الموضوع: شحاتين دليفرى

احسن حاجة عملتها

وعلى فكرة، المعندوش كرامة، ميستحقش المساعدة

المشاركة الأصلية كتبت بواسطة shakora

تصرفك صح مليون الميه
اقولك موقف غريب بمناسبه الشحاته الدليفرى بس المرة دى بالعربيات
كانت فى بنزينه توتال الى على الدائرى و خارج من البنزينه لأيت واحد بيكلكسلى و يقلب نور قولت عايز يشوف العربيه ( اصل انا عرضه للبيع :e_braces[1]: للأسف ) المهم لأيته بيقولى ممكن اى فلوس لأن العريبه مفيهاش بنزين و و مش معى فلوس المهم قولتله و لا انا و مشيت
و انا ماشى فكرت ادام العربيه مفيهش بنزين بتمشى بيه ليه و كانت عربيه كيا مش هفأ يعنى بس بجد بيبأ فى حالات بجد محتاجه مساعدة مرة كانت فى اسكندريه انا و الحاج و واحد وقفنى قبل ما يتكلم ورانى البطاقه و الرخصه و قال لبابا انو من القاهرة و العربيه هتفضا بنزين و هو فلوسه خلصت بس اشترط ان اذا كنا هنساعدة اولا هنروح البنزينه معه و هو بيحط بنزين و ناخد موبيله لحد ما يرجع الفلوس و بالفعل الحاج راح معه بنزينه و فوله العربيه و مرديش يخد منه الموبيل بتاعه
اسف على الاطاله بس ولاد الحرام مخلوش لولاد الحلال حاجه

اهو كده ماشى ده واحد محتاج مساعده بجد وقالك تعالى ساعدنى مش هات فلوس عشان انا محتاج

ربنا يباركلك

المشاركة الأصلية كتبت بواسطة نور القمر

صح طبعا 100 مرة
انا عودت اكتر من واحدة على الموضوع ده لما بقوا رخمين بصراحة ومستفزين
تفضل الواحدة من دول ترن ترن ترن في اي وقت بمنتهى قلة الزوق وما تمشيش الا لما تاخد المعلوم وكل واحدة منهم عليها صحة تهد جبال ومرة طلبت من واحدة تيجي تشتغل عندنا شغالة رفضت لان الشحاته اكسب لها

اهو هو ده الى انا حسبته ان الناس دى لو عطيتها مره مش حتسيبك وحتيجى 100 مره
وللدرجه دى البجاحه رفضت تشتغل وعاوزه تعيش من عرق ومجهود الناس وهى تاخد على الجاهز

المشاركة الأصلية كتبت بواسطة newhansol

صباح الفل يا ريس

اية يا عم دة ساكن فى الدور السابع وحد يخبط عليك ويقولك كدة يعنى الواحد يروح يسكن فين تانى فوق السطح
وتاعبة نفسها وطالعة لحد السابع طب ماتخليها فى الاول والتانى على الاقل بدل قطع النفس دة

بص يامعلم انا لو مكانك هاعملك زيك بالظبط الافضل انك تتبرع فى الجمعيات الخيرية والكلام دة ودار اليتامى ولما دول يخلصو ويقولو للناس خلاص مش عايزين تبرعات تانى نبقى ندور على الناس الى فى الشارع ونديهم فلوس

مرة كنت رايح البنك اصرف المعاش لولدتتى وبروح لواحدة معرفة علشان تصرفلى المعاش بدل ما اقف فى الطوابير وكدة وبعدين لاقيتها بتقولى اقرا الورقة دى كدة لاقيتة كشف حساب من البنك برصيد 298 الف جنية قلتلها دة اية قالتلى عارف الراجل الشحات اللى بيقعد عند محطة القطر قلتلها اة قالتلى الحساب بتاعة دة بقالة خمس سنين بييجى كل اسبوع بيحط فلوس بانتظام وهوة اتوفى وولادة هايورثو بقى المبلغ دة
بصيت فى الرقم كويس اية دة
يالهوى 298 اكتر من ربع مليون يخربيت كدة دة الواحد يحوشهم فى 100 سنة دة لو اشتغلت ومصرفتش نكلة من المرتب وقضيتها عيش حاف برضة مش هاحوش المبلغ دة

ومن ساعتها اى واحد يقولى لو سمحت يا استاذ حاجة لله او مساعدة اقولة لو معاك انت حاجة لله هاتها او مساعدة هاتها برضة ولا اقلوك خدنى اشتغل معاك اية رائيك

ههههههههههههههههه
اهو انا لو عطيت الراجل ده ربع جنيه حروح لعياله واقولهم انا عااااااااوزه ومش حسيب حقى
عشان ده كده نصب حسب الله ونعم الوكيل فى العالم دى

المشاركة الأصلية كتبت بواسطة Mostafa_Elhussain

النوع ده موجود من زمان وكان في واحده بتعدي علينا كل اسبوع لازم يحصلها كارثه
مره جوزها عيان ومره جوزها طلقها وابنها وقع من عالسطح وبنتها اتحرقت بمية نار..........
مره قالتلي ابني رجله اتكسرت قلتلها لازم ازوره واشوفه بنفسي قامت ماشيه ومجتش تاني
واكتر نوع بكرهه من الشحاته هم الشحاتين بتوع الباركينج
انا حسبتها قبل كده لقيته بيقبض مبلغ ممكن مدير شركه ميقبضوش
ومبيعملش حاجه كل اللي بيعمله انه يقول تعالى ويلبسك في العربيات اللي جايه وخلاص
وممكن ميركنكش اصلاً وتلاقيه جاي جري بصفارة الحكم بتاعته ويقولك البارك يا بيه!!

اهو بتوع البارك دول ببقى عاوز افجرهم
يلاقوك وانت بتركن محتاس ومش لاقى حته وخايف ترجع تخبط حد وراك ويبقى سايبك ولا اكنه هنا
ولما تيجى تمشى يفضل لازق فى الباب عشان تديله الجندى اتاوه مش وظيفه

المشاركة الأصلية كتبت بواسطة newhansol

اقرا الورقة دى كدة لاقيتة كشف حساب من البنك برصيد 298 الف جنية قلتلها دة اية قالتلى عارف الراجل الشحات اللى بيقعد عند محطة القطر قلتلها اة قالتلى الحساب بتاعة

مش عارف ارد عليك بأيه بصراحه اصل انا ميت ضحك :POINTI~2[2]: عشان افتكرت فيلم الواد محروس بتاع الوزير

أنا عندى فكره يا جماعه علشان الواحد يبقى مرتاح من ناحيه ومن الناحيه التانيه يأمن نقسه ويبعد عن الشبهات والتبجح بتاع الناس دى
كل واحد يجهز بمبلغ صغير ويحطه كل جمعه أو كل جمعه من أول شهر فى صندوق الزكاة لإن كل جامع
عارف مين اللى محتاج سواء أيتام أو مساكين إلخ ونلغى فكره الزكاة للجمعيات الخيرية علشان معظمها مش كويسه بواقع كلام الأعضاء وبكده أى حد هايقول ونبى يا باشا محدش يسأل فيه نهائى وكل واحد فينا لازم يقفل إزاز العربيه لما يقف بالليل أو فى النهار وبالطريقه دى هانبعد عن المشاكل والحمد لله ربنا نجانى من المطواه كان شويه وتدخل فى رقبتى .. دى الطريقه اللى أنا شايف إنها كويسه جداَ ولا إيه رأيكم يا جماعه