الموضوع: New Accent

المشاركة الأصلية كتبت بواسطة dr.ahmed

7- نظام التحكم الإلكترونى فى السيارة ليحفظ توازنها فى المنحنيات والمطالع والمنازل وأثناء المناورة وهو ما يعرف بال eps

ال EPS Electronic Power Steering
هو نظام الباور الكهربائئ و هو نظام جديد انعم و ادق بكثير من النظام الهايدروليك (المدعوم بضغط الزيت)

اما ال ESP Electronic Stability Program
هو النظام المسئول عن اتزان السياره فى المنحنيات

شتان بين النظامين و كل لهه وظيفه مختلفه
النيو اكسنت سياره ممتازه و اتزانها جيد جدا
الا ان النظام المتوفر بها هو ال EPS الخاص بالباور و ليس ESP الخاص بالاتزان


و شكرا

المشاركة الأصلية كتبت بواسطة dr.ahmed

هشام بك أنا متشكر ليك جدا على المعلومات الرائعة التى تفضلت بتوضيحها لنا وفعلا أنا متأكد من صدق كلامك ودة اللى عرفتة من واقع بحثى على المواقع المهتمة بالمواضيع دى .... لكن فية حاجة غريبة العربية دى ليا القدرة على الثبات بطريقة غريبة ومش متعود عليها فى كتيييير من السيارات اللى ركبتها من 20 سنة منها الألمانى والكورى والأمريكى فعلا التحكم والمرونة شئ غير عادى .... الحاجة الثانية اللى مستغرب منها مع إعترافى بصدق الفرق بين eps & esp إن فى كتالوج السيارة اللى إستلمتة بيأكد على إستقرارها إلكترونيا والتحكم فى قوة الموتور فى المنحنيات وأثناء الطلوع والنزول من على الإرتفاعات ....وأخيرا لك منى كل الشكر والتقدير هشام بك

الأكسنت فعلا فيها ESP بس مش بينزل في مصر، عشان كده هتلاقيه موجود في كتالوج العربيه بس هتلاقي موجود جمبه (if installed)

عزيزى د. احمد
كلام سيادتك صحيح بخصوص ثبات النيو اكسنت و الفضل فى ذلك يرجع الى انظمه التعليق و المساعدين الغاز كما هو الحال عندى فى ال نيو الانترا
فالسيارتان يشتركان فى نظام ال EPS
ولا يوجد بهما نظام ال ESP الا فى الفئات العليا منها و التى قد لا تكون متوفره فى مصر و لكنها فقط مذكوره فى كتالوج السيارتين كما تفضل ا. هشام عبد المجيد بذكر هذا الموضوع

و ان شاء الله اختيار جيد و ربنا يحفظهالك و يكفيك شرها