الموضوع: فيلم رعب ..حصري من وإلي الشعب المصري

ksa

تاكس اي اللي ازنقه

اذا كنت انا اصلا في ديل التريللا

التاكسي ملوش اي علاقة بيها ولا هيصيبه اي ضرر

هوا بس كان مستعجل

المشاركة الأصلية كتبت بواسطة islamislam

مرحبا بكم فى جمهورية الهرم العظمى
انا اصلا ساكن جنب الشارع ده عند الكوبرى فى المريوطية وده شارع نحس اغلب الى بيدخلو الشارع ده اول مره بياخدو مخالفة عكس اتجاه السير فى كامين هناك لابد لاى حد معاه عربية فى الذرة فى ناصية شارع عادى جدا ومن حوالى 7 شهور الفراخ البيضة اعتبرو اتجاه واحد من غير اى علامات ارشادية !! وكل يوم بيلقطو رزقهم منه اى حد داخل من المريوطية للنفق بياخد مخالفة والى يغيظ الواحد اكتر ان اخر الشارع ده فرده واحده عشان الكوبرى الى بيتعمل وبعديه ملف للدائرى حبابيبنا الحلوين بيقولو ملهمش دعوة تقعد تمشى مخالف قبل ما تيجى عندنا بعد كده تمشى لاخر الشارع عشان تخش الملف :i_angr1[1]: حاجة تقرف والله من كام شهرحصل موقف فيه جنينى الضابط حب يكتب مخالفة عكس اتجاة لموتسيكل صينى راح صاحب الموتسيكل سابهولة ومشى قالو خد الموتسيكل بيعه وادفع المخالفة انا خلاص مش عايزة معيش فلوس ادفع المخالفة
والف ااااااااااااااااااااااااا ااااااااااااه عليكى يا مصر .

ههههههههههههههههههههههههه هههههههه
يبقي مش لوحدنا
انا في اول فيصل عند المرور
المفروض لو حبيت تطلع كوبري فيصل بتلف من جنب المرور وتاخد الشارع لغاية ما تبقي عند مطلع الكوبري بتلف وتاخد الكوبري وتمشي
اخوانا البعدة مزاجهم بقة كل كام يوم تلاقي امين شرطة اسمالله واقف اي عربية يا اما تلف من شارع جانبي حقير ياخد عربيتين بالعافية ودايما العربيات راكنة فيه فبالتالي بياخد عربية واحدة بس وتلف من وسط البيوت عند اولاد رجب وترجع تاني تاخد الكوبري واللى يجنن ان الشارع الضيق ده مكسر بشكل رهيب يعني تدخل بالعربية زيرو خارجة من المصنع تخرج منه تغير عفشة
واللى يجنن ان مفيش يافطة ولا اي حاجة تقول ان الطريق ده عكسي
من كام يوم امين شرطة اسمالله كان عامل كمين مع نفسه واقف مستخبي وسط العريبات اللى بتركن عند مطلع الكوبري بالليل (اصحابها بيبقوا قاعدين في القهاوي اللى ادام الكوبري) ويسيبك لغاية قبل ما تلف مباشرة ويطلع من وسط العربيتا يقولك عكسي وياخدك المخالفة المحترمة اللى ب1200 جنيه
طب يا بني ادم اقف وشاور للعربيات تدخل من الشارع الجانبي يقولك لا مش شغلتي
طب مين قال ان كدة عكسي يقولك فيه يافطة في اول الشارع عند المرور
قلت له تعال وريني اليافطة فين مفيش يفط دي حتتي وحافظها يقول لا مش جاي
بيني وبينكم اتخنقت منه بشكل رهيب
1200 جنيه غرامة عكسي ليه ؟
علشان واحد حمار معندوش ضمير
كلمة مني كلمة منه شدييت منه دفتر المخالفات وكنت هضربه شد لادفتر وجري ناحية الكشك اللى عند اول فيصل
رحت وراه على الكشك لقيته مش فيه ومختفي
والمفاجأة لقيت لواء شرطة وعميد شرطة قاعدين والكشك ده معروف اخره نقيب
دخلت عليهم شايط وبزعق ازي يحصل كذا وكذا
الاول العميد دخل فيا شمال وزعق واعرف انت بتكلم مين سيادة اللوا مدير مرور الجيزة
قلت له وانا مش صايع انا دكتور في الجامعة
والمفروض متخلوش امين شرطة يقف يدي مخالفات زور على الفاضي وهو اخره 5 جنيه لو انتم مش هنا
كلمة مني كلمة منه اللوا قالي اهدا شوية واشرب مية
هديت العميد قالي هات رقم رخصتك اديته الرقم قالي خلاص اتفضل انت
بعدها بدقايق كلمت واحد معرفة ظابط في المرور كلم غرفة العمليات بتاعتهم وقالي فعلا كان معمول لك مخالفة عطكسي واتشطبت

بجد حاجة تخنق

المشاركة الأصلية كتبت بواسطة aly_hosny

والله حرام تلاقيه بياكل عيش من الموتوسكل دا والظابط طبعا ولا بيهمه الكلام دا اهم حاجة يلم فلوس

مش لازم يكون بياكل عيش
يعني هو اصحاب العربيات الملاكي اللي بيصرفوا عليها ومش بياكلوا منه عيش حلال يتبهدلوا مخالفات ؟

المشاركة الأصلية كتبت بواسطة esabdc

وده بيثبت ان سلوك البشر لا ينصلح فقط بالقوانين الشديدة والرخمة ، والا كان وضع المرور فى مصر احسن وضع فى الدنيا لانه احنا عندنا أرخم قانون مرور فى الدنيا !
لابد ان نشعر ونعيش ونشوف أثر بجد لاقامة العدل فى البلد {زى ايام احمد رشدى وزير الداخلية فى التمانينات} مثلا
ساعتها بس كل واحد هيحترم نفسه ، حتى بتاع الفبشار:pointi~2[2]:
والف سلامة من الخضة يا icehearted girl

يا باشا طول التاريخ تفسد الامم وتنهار حين لا يسود فيها العدل
وتقوي الامم وتعز حين يطبق القانون بالعدل والمساواة بين الجميع دون تفرقة بين شخص واخر لاي سبب
ايام احمد رشدي كان بيطبق القانون على الكل بجد فالناس كلها احترمت القانون
دلوقت القانون لا يطبق الا على الضعيف او اللى مش معاه واسطة وبالتالى لا يحترم احد القانون