الموضوع: شحاتين دليفرى

بصراحه يا باشا التصرف اللى حضرتك عملته هو كويس من ناحيه إنها ماتجيش تانى أو تبعت غيرها ويتعودوا على كده
وكمان علشان مايحصلش لحضرتك أى موقف غدر لإن مفيش أمان فى الزمن ده والناس مبقتش زى الأول
بس اللى مزعلنى إنى حاسس بيك والبنت صعبانه عليا فعلا لإن معظم المحتاجين بيكونوا محتاجين فلوس بشده الله أعلم لإيه بس أنا لو
مكان حضرتك كنت هاديها اللى فيه النصيب ولو الموقف ده حصل تانى لايمكن أخرج فلوس ولو حصل ثالث هاديلهم كارت إرهاب

عموما رد المدام كان كويس علشان مايبقاش الموضوع تسليه وإستغلال ضعفك بس أنا عندى طلب مع إحترامى لحضرتك إنك تقول للمدام
لو الباب خبط وبصت من العين السحريه ومشافتش حد ماتفتحش الباب لإن الموقف ده حصل معايا بس حرامي مش شحات .

وأنا آسف لو قصرت فى حقك بكلمه أو تعديت حدودى

وشكرا

أخوك محمد

المشاركة الأصلية كتبت بواسطة eng.mohamed amen

بصراحه يا باشا التصرف اللى حضرتك عملته هو كويس من ناحيه إنها ماتجيش تانى أو تبعت غيرها ويتعودوا على كده
وكمان علشان مايحصلش لحضرتك أى موقف غدر لإن مفيش أمان فى الزمن ده والناس مبقتش زى الأول
بس اللى مزعلنى إنى حاسس بيك والبنت صعبانه عليا فعلا لإن معظم المحتاجين بيكونوا محتاجين فلوس بشده الله أعلم لإيه بس أنا لو
مكان حضرتك كنت هاديها اللى فيه النصيب ولو الموقف ده حصل تانى لايمكن أخرج فلوس ولو حصل ثالث هاديلهم كارت إرهاب

عموما رد المدام كان كويس علشان مايبقاش الموضوع تسليه وإستغلال ضعفك بس أنا عندى طلب مع إحترامى لحضرتك إنك تقول للمدام
لو الباب خبط وبصت من العين السحريه ومشافتش حد ماتفتحش الباب لإن الموقف ده حصل معايا بس حرامي مش شحات .

وأنا آسف لو قصرت فى حقك بكلمه أو تعديت حدودى

وشكرا

أخوك محمد

لا يا باشا دا انت كده عين العقل وكلامك سليم فعلا
وفعلا مفيش الايام دى امان خلاص من كتر الى الواحد بيشوفه وبيسمعه الى بيقتل واحد او واحده عشان موبايل او 50 جنيه والدنيا فعلا مبقتش امان
وانا لما بصيت وملاقتش حد من العين السحريه كان التصرف السليم انى اعرف مين قبل مفتح لكن من دوشه النوم والواحد صاحى مش شايف قدامه فتحت على طول قولت اشوف مين
وشكرا على النصيحه والتحذير

المشاركة الأصلية كتبت بواسطة terrible_darsh

غلط ايه بس !! :((

شكلك قلبك حنين فعلا ..

انا من يوم ما دخلت الجامعة و فى واحدة ست بتطلع فى المينى باص لما بكون رايح بمواصلات تطلع تقول كلمتين مبتغيرهمش و بقت عاملة وظيفة محترمة من الكلام دا ..

احسن حاجة انك تزكى بصفة مستمر فى اى جمعية خيرية و الكلام ده بقوله للمرة المليوووووون ..

الزكاء فى اى جمعية خيرية افضل مليون مرة من الشحاتة و هقولكم ليه .

اولا جدى كان مشترك فى جمعية خيرية من 15 سنة و حاليا بقي هو زى رئيس الجمعية كده .

بيقولى دائما تزكى فى اى جمعية خيرية افضل من الشحاتة , لان الجمعية الخيرية بتبقي عارفه الناس و عارفه ظروفهم و بتديهم مرتبات كل شهر على حسب ظروفهم الاجتماعية و كمان الجمعية بتعمل اعمال خيرية كتير بتروح للناس المحتاجة فعلا لانها عاملة بحث عن كل واحد له مرتب و عارفه ظروفه بجد ..

الناس اللى بتشحت بنسبة 90 % منهم , بيبقوا مسجلين فى الجمعيات دى و بيروحوا يشحتوا برده يعنى اضافة للمرتب .

الناس بقي بتضيع اللى الجمعيات بيعملوه , بدل ما يتزكوا بطريقة صحيحة بيدوا الناس فلوس اضافية و مش كلهم بيبقوا محتاجين .

و من سنتين حصلت حادثة ظريفة جدا , واحدة ست خبطتها عربية و لما وقعت على الارض توفت و لاقوها رابطة حزام على بطنها بمبلغ كبير جدا ممكن محدش يصدقه ..

يا ريت يا جماعة الزكاة تروح لمكانها الصحيح , و ربنا يرزق الجميع ..

والله الواحد مبقاش عارف يفرق بين المحتاج والغنى
المحتاج ممكن تلاقيه ماسك موبايل وهو ممكن مش لاقى ياكل ولو قالك عاوز فلوس طبعا حتلاقيه كده مش حتديله
والى شكله محتاج ويصعب عليك تلاقيه معاه فلوس وواخد العمليه صنعه ومهنه يلم منها قرشين بالساهل
خلاص كل حاجه بقت العكس
وصدقنى الجمعيات الخيريه مش كلها كويسه انا كنت اعرف واحد ماسك جمعيه وكان معروف عنه انه بتاع ستات والى عاجباه يديها والى مش عجباه ميدهاش

صباح الفل يا ريس

اية يا عم دة ساكن فى الدور السابع وحد يخبط عليك ويقولك كدة يعنى الواحد يروح يسكن فين تانى فوق السطح
وتاعبة نفسها وطالعة لحد السابع طب ماتخليها فى الاول والتانى على الاقل بدل قطع النفس دة

بص يامعلم انا لو مكانك هاعملك زيك بالظبط الافضل انك تتبرع فى الجمعيات الخيرية والكلام دة ودار اليتامى ولما دول يخلصو ويقولو للناس خلاص مش عايزين تبرعات تانى نبقى ندور على الناس الى فى الشارع ونديهم فلوس

مرة كنت رايح البنك اصرف المعاش لولدتتى وبروح لواحدة معرفة علشان تصرفلى المعاش بدل ما اقف فى الطوابير وكدة وبعدين لاقيتها بتقولى اقرا الورقة دى كدة لاقيتة كشف حساب من البنك برصيد 298 الف جنية قلتلها دة اية قالتلى عارف الراجل الشحات اللى بيقعد عند محطة القطر قلتلها اة قالتلى الحساب بتاعة دة بقالة خمس سنين بييجى كل اسبوع بيحط فلوس بانتظام وهوة اتوفى وولادة هايورثو بقى المبلغ دة
بصيت فى الرقم كويس اية دة
يالهوى 298 اكتر من ربع مليون يخربيت كدة دة الواحد يحوشهم فى 100 سنة دة لو اشتغلت ومصرفتش نكلة من المرتب وقضيتها عيش حاف برضة مش هاحوش المبلغ دة

ومن ساعتها اى واحد يقولى لو سمحت يا استاذ حاجة لله او مساعدة اقولة لو معاك انت حاجة لله هاتها او مساعدة هاتها برضة ولا اقلوك خدنى اشتغل معاك اية رائيك

من ايام ما انا كنتفي أعدادي كان في ست بتشحت وعلي إيدها عيل يتيم بتربيه.
أنا خلصت الثانوي و الجامعه و تعدي سنين و أشوف نفس الست شايله برده عيل و بتقول انه أبنها و هو يتيم و بيربيه

العيل ده المفروض يطون اتخرج من الجامعه

دول مش محتاجين يا باشا
المحتاج لا يسأل الناس ألحافا

انا بقى كنت بقابل شحاتة كانت عاملة زي اللهو الخفي . كنت بشتغل في المهندسين وساكن في مدينة نصر كنت بشوفها في الاتنين بتشحت . بعد كده شغلي بقى في شيراتون لقيت نفس الست بتشحت . اللي انت عاملته ده عين العقل ماتقلقش

بصراحه يا باشا التصرف اللى حضرتك عملته صح جدا