محتاج ارائكم

**theking2690** · 25-12-2007 11:57 PM

بصوا يا جماعة ديه تعتبر اول مشاركة ليا فى المنتدى و انا اسف انها هتكون سؤال مش موضوع انا عامله انا كنت عاوز اخد ارائكم فى موضوع انا بأذن الله هشترى عربية و الميزانية مش هتزيد عن 80,000 و بالنسبالى العربية ديه هتكون اول عربية بعد العربية اللى اتعلمت عليها السواقة فيات 127 فأنا الصراحة محتار بين عربيات كتيره و الصراحة انا عايز عربية مناسبة لسنى انا عندى 18 سنة و انها تستحمل استعمال الشباب و الصراحة انا محتار كمان انها تكون عرية مانيوال احسنلى و لا اتوماتيك و العربيات اللى انا محتار بينها هى:
1-جولف 4
2-اوبل فكترا
3-هيونداى النترا
4-bmw e36
5-هيونداى ماتريكس
6-دايوو جولييت
7-ميتسوبيشى لانسر
9-نيسان صنى
10-سيات ابيزا
11-جين 2 بس ديه مقلق منها اوى علشان كل الاعضاء اجمعوا ان الفينيش بتاع العربية مش اد كده و انا الصراحة بحب العربية تبقى على الفرازة

و انا محتار بين دول و عايز اعرف منكم انهى احسنهم سواء من ناحية قطع الغيار و المتانة والثبات بتاع العربية و الحاجات دي يعنى فأنا عاوز ياريت لو حد نصحنى بعربية من دول يقولى ايه السبب فى اختياره ليها و ايه مميزاتها و ايه عيوبها و كمان لو حد عنده اى اقتراح تانى انا مرحب ان انا اسمعه و يا ريت مكونش طولت عليكم:)

**theking2690** · 26-12-2007 12:05 AM

بس ياريت يا جماعة اللى هيقترح اقتراح تانى برضه ما يعديش ال 80

**ASD peugeot** · 26-12-2007 12:18 AM

ايه الاختيارات دي كلها
لو عاوز حاجه مستعمله و هاتشباك بيجو 206 موجود منها موديل 2001 و محركات كتير
1100و1200و1300و1400 سي سي وعربيه جميله تستحمل شد و جري
لكن لو عاوز حاجه تانيه لانسر جميله جدا وخصوصا عشان الثبات و قطع غيار رخيصه
دا رأي

**tarekkasaby** · 26-12-2007 10:27 AM

اهلا بيك
انا راى انك تجيب زيرو احسن
و بكده اعتقد ان اختياراتك حتبقى بين ماتريكس و جين 2 وممكن تفكر فى الجيتز
دول تقريبا حيبقو فى حدود ال80 الف
بالنسبه للجين 2 فعلا فى ناس بتقول ان التابلوه خاماته فقيرة شويه بس انا شايف انك تروح تتفرج عليها احسن على الطبيعه
لو فكرت فى الجيتز ان تحت امرك فى اى استفسار

**Abdallah** · 26-12-2007 10:30 AM

عربية الشباب بلا منازع فى نظرى هتبقى جولف 4 او bmw e36 لو تقدر على مصاريفهم ولو متقدرش يبقى ممكن جين 2 وصدقنى الفينش السىء فى حاجات بسيطة جدا مش باينة لو عايز تركب حاجة عالية انما لو عايز تركب حاجة كويسة ويتبقى معك فلوس تظبط بيها هات الجوليت وعلى الله سواء السبيل.

**theking2690** · 26-12-2007 01:37 PM

مشكورين يا جماعة على الرد و مستنى بيقت الآراء

**theking2690** · 26-12-2007 04:11 PM

يا ريت يا جماعة لو انا كاتب الموضوع فى قسم غلط حد ينقله القسم الصح لأنى انا شايف ان مافيش حد رد غير 3 بس هما المشكورين اللى ردوا و انا كانت من الحاجات اللى عجبانى فى المنتدى ده هوه ان لما حد بيسأل على حاجه كلو بيرد عليه و بيوجهوا للطريق الصح انما فى حالتى انا مش شايف غير 3 بس هما المشكورين اللى ردوا رغم انه فيه 65 واحد شاف الموضوع

**Ashraf A.Kader** · 26-12-2007 10:13 PM

شبابي تبقي جين 2 او ابيزا او بيجو 206

**أبو عبدالله** · 27-12-2007 12:01 AM

ممكن تقولنا ايه اولوياتك في العربيه يعني ايه اللي يعجبك فيها وبتهتم بيه قوي وايه اللي مش بيعجبك في العربيه وممكن يعكنن عليك وايه اللي مش بيفرق معاك
وكل ما تستوفي اكتر في الكلام ده وتوضحه كل ما نقدر نقولك على الأقرب الى الصح
وربنا معاك ويعينك وانصحك بكثرة الأستخارة

**Mustafa_Farouk** · 27-12-2007 12:42 PM

i see Daihatsui Sirion is a very good car & you can buy it automatic.

check about it & see it in any show room.

if you live at heliopolis or nasr city, there's Daihatsui at El Nozha st, beside nissan & subaru
there also will find Pegouet, check for new 207 but it will be expensive than Sirion

Good luck