-
New Accent
يا ريت حد يدينا راييه في New Accent
فيه طلبات من أعضاء كتير عايزين يعرفوا عنها أى حاجة
عموما اللى أعرفه شخصيا إن موديل 2008 كورى تقفيل بلاده وسعة الموتور 1600 سى وسعرها مانيوال 80000 جنيه بجميع الكماليات ، وسعرها أوتوماتيك 86000 جنيه برضه بجميع الكماليات
عايزين بقة واحد باشا يكون إشتراها أو حتى ساقها يقولنا تقرير عنها
-
بص يا سيدى انا إستلمتها قبل العيد بكام يوم ولسة حتى مارخصتش ورايح بيها المرور بكرة ربنا يعدى اليوم على خير إن شاء الله وسوف أتحدث عنها من واقع الكام بوم اللى فاتو
الممبزات :-
1- عزل 10على 10 من وجهة نظرى
2- تابلوة يشمل كل شئ علاة على العذاد بتاع الرحلة ا , ب
3- كاوتشات عريضة مستوردة طبعا بالضمان بتاعها ههههه ؟؟
4- ثبات حكاية وماتحسش إنك ماشى دة طبعا لم يكن أكثر من 100كم
5- إحساس بالتحكم فى كل ما يحدث فى السيارة بمنتهى الهدؤ والسلاسة
6- مسافة الغيارات قصيرة وناعمة وسهلة وكأنها عارفة هى رايحة فين إذا كانت الثانى أو الثالث أو....
7- نظام التحكم الإلكترونى فى السيارة ليحفظ توازنها فى المنحنيات والمطالع والمنازل وأثناء المناورة وهو ما يعرف بال eps
8 - كاسيت لسة لحد الان قاعد بذاكر فية لأنة عبارة عن cd & mp3 & aduio& mimory car & usb.........وحاجات تانية لسة ماعرفتهاش ماركة رود ستار سويسرى بالضمان برضة بتاعة
9- العربية عالية عن الأرض بما يتيح المشى فى الشوارع المصرية اللى مليانة مطبات مش عارفين مين الله يسامحة اللى عاملها ....ولا مطب على كافة السرعات لمس العربية ما شاء الله الله وأكبر
10- السيارة كورى 100%
11- الموتور متطور جدا 1600 سى سى 112 حصان جباااااااااااااار
12- أماكن تخزين متعددة وجراب للنظارة وشنطة واسعة جداااااا
13- العربية شكلها عاجبنى أوى من برة ومن جوة أكتر من عربيات تانية كتير من وجهة نظرى طبعا أذواق؟؟؟؟
14- الزجاج حاسس إنى مش محتاج لنظارة شمس أثناء النهار لأنة بيمتص الضوء
كفاية بقة لحسن أنا مش حبطل كلام عنها فعلا حكااااااية
العيوب
1- غبور
2- غبور
3- غبوووووور
مع إنى لسة مارحتلووووش بس من كتر ما أنا سمعت عنة خايف منة ربنا يستر
طيب وأنا مالى ومالة ما أنا أعمل الصيانة ويوم ويعدى وكفى المؤمنيين شر القتال وخلاص وربنا ما يحوجنى لية يا رب يا رب يا رب
-
طبعا بعد الدكتور أحمد مش اقدر اقول حاجة
بس
انا اظن ان 1600 غالية حبتين اوي
ال1400 هي المتوفرة اكتر
و عموما اللينك ده فيه معلومات و صور عنها
http://www.nilemotors.net/Nile/showthread.php?t=11363
-
مبروك يا دكتور احمد ربنا يكفيك شرها
-
ربنا يبارك فيك يا طارق بك وكل سنة وحضرتك وكل المنتدى طيب وبخير ولك من كل التقدير يا باشمهندس أحمد فهذا مجرد رأى واحد بيعرف يسوق ونقل إحساسة لا أكثر أما هذا المنتدى فهو زاخر بالعديد من الساتذة أصحاب الثقافة والخبرة اللى يقدروا يتكلموا على أسس علمية وعملية أكتر منى بكتيييييير
وأخيرا يا جماعة انا حبيت العربية دى أوى ؟؟؟؟؟؟؟؟؟؟؟
-
ربنا يباركلك فيها و يديك خيرها
-
يا دكتور احمد كان ليا استفسار
في ناس بتقول انها فتح الشنطة مش من الداخل (لازم بمفتاح)
و العفشة ناشفة
و يقال انها تقفيل هندي
و ياريت الوسع بتاعها من ورا تكلمنا عنه
و لك كل الشكر و التقدير
-
باشمهندس أحمد موضوع فتحة الشنطة من الداخل دة موجود فى موديل 2007 ومش موجود قعلا فى 2008 ودة حسب ما عرفت لزيادة الأمان حيث ممكن إنك تنسى فعلا وبدل ما تفتح التنك تفتح الشنطة والكلام دة مابتحسش بية مع الزحمة المقرفة اللى فى مصر اليوميين دول وكان بيحصل معايا كتير فى سيارتى السابقى الإكسل ... هذا علاوة على إنهم عوضوا دة فى الكاسيت السى دى بدلا من الشرايط اللى كان فى مو 2007 وفعلا الأوبشن دة مريحنى وبالنسبة لى هى مش كتر أوبشن وخلاص لا المناسب ليا واللى مريحنى ....؟ وعلى فكرة الموضوع سهل جدا إنك تعملة وتكلفتة هايفة أوى ...
أما عن موضوع العفشة فاللى كتير من الناس ماتعرفوش إن المساعدين بتاع النيو أكسنت غاز مش زيت ودى بيديها الثبات اللى إتكلمت عنة والتحكم الفائق ودة من وجهة نظرى ميزة مش عيب والنشوفية مش للدرجة المزعجة بالعكس فإنت بتحس إن العربية ماسكة نافسها .....
وبالنسبة لموضوع التقفيل الهندى فلقد قرأت عنة فى منتدى كونتكت وكان هناك ناس كتير ليها ردود على الموضوع دة ومنها إية هية الدلائل لهذا الكلام ...أما عن نفسى فأنا متأكد من أن هذة السيارة كورى 100% من واقع كل الأوراق الرسمية اللى إستلمتها مع السيارة حتى الورقة الملزوقة على الزجاج الأمامى مكتوب عليها باللغة الإنجليزية أن هذة السيارة صنعت بالكامل فى كوريا وكذلك الدمغ اللى على الأبواب
وعلى فكرة يا باشمهندس أنا ركبت العديد من السيارات اللى تقريبا فى فئة النيو أكسنت كلهم بالنسبة تقريبا وسع واحد ... فمثلا ماتحسش بدرجة الرحابة والفارق العظيم فى الأفيو أو الأوبترا أو الفيرنا أو اللانوس أو حتى اللانسر الموضوع أنا شايف إنة متقارب ...فرق بسيط بين المصطلح أوسع سيارة فى فئتها وكلمة كنبة مريحة .... عن تجربيتى فكل اسرتى والحد لله علاوة على الأقارب يعنى أربع افراد ورا والموضوع أنا شايفة كويس والعربية زى الفل والناس مش راكبين على بعض بس طبعا الأحجام كلها كانت متوسطة
أسف للإطالة يا باشمهندس واتمنى إنى أكون قدرت اجاوب حضرتك على إستفساراتك
وسلام من الله عليكم ورحمتة وبركاته
-
ألف شكر يا دكتور
هي عربية حلوة فعلا
ربنا يباركلك فيها
و يكفيك شر توكيلها..........
-
ربنا يكفيك شرها وشر عيون الناس وشر الطريق ويديك خيرها انشاء الله قول يارب
Content Relevant URLs by
vBSEO 3.6.0 PL2