فيلم رعب ..حصري من وإلي الشعب المصري
من كام يوم كدا شفت حتت فيلم رعب معتقدش ان لو حد مر بيه هيفضل عايش بحواسه الاربعه لحد دلوقتي:8954[1]:
ايوا اربعه مهي واحدة راحت عندي خلاص
هوصفلكم اللي حصل وياريت تعيشوا معايا اللحظة:sailor::sailor:
المكان...نفق فيصل اللي داخل علي مريوطية فيصل
الزمان..الثلاثاء الساعه 12 الضهر
الحدث ..أن أن
مركزين معايا؟؟؟:lurk5:
كنت داخلة نفق فيصل داهون وجنبي والدتي وكانت قدامي عربية نقل كبيرااااااااااااااااااااا ااا
وكان علي ضهرها زي تلاجة كبيرة او صندوق كبير ضخم بحجمها تقريبا
ونظرا لرعب ماما الشديد من اي عربية اطول من 7 متر ونص مديت شوية عشان اعدي التريللا دي
وإذ فجأة دخلنا احنا الاتنين النفق هي يميني وانا شمالها بس انا كنت في ديلها يعني في الآخر
النفق دا تقريبا طوله 5 متر او حاجة زي كدا
المهم الحمولة اللي كانت علعربية دي اطول من كدا بشوية
وبالتالي العربية طرفها من فوق ارتطم بسقف النفق دا وعمل صوت مرعب
انا اتسمرت مكاني
خصوصا لما شفت السواق مصر يدخل النفق
لقيت العربية مالت شمال_نحيتي يعني_ بزاوية مرعبه
والحاجة الكبيرة اللي علي ضهرها دي بتحك فسقف النفق وبتميل هي كمان:018:
طبعا انتم متيخيلين الخطوة اللي جيه.,.اني حسيت ان التريللا كلها هتتقلب عليه لا وجوا النفق:funny34d:
دا بالاضافة الي ماما اللي عمالة تصوت جنبي:2003126104835_wrc:
والتاكسي اللي عمال يكلكس ورايا محسسني اني واقفة فنص الطريق بجيب فشار:lurk5::lurk5:
انا مش متخيلة اني استحملت التلات اربع دقايق اللي عدوا عليه دول
لا والتريللا خرجت عادي والسواق مشي
حد يفهمني اللي حصل دا طبيعي ان حد يدخل نفق بارتفاع زايد؟؟؟ واناللي بهول الموضوع؟؟:g:
ولا السواق دا حمار بس ربنا سترها معاه:taz:
ولا سواق التاكس اللي ورايا كان نفسه فشوية فيشار؟؟:11: