعتها مواتير الجولف هتغلى علشان الطلب هيبقى أكثر من العرض

---

ويترتب عليه ان مواتير البيتل هترخص وتبقى مرميه فى الشارع --- كلام جميل :049:

متابع

لو كده انا ممكن اجيب بيتلز تاني واركب موتور جولف 2

اقتباس:

---

المشاركة الأصلية كتبت بواسطة gomangy

متابع

لو كده انا ممكن اجيب بيتلز تاني واركب موتور جولف 2

---

ياباشا إنت فين
من ساعة ما بعت البيتلز ماحدش بيشوف تعليقاتك في المنتدى ليه.

العربية البيتلز بتاعتك كانت موديل كام وجابت سعر كام في السوق... لحسن والله دايخ على واحدة تكون بحالة محترمة لأخي الأصغر، وكله بيضرب أرقام عالية ولسة شايف عربية 1302 وكانت واقفه بتلين ساعتها وكان صاحبها طالب فيها 17000 جنيه بس كانت حالة نظيفة جداً ولكن السعر كان عالي جداً، لحد ما أخويا زهئ وفكر يشوف حاجة تانية غير البيتلز وأنا إللي مصبره بسبب حبي في ا لعربية دي
وبرده شفت واحدة 1303 موديل 75 من فترة شهر وصاحبها كان طالب نهائيييي 15000 جنيه بس كانت حالتها صعبة الموتور بتاعها خفيف وكان الصاج محروق من عند المكان إللي فوق الموتور، شكل الكهربة عملت أفلة وولعت الجزء الخلفي بس كانت عايزة سمكرة بسيطة وعايزة دوكو كامل وعصاية الفتيس كان فيها بوش جامد

إيه رأيك بأه في الأسعار دي:8954[1]:

عمرو باشا السقا اخبارك ايه
بالنسبة لتركيب موتور تاني للبيتلز الاجانب بيحبوا يركبوا مواتير السوبارو

وفى فيديو على اللينك ده
YouTube - My VW drag beetle with 2330cc subaru sti turbo engine

فيه بيتلز مركبة موتور سوبارو 2330cc بس ايه وحش كاسر

وكمان دا فيديو لعربية بيتلز مركبة موتور جولف
A VW Golf engine in a old beetle... Een volkswage - Car Videos on StreetFire


ياريت لو حد ساكن فى السيدة زينب يسأل فى الموضوع ده سواقين مايكروباص الفولكس

--------------
محمد سالم

اقتباس:

---

المشاركة الأصلية كتبت بواسطة asaeed

ياباشا إنت فين
من ساعة ما بعت البيتلز ماحدش بيشوف تعليقاتك في المنتدى ليه.

العربية البيتلز بتاعتك كانت موديل كام وجابت سعر كام في السوق... لحسن والله دايخ على واحدة تكون بحالة محترمة لأخي الأصغر، وكله بيضرب أرقام عالية ولسة شايف عربية 1302 وكانت واقفه بتلين ساعتها وكان صاحبها طالب فيها 17000 جنيه بس كانت حالة نظيفة جداً ولكن السعر كان عالي جداً، لحد ما أخويا زهئ وفكر يشوف حاجة تانية غير البيتلز وأنا إللي مصبره بسبب حبي في ا لعربية دي
وبرده شفت واحدة 1303 موديل 75 من فترة شهر وصاحبها كان طالب نهائيييي 15000 جنيه بس كانت حالتها صعبة الموتور بتاعها خفيف وكان الصاج محروق من عند المكان إللي فوق الموتور، شكل الكهربة عملت أفلة وولعت الجزء الخلفي بس كانت عايزة سمكرة بسيطة وعايزة دوكو كامل وعصاية الفتيس كان فيها بوش جامد

إيه رأيك بأه في الأسعار دي:8954[1]:

---

يا باشا انا موجود كل يوم
وللاسف انا رميت العربيه بعتها ب13000 والله وكانت تمام حاله الف الالف يكفي ان عمرها ما زعلتني ولا وقفتني كان فيها اربع فرد بريدجيستون ياباني وبطاريه جديده وجنوط اسبور 15
يلا الحمد لله الله يبارك للحاجه اللي خدتها مني وعلي ما اعتقد ان هي باعتها لان خلت صاحب العربيه الجديد يكلمني قال ايه مش عارف يفتح الشنطه
بس من ساعه ما عرفت ان ممكن يركب عليها موتور الجولف 2 وانا ابتديت اون ون :8954[1]: تاني علي بيتلز لاني بجد انا بحبها جدا بس مشكلتها انها صغرت عليا انا واسرتي
والله المستعان

اقتباس:

---

المشاركة الأصلية كتبت بواسطة gomangy

يا باشا انا موجود كل يوم
وللاسف انا رميت العربيه بعتها ب13000 والله وكانت تمام حاله الف الالف يكفي ان عمرها ما زعلتني ولا وقفتني كان فيها اربع فرد بريدجيستون ياباني وبطاريه جديده وجنوط اسبور 15
يلا الحمد لله الله يبارك للحاجه اللي خدتها مني وعلي ما اعتقد ان هي باعتها لان خلت صاحب العربيه الجديد يكلمني قال ايه مش عارف يفتح الشنطه
بس من ساعه ما عرفت ان ممكن يركب عليها موتور الجولف 2 وانا ابتديت اون ون :8954[1]: تاني علي بيتلز لاني بجد انا بحبها جدا بس مشكلتها انها صغرت عليا انا واسرتي
والله المستعان

---

للأسف أنت بعتها لواحدة تاجرة في السوق لأن هناك سيدات بيتاجروا هناك في العربيات ولو طلعت من العربية بـ 500 جنيه زيادة أو 200 جنيه يبقى بالنسبة لها تمام لأنها ماخسرتش حاجة خالص
بس هي كانت موديل كام؟

اقتباس:

---

المشاركة الأصلية كتبت بواسطة asaeed

للأسف أنت بعتها لواحدة تاجرة في السوق لأن هناك سيدات بيتاجروا هناك في العربيات ولو طلعت من العربية بـ 500 جنيه زيادة أو 200 جنيه يبقى بالنسبة لها تمام لأنها ماخسرتش حاجة خالص
بس هي كانت موديل كام؟

---

يلا الحمد لله نصيب
هي كانت 1302 موديل 72 وكنت بسافر بيها زي الفل والله انا كنت جاي من سوهاج ومكنش عندي استعداد اني اقعد انزل بيها كل شويه لان هي ملهاش زبون عندنا لان مفيش حد يفهمها

اقتباس:

---

المشاركة الأصلية كتبت بواسطة smsmxxxxxx

عمرو باشا السقا اخبارك ايه
بالنسبة لتركيب موتور تاني للبيتلز الاجانب بيحبوا يركبوا مواتير السوبارو

وفى فيديو على اللينك ده
YouTube - My VW drag beetle with 2330cc subaru sti turbo engine

فيه بيتلز مركبة موتور سوبارو 2330cc بس ايه وحش كاسر

وكمان دا فيديو لعربية بيتلز مركبة موتور جولف
A VW Golf engine in a old beetle... Een volkswage - Car Videos on StreetFire


ياريت لو حد ساكن فى السيدة زينب يسأل فى الموضوع ده سواقين مايكروباص الفولكس

--------------
محمد سالم

---

مس مش عارف ليه انا حاسس أن الموتور البيتلز الأصلي أحسن!! وأكيد لو كان موضوع تغيير الموتور بموتور جولف أحسن للعربية كان الميكانيكية اشتغلوا على الموضوع ده على طول وكان الموضوع انتشر... ده اعتقادي..
ده انا بأشوف ناس معدية بموتور البيتلز الـ 160 كيلو على الطريق السريع، لدرجة أني والله باستغرف لآن الموتور عندي بتاع عربية 132 والـ 1600 و2 كامة ومابيجبش السرعة دي :I_angr1[1]:

انا وصلت بعربيتي 140 مرتاح اوي
بس محبتش ادوس عليه اكتر من كده بصراحه صعبت عليا

اقتباس:

---

المشاركة الأصلية كتبت بواسطة gomangy

يلا الحمد لله نصيب
هي كانت 1302 موديل 72 وكنت بسافر بيها زي الفل والله انا كنت جاي من سوهاج ومكنش عندي استعداد اني اقعد انزل بيها كل شويه لان هي ملهاش زبون عندنا لان مفيش حد يفهمها

---

وبردو فى اسيوط مفيش حد بيفهم فيها ... تقريبا فى ميكانيكى واحد بس هو اللى بيصلحها -- اكيد انت عارف

طب حتى لو جبت الماتور بتاع الجولف الريداتير هايركب فين
وش العربية الميكروباص مسطح يعني فتحتين قدام ويركب الريداتير وخلاص

الريداتير كان راكب ورا وهو دا اللى خلاني لاحظت ان الموتور غريب

وفى البيتلز كمان ممكن يركب ادام شوف الفيديوهات اللي انا حتطها هتلاقي كدة

صدقونى لو الموضوع نفع هيبقي مصلحة جامدة
لان الموتور الجولف ارخص او بنفس سعر موتور البيتلز
دا غير انه احدث
فى موضوع فى المنتدى واحد عايز يعمل طقم شمبر لموتور الجولف
وكان رد الناس اللى معاهم جولف انه يكمل على الموتور ويجيب واحد استيراد ارخص
لان ممكن بعد الشمبر يحتاج حجات تانية

----------
محمد سالم

استاذ هاشم و باشمهندس احمد
اخباركم ايه
كان نفسي اعرف رأيكم فى الموضوع ده ايه


------------
محمد سالم

السلام عليكم ورحمة الله وبركاته

و الله موضوع جامد و دخل دماغى !!!!
بس ماعنديش فكرة كاملة عنه
بس أنا ساكن قريب من السيدة زينب و إن شاء الله فى أقرب فرصة هاعدى على الميكانيكى ده و أشوف إيه النظام و أحكيلكو نتيجة الزيارة بالتفصيل بأمر الله

ازاي هو مش موتور البيتل بوكسر ؟؟ وموتور الجولف in line ؟
انا شايف انك لو عايز حاجه جامده تسقط موتور سوبارو 1600 بس تلاقي اللي يفهم ويعرف يظبطه

ربنا يخليك يا احمد باشا انتا فعلا احسن واحد يقدر يجيب اخر الموضوع ده
وتقدر تعرف جدواه
ويارب ينفع لان فلوس العمرة خسارة فى الصنايعية بتوع الاستيراد احسن

استاذ مصطفي الحسين
فعلا الاجانب بيركبوا السوبارو
بس بالنسبة لتركيب اموتور الجولف فهو راكب على المايكروباص
وموتور المايكروباص والبيتل واحد بالظبط

فياريت ينفع يتركب للبيتل

------------
محمد سالم

متابع باهتمام جدا

مش عارف ينفع ولا لأ بس الموضوع بتاع ماتور السوبارو مينفغش في مصر
لانه بيقولك لو عايز تسقط ماتور في العربيه لازم يكون من نفس النوع يعني مينفعش اسقط ماتور هيونداي في دايو او ميتسوبييشي في تويوتا :majd(4):

بالنسبة للمرور انا بفكر لو الموضوع نفع اخلي الموتور القديم عندى
وكل 3 سنين اركبه وارخص وارجع اركب الموتور بالتعديل تاني
حتى لو الموضوع اتكلف فهيبقي تكلفته اقل من سحب البنزين للمواتير القديمة
دا غير الكفائة الاعلي وقلة الاعطال

----------
محمد سالم

السلام عليكم
محدش سأل علي الموضوع دة يا جماعة

اقتباس:

---

المشاركة الأصلية كتبت بواسطة ahit

السلام عليكم ورحمة الله وبركاته

و الله موضوع جامد و دخل دماغى !!!!
بس ماعنديش فكرة كاملة عنه
بس أنا ساكن قريب من السيدة زينب و إن شاء الله فى أقرب فرصة هاعدى على الميكانيكى ده و أشوف إيه النظام و أحكيلكو نتيجة الزيارة بالتفصيل بأمر الله

---

ياريت لو كنت سألت الميكانيكي تقولنا اية النتيجة و فعلا ينفع و لا لأ

و كمان سمعت عن ماتور البورش ينفع يركب صح ولا لأ

البيتلز بيركب ليها موتور البورش بس انهى طراز مش عارف
والسوبارو كمان بيركب الاجانب بيركبوا دول

بس المواتير دى اسعارهم اغلي من الجولف وقطع غيارهم وصيانتهم غالية

لكن موتور الجولف استيراد نفس ثمن موتور البيتلز ال 1600 cc
وموجود اكتر والتكنولوجيا اللى فيه افضل من البيتلز

هو بيركب على المايكروباص فإنشاء الله يركب على البيتلز

بس محتاجين متطوع يكون ساكن قريب من السيدة زينب يسأل في الموضوع ده

-------------
محمد سالم

انا سئلت واحد ف الهرم عامل القصه دي من كام يوم
بس في ميكروباص قالي التكلفه كلها 1600 جنيه الماتور1100 جنيه+ 200جنيه حاجه اسمها بلاطه و مش عارف 3000 جنيه بتوع ايه
بس بيقولي الماتور بيشتغل معاهم سنتين بس في ميكروباص

المايكروباص سهل لان حوض الموتور كبير
وانا شفت مايكروباص مركب موتور جولف
ومايكروباص تاني مركب موتور تويوتا

-----------------
محمد سالم

السلام عليكم و رحمه الله و بركاته
طبعا احنا اتعودنا على موتور البيتلز و طريفه عملة و صيانته و اترحما من تزويد المية فى كل شويه و الريداتير اللى كل شوية بيتخرم و الاعطال اللى فى المواتير الاماميه احنا منعرفهاش و لا عندنا ايه فكرة بالصيانه الخاصه بيها فخلينا مع اللى نعرفه احسن --- الالمان دول ناس عباقرة و متخصصين و عارفين بيعملوا ايه .........................

من شدة موتور الجولف بيكسر قواعد الموتور والله اعلم

نبيل أنست اللى فى السيدة زينب طلع سمكرى بيتل مش ميكانيكى

ريح دماغج وهات جولف:8954[1]:

يا جماعة انا نزلت سألت على الميكانيكى اللى اسمه احمد عبداللطيف جنب مطعم الجحش فى السيدة زينب مفيش خالص حد بالاسم ده و لقيت هناك ميكانيكى فولكس سألته قاللى اولا الميكروباصات عندها مساحة اكبر انه يتركبلها موتور الجولف و كمان فيه مكان للردايتير لان الموتور تبريد مية لكن الفولكس هيتحطلها الموتور ده فين و ازاى هتظبط الفتيس مع الموتور بتاعها و هتشيل بأه الكنبة الورانية ولا تطول البودى عشان تحط الموتور يعنى من الاخر كده اقنعنى انها فكرة فاشلة و لو حد عنده رد عليا يجاوبنى

واضح ان موضوع الموتور ده تعبك اوي ...... نصيحه على الاصل دور و خليك فى موتور البيتلز الاصلى و توكل على الله مفيش حاجه مضمونه ميه فى المية خد بالاسباب و هات ميكانيكى شاطر و الاخوة هنا فى المنتدي رشحولك اكتر من واحد ممكن تشتري منه و توكل على الله و اشترى و ركب و ان شاء المولى يكون اكتر من ممتاز .......... ربنا معاك

في فعلا واحد برة مركب موتور جولف للبيتلز
بس الكبوت مبيقفلش يعنى عامله تعديل مخليه مفتوح من فوق
وكمان الموتور نازل اوى من تحت ودا طبعا عندنا مشكلة لان المطبات الصناعى والحفر اكتر من الهم على القلب

انا شفت صور لمواتير سوبارو راكبة لقيتها تقريبا نفس حجم موتور البيتلز
وبتحتاج ادابتور علشان تتوصل مع الفتيس
والعربيات طبعا اللى مسقطة سوبارو في الشد والجرى اوعي وشك

ومشكلة المرور مقدور عليها خللي الموتور القديم عندك وابقي ركبه كل 3 سنين ساعة الفحص

بس طبعا الموضوع عاوز واحد غاوى لانه هيصرف جامد

-----------------
محمد سالم

الفيديو ده حيفيد حضرتك جدا

https://youtu.be/Ph4HdtPTSCM

https://youtu.be/Ph4HdtPTSCM