الموضوع: سؤال لمالكي سيراتو sx وكيل

المشاركة الأصلية كتبت بواسطة alzwawy

100000000 مبروك يا باشا علي الحجز
هو الفرده الاستبن في الهاي لاين بتبقي متجنطه انما sx بصراحه مش عارف
ورق الترخيص انا برده عاوز اعرفه زيك ياباشا انا هرخص بكره ولا بعده خلاص
الاستلام هتجرب كل زرار في العربيه وتشوف ورق الافراج الجمركي وورق المرور
بتوع النيتروجين ملين الدنيا ياباشا عندك البنزينه الي في اول عباس انا هعمله فيها انشاء الله
طبعا يا مان العربيه عنرها ما هتكون متلينه ابدا انت هتلينها لمده 1000 او 1500 كيلو
هتعرف انها وكيا يا باشا من الورق والافراج الجمركي و ورق الضمان بتاعها
يارب اكون قدرت افيدك و يارب حد يفيدنا في موضوع الترخيص ده

الف شكر ياباشا والف مبروك .. وربنا يكفينا شرها

انا بفكر جديا دلوقتى فى النيوسيراتو وخدت خلاص القرار بعد حيرة كبيرة بين السيراتو والألنترا:
بس لما خلاص جيت اشترى لقيت السوق مليان خليجى وطبعا الوكيل عنده الحجز من 3 ل 4 اشهر, والظاهر ان الموضوع ممكن يطول عن كدة
انا بصراحة عايز اعرف ايه المشاكل بالنسبة للخليجى:
1- انا ممكن اصلح العربية الخليجى فى التوكيل بتاع eit ولا لأ؟
2- طيب لو هو ممكن دلوقتى, مش ممكن كمان شوية يقلك العربيات الوكيل كترت اوى والوكيل مش هيدخل غير عربياته بس فى التوكيل؟

من ضمن الناس اللى سألت عندها هو المصرية وقاللى على عربية تقريبا زى ال sx بتاعت الوكيل بس الجنوط فيها 16 مش 17 وبصراحة هو دة اللى كنت بدور علية,وكانت ب 113 بس هو قاللى على حاجة مش عارف هى صح ولا لأ, فاللى ان العربيات الخليجى ممكن ادفع فى التوكيل الف جنية وتبقى ساعتها اكنها ضمان, انا مش عارف بصراحة الكلام دة صح ولا هو بيحلى البضاعة وخلاص

حاجة تانية من الحاجات اللى قالهالى هو ان العربيات الخليجة فية منها مليون نوع: اماراتى وسعودى ولبنانى .... مش عارف ايه اللخبطة دى, مهو ممكن يكون الخليجى السعودى مثلا كويس بس الأماراتى فيه عيب

ياريت بجد حد يفيدنى ويقوللى الموضوع بصراحة ووضوح علشان لو كدة الحق ااخد دورى فى الحجز وخلاص