الموضوع: ليه نايل موتورز بالذات

المشاركة الأصلية كتبت بواسطة abocato

مش عارف منين تبتدى الحكايه
اولا مكنتش اتخيل فى يوم من الايام انى اشارك فى المنتدى ولو حتى بكلمه شكر بس نايل موتورز حاجه غريبه اول مره احس انى لازم اشارك فى منتدى وهقلكوا الحكايه بدات ازاى
انا اشتركت فى المنتدى عشان كنت بجمع معلومات عن سيارات عشان كنت بفكر اشترى عربيه بدات معايا باوبل و بعدين مازدا و نوبيرا و انتهت الحمد لله بكريستاله و كان لنايل موتورز بعد ربنا الفضل فى انى مكنش زى الاعمى لدرجه ان كان اى حد يتكلم معايا لايمكن يقول انى اول مره اركب عربيه و كنت بتكسف جدا و انا عند الميكانيكى و هوا عمال يظبط الى انا عايزه و انا اقله اعمل كذا و كذا وانا معرفش الى انا بقوله بس بقوله بثقه لدرجه انى مكنتش اعرف مكان الاسبيراتير من الكربراتير و ولا الكتاوت من التكهيات بس بكل ثقه اكلم الصنايعى يبقى فاهم انى مش راجل خام وكانوا بيعملوا لى الف حساب فى المصنعيه يعنى محدش كان بيشتغلنى وصل بيا الحال الى انا اخدت الى انا عايزه من المنتدى و استفدت جدا بس مقدرتش انى اسيبه ولا انى مخشش عليه كل يوم ولما بقا القسم الى انا بدخله كل يوم خلاص خفظته و مفيش جديد و لا العربيه فيها جديد اسال عنه لقيت فى حته تانيه عامله زى البيت الكبير بيت المنتدى كله الى هوا القسم الاجتماعى تلاقى فيه بتاع الدايو مع الانسر مع المرسيدس مع الصينى مع كله الكل بيتشارك فيه يمكن اكتر من منتدياتهم الخاصه مش عارف من غير القسم الاجتماعى كنت عملت ايه اكيد كنت هزهق جدا فى المنتدى لقيت ناس مثقفه جدا و محترمين تتشارك الافكار و الاراء بطريقه جميله محستش ابدا انه منتدى عادى الحقيقه منتدى يحرك الصخر يخليك لازم تشارك واول منتدى الاقيه ميقلش ضع ردا حتى تتمكن من مشاهده المرفقات بجد حاجه محترم اعتقد ورا كل ده اداره محترمه و اعضاء محترمين

شكرا نايل موتورز شكرا كريم منير

كلامك بيعبر فعلا عن تجربة معظم الاعضاء
الموقع يجر رجلهم لما يكونوا عايزين يشتروا عربية بانهم يدخلوا يعرفوا كل حاجة عنها
بمرور الوقت يشتروا العربية ويلاقوا مفيش جديد في عربيتهم بالنسبة لهم
وهنا تظهر الكارثة
كريم منير وادارة المنتدي مظبطين الموقع بحيث انه يسبب اشعاعات لاصقة تخليك متقدرش تبعد عنه حاجة كدة زي الادمان محتاجة تفسير من الاطباء اللى معانا في الموقع وان كنت اشك انهم هيلاقوا حل اذا كانوا هما كمان اعضاء معانا يبقوا مدمنين زينا يعني مفيش امل في العلاج

الله يسامحك يا كريم يا منير

على فكرة كلامك على المنتدي الاجتماعي ابلغ رد للناس اللى كانت بتطالب بقفله

المشاركة الأصلية كتبت بواسطة abocato

الحمد لله انى مطلعتش لوحدى كده اظاهر فى ناس كتير عيانين نايل موتورز كل سنه و انتوا طيبين وفعلا اعضاء محترمين +اداره محترمه =نايل موتورز

يوووووووووووه كل الاعضاء زيك يا ابو كاتوا
حد يشوف لنا دكتور بس ميكونش من اعضاء الموقع مدمن عليه معانا

المشاركة الأصلية كتبت بواسطة tlrsiap

أتفق معك
و تجربتي مشابهة

يا عزيزي كلنا هذا الرجل

المشاركة الأصلية كتبت بواسطة honeythehoney

بصراحة أنا من كام يوم كنت قررت أنى مش هتعامل مع المنتدى نهائي بسبب احد المواضيع اللى ضايقنى جدا
و طبعا قفلت لينك المنتدى (الطبيعي أنه مفتوح طول ما انا على النت على الاقل 10 ساعات يوميا) بس بعد ساعة و الله مقدرتش و قلت إذا كان فيه ناس دماغها مش عاجباك ايه ذنب انك تحرم نفسك من ناس تانية كتييييييييييييييييير مممتازين و هم الأغلبية
أنا لا لية فى المنتديات و لا غاوي عربيات أصلا بس فيه حاجة فعلا غريبة فى المنتدى دا مالهاش دعوة بالكلام دا كله فيه ناس غريبة أنا بجد بستغرب الناس الى هنا دي مختلفة عن الناس الى الواحد بيتعامل معاهم فى الحياة اليومية ناس بتساعد و بتخدم حتى في حاجات مالهاش دعوة بالعربيات لوجه الله من غير ما يكونوا عاوزين اي حاجة و لا حتى انهم يعرفوك او يقابلوك. ناس أنقذونى مرتين من غلطات فظيعة كنت هاعملها و بمشورتهم لحقت نفسي.
يا رب مصر كلها تبقى نايل موتورز حالنا هيتصلح كتييييييييييير

يا راجل حرام عليك تسيبنا
بذمتك نهون عليك
تلاقي فين ناس زي كريم منير وشنوري وبحاري واحمد كمال ود سمير و دعبد الغني وهيما لانسر ومحمد عزت وايمن بروتون والعقيد خالد يووووووووووووه
اقول مين ولا مين
اقولك تلاقي فين ناس زي اللى هنا
ناس في وقت مبقاش فيه ناس تستاهل انهم يبقوا ناس